دردشة بنات مصر , دردشة حوامل مصر , تجمع بنات مصر

احلى نونو · 10-05-2011, 08:19 PM

الله يهنيكى يادودو . شكلى هعملها باللحمه العادى لان هنا الجزارين المتخلفين ميعرفوش بوفتيك ولا اى حاجه
طيب اللحمه بتتغسل ولا احطها فى الطبق وعليها المكونات وزى ماقولتى واكمل

ام انس المصريه · 10-05-2011, 08:22 PM

ههههههههههههههههههه حلوه باااااااااس دى

انا دلوقتى بقولها لعماد متصحنيش سبنى نايمه

يلا يادينا قولى الشاورما خلينى اعملها

احلى نونو · 10-05-2011, 08:26 PM

ديناااااااااااا
روحتى فين

دودى مجدى · 10-05-2011, 08:26 PM

البيتزا بقى يا ستى انا بعمل عجينتها بنفسى لان بتاعة برة بتبقى خشبة
العجينة هقولك على مقدار صينية متوسطة لفردين على قدك انتى وجوزك تحطى فى طبق العجين كوباية ونص دقيق وعليهم معلقة كبيرة خميرة فورية لان هنا طبعا مفيش خميرة بيرا ومعلقة ملح كبيرة برضو وتضربى فى الخلاط بيضة وربع كوباية لبن وربع كوباية زيت ومعلقة سكر صغيرة وبعدين تحطيهم على الدقيق اللى فى الطبق وتعجينيها بايدك لحد ما تلاقى العجينة كدة حلو معاكى مش لزقة فى صوابعك لو حسيتيها لازقة بدريها بحبة دقيق وتسيبيها تخمر فى الطبق وتغطية بكيس بلاستيك وتحطية فى الفرن وهو مطفى على الاقل ساعة وبعدين تجيبى الصينية ويا ريت تكون تيفال تعكى قعرها زيت وتحطى العجينة وتعدى تفرديها بايدك لحد ما تاخد شكل الصينية وبعدين تغزغزيها بشوكة عشان متعلاش وتبقى شبة الكيكة وتدهينيها بقى من على الوش صلصة بيتزا انا بجيبها جاهزة علبة كبيرة ب10 ريال عندى بقالها 5 شهور بتعيش يعنى بس تحفظيها فى التلاجة طبعا وبعدين تحطى طماطم مقطعة وزيتون وساعات بحط سوسيس مقطع اوممكن تونة لو عندك بس لو هتحطى تونة خرطى معاها بصلة حلقات بتخلى طعمها روعة وفوق الوش جبنة رومى مبشورة وتدخليها الفرن متوسط الحرارة وتتابعيها لحد لما تغزيها بالسكينة تطلع السكينة نضيفة يبقى هى كدة استوت ولو احتاجت وشها يتحمر شغليلها الشواية دقيقتين

ام انس المصريه · 10-05-2011, 08:26 PM

ازيك ياابت ياايه

والله انس بيرجع لو موقفتوش على كتفى نص ساعه بعد الرضاعه وسعات والله بوقفه وبرضو بيرجع بس الحمد لله بيرجع اقل من الاول

والصفرا والله ياايه لسه عنده ياقلب امه وخايفه وقلقانه عليه بقى عنده ماشاء الله شهر ونص ولسسسسسسسه عنده

وخايفه اطاهره علشان 2 دكاتره قالو لى لاء مينفعش طهاره غير لما تروح الصفرا وفى نفس الوقت عايزه اطاهره وهو صغير

احلى نونو · 10-05-2011, 08:27 PM

ايه ام اروى ازيك عامله ايه ياجميل
ورور اخبارها ايه ياترى صاحيه ولا نايمه

احلى نونو · 10-05-2011, 08:30 PM

تسلم ايدك يادودى
انا كتبت طريقه الشاورما وهكتب طريقه البيتزا اهو عشان منساش
تسلمى ياام حموودى

بس لحمه الشاورما اغسلها ولا لا؟ سؤال عبيط بس معلش

دودى مجدى · 10-05-2011, 08:30 PM

دعاء اللحمة اشطفيها شطفتين عشان الدم وكدة وسيبيها تتصفى قبل ما تقطعيها وبالمقص هتبقى سهلة اوى معاكى
شيماء يا هبلة الشاورمة فى الصفحة اللى فاتت يوة غلطت وشتمتك اسفة يا مدام شيماء يالا ادلعى بقى احترام اهو

أم إياد · 10-05-2011, 08:32 PM

ازيكم يابنااااااااااااات

دعاااااااااء كيفك النهاردة ياقمر؟

ديناااااااا الف سلامة ياحبيبتي .. انتي بس قضيها بالتشطيف لحد ماتولدي ان شاء الله وتعملي كي للقرحة
وهي مش صعبة ومش بتوجع خاااالص ماتقلقيش
هاجر اللي معانا هنا ربنا يرزقها بالذرية الصالحة عن قريب يارب عملتها وابقي استفسري منها عنها

شوشتي ازيك ياعسل وازي سيدك انس هههههه

دودى مجدى · 10-05-2011, 08:32 PM

على اية يادودو انتى تؤمرينى يا بنتى احنا اكتر من الاخوات ربنا يعلم
اية ازييك يا ام اروى وازى اروىربنا يهديهالك يا رب وترضى ترضع عيال اخر زمن

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل الدمام - دردشة بنات الدمام - تجمع حوامل مدينة الدمام	قمرين	إستفسارات حوامل من الشهر السابع إلى الشهر التاسع	1904	01-01-2012 11:16 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM