ديوانية البحرين - دردشة حوامل البحرين - البحرينيات

[معصومة]

قصدي مافي الا فراشات المخمل

دفشين ولا عجبوني

واسعارهم نفس بره

[بنوتة حلوة]

مرررحبا ياحوااامل غاردن سيتي ..

حبيت ابشركم اني للحين ماولدت >> خخخخخ حلفي بس
الصراحة اني ابي اولد بداية التاسع مافيني شدة انتظررر بعد شهر غير هالشهر دااا العلة الثامن مو راااضي يخللللص !!!

ردت رجعت ليي البواسير عقب مارخصوني من المستشفى يعني ويش هالبلوة من شي لشي الحمل يعني الوحدة ماتنوس تهدأ ..

الشي الفاني ان كل تقلصات في الحوض تجيني والحجية من تتحرك اني اشير وانتظر لين ماتخلص حركتها لأن مافيني شدة بعد كل شي يعورني احين مو نفس قبل استانس واتمازح وياها ..

وعلى قولتكم حارق وحموووضة اففففف مادري ويش الحل :(

[دلوعة وطيوبة]

كيف تولدين وانتي بشهر الثامن

[أحلام أم]

صبااح الخير
اليوم إجازة عن ياحسب ومن الصبح قاعدة ويابنتي عليها باجر إمتحان علوم الكتاب كله على عمري الله يساعدها وينجحها مهي عارفة تراجع ويش لو ويش ومي متقبلة كل هالضغط بعدها في الإبتدائي الله ينجحها

أم خليل
هلا حبيبتي ماعليه شر حبيبي خليل ،وأني أقول مالش حس ولاخبر قلت يمكن كعادتها مشغولة بالشغل واليهال ،تصدقيين البارحة أقول لايكون بعيد الشر مرقدة لوفيها شي ،بس ماضنيت خليل مرقد ياعلي ماعلية شر والله يساعدش على المستشفى والنومة فية وإنشاء الله يرخصوونه بسرعة
الحمدلله زوارنه البارحة يوم أتصل لإختي تقول حصلوا طائرة وركبوها وتالي نمت وأخاف أتصل ألحيين نزعج الزوار
صعب تنساني
هلا بيش حبيبتي والحمدلله إنشاء الله دووم أني من حسن لأحسن يااارب وألحيين أحاتي تحليل السكر ياعلييي الله يستر ويطلع مافييي

في الجريدة كاتبين 100 بحريني عالقيين في مطار النجف وإنتظروا 15 ساعة ليين يشوفوون ليهم طائرة الله يسهل على الجميع
دعواتكم الله يساعد بنتي على مراجعة العلوم ويساعدني وياها هالكتاب كأنة مال توجيهي مو إبتدائي (مته نحس بالراحة من الإمتحانات باقي يومين )

[om khalil]

صباح الخيرررررررررررر

لاب البارحه مانمت عدل ولاب خلي والسسترات مقعديني من غبشه

الله يسلمش معصومه من كل شررر

واحلام أم الله يساعدش على التدريس اشوف خواتي يقولون كانها كتب ثانوي مالت الابتدائي ياعلي ويش باسوي في عمري سنة اليايه ماليي الا ادور وحده تدرسها عاد يبي ليي احجز من ألحين..

حبيبة حسوني يارب ماتيين التجمع الا تبشرينا بولادتش بالسلامه يارب...

[قمر بنت راشد]

بناااات بلاااادي محتاجتكم
http://forum.hwaml.com/t42888.html
اقروو موضوعي ويمكن تساعدوني

[rose soul]

مساء الخير
شخباركم حوامل و أمهات؟؟
ان شاء الله طيبين كلكم

حنون..بعد جبدي..ترا الكل بارك لج.. وانا اللي خبرتهم خخخ
وحمدلله على سلامتج مرة ثانية..بس زعلتيني مادريت ان عمليه
والحمدلله اخيرا جفتي علاوي .. وابتدت روح الأمومة عندج ياي وناسة
وان شاء الله مكان الخياط..يلتأم بسرعة وتصير صحتج زينة
..
أم خليل..واحنا نقول ليش هالغيبة..اثاري خلي مرقد واعلية..ماعليه شر ان شاء الله
الله يساعده ويساعدج على قعدة المستشفى..وان شاء الله يشفى في الوقت العاجل يارب
..
حبيبة..ان شاء الله تكون علامة ولادة..يلا احنا ننتظرج تولدين علشان احنا نولد وراج ههه
الله يسهل عليج يارب
..
أحلام ام .. شخبار زواركم؟؟وصلو ولا لحين؟؟
احنا بعد زوارنا ليوم الجمع ان شاء الله يردون
..
حوامل الشهر التاسع..ياااااااااااااااااااااااااااااارب سهل علينا..واللي تولد قبل لا تنسانا من الدعاء
..اللهم لا سهل إلا ما جعلته سهلا ، وأنت تجعل الحزن إذا شئت سهلا..
..

بنات انا باجر تحديد مصير عندي..دعواتكم
باجر اجيك دمي اذا ارتفع او لا..واذا احتاج نقل دم
لا تنسوني من الدعااااااء

[طفلي حياتي]

السلام عليكم
ام خليل ربي يفرج لخلي سريعا ان شاء الله وترجعون بالسلامه قعدة الدختر ماتنبغى
حبيبة يلا حبيبتي شكلش الحين ويى السانتيات والفحص الله يسهل عليش يارب
احلام ام الله يعينش على اليهال والحمل والتعب والحمدلله رجعة الزوار
فلونه مادري وشخبارش
روزاتي ان شاء الله حبيبتي بتقومون بالسلامه ويارب دمش صار تمام ولا تحتاجين نقل دم
باقي البنات وشخباركم عساكم بخير
اما اني تعبانه حدي زكام وجسمي متكسر حده امس كنت فبيت ابوي ماقدرت امشي السياره اتصلت للمحروس اييني والحين سيارتي هناك عاد اصبرو متى يوافق يوديني لان بعيد وهو امتحانات
اني هالبنت مستغربه منها حركتها كلش قليله لمتى بعد بتصير حركيه ياخوفي في شي واني ساكته

[طفلي حياتي]

روز بنت بلادي وينش حبابه مابينتين اليووم؟

[فلونة]

مررحباا

شخباركم،، انا اخباري من البارحة وبطني يطلع اصوات ما ادري شالقصة من بطني هالصوت او البطل الي في بطني يطلعها

شموووسة ،، بالضبط نفس ما وصفتي الحالة الي تصيدج صادتتي كذا مرة بس الحمدلله اجوف اليوم اشووة من قبل والحمدلله تطمنت ان هالشي طبيعي حسبالي بس انا الي يصيدني وخفت حدي ،، مشكورة سيدة

ام خليل،،، ما عليه شر خلوول والله يعينج ذكرتيني بعلاوي الله يبعد الشر عن كل اعيااالنه وتحملي فيه عن الجوو الباررد وماعليه الا العافية بس حاسبي عليه من هالجوو

حبيبة ،، ان شالله يكون طلق والله يسهل عليج والفاااااال لناا نولد ونقوم بالسلامة

حنووون ،،، اهم شي سلامتج وسلامة علاووي وان شالله الجرح كلها جمن يوم ويلتأم والله يعطييج الصحة وننطر صور علااااوي

احلام ام ،، الله يعينج والله ما يضيع تعب عباده والله يكتب النجاح حق كل الطلاب وان شالله نسمع الاخبار الزينة عن جميع الزواار ،، ومسكينة امي دايخة ويا اخوواني الي ما يفكرون يدرسوون مولية الا اذا تمت علا راسهم

رووز ،، شخبار تجهيزاتج للولادة انا كلش ماحس في اي بوادر،، اليوم باروح اشتري الجوكلبت حق التوزيعات ومحتارة شنو اخذ ،، الله يسر امورنه ونوولد لانه تعبت وانا اعد الايااااام

طفلووو،،، وينج ما لج حس وين منخشة ليكون رحتي المعررض قبلي هاا

روز الثانية ما بينت اليووم وبنت الاياويد مختفية حدها وان شالله البنات كلهم بخيرررر*