هنا تجمع حوامل الشهر (الاول والثاني والثالث)

[ڜوڪﻠاٿھ ڼٱξـﻤـۂ]

خفااايااا

العفووو حبيبتي

[خفايا الدنيا]

الله يسلمك بنووته
ها بنات مطولين ولا بتنامون قريب احس اني شوي
واودعكم

[Kiamed]

الأخوات اللي عندهم امساك ابتعدو عن الغازات والله السبب الرءيسي الاول واجترت من شربة الخضر والعسل اعرف انه زين صباحا علي الريق ملعقة صغيرة مع كاس مئة دافئة لكن قريت باللي يعمل اجهاض وقبل ما اعرف اني حاملكنت أشربها في الاسبوع الاول واحس بمغص قوي كوجع الدورة واضن داءما انها حتنزل ولما قريت باللي يعمل اجهاض اتاكدت الاخت اللي كتبت عن الوصفات الله يجزيها بس في وصفات ما بتليق نهاءيا في الشهور الاولي
اخواتي اللي بدا البطن يتخطط قبل ما يتخطط يجب الترطيب اليومي قبل ما يكبر البطن زيت الزيتون او اللوز او زبدة الشيا

[Bano0ota]

طبيعي البطن يتخطط في الشهر الثاني؟
أنا عندي خط واحد بس على حجم البيبي خخخخ

[روح الخيال]

السلام عليكم
كيفكم ياكروشات ان شاء الله تكونوا انتوا واجنتكم بخير
اشتقت لكم وليومياتكم .. لكن انا رجعت لحالي ..!
للأسف اخبركم إني اجهضت جنيني ..
عصر الاثنين زاد عندي النزيف .. وجاتني آلام قويه ..
رحت الطوارئ وسوو لي تصوير قالوا الجنين بخير ..بس المشكله في النزيف ..
وفي صباح الثلاثاء اجهضت جنيني وكان عمره 6 اسابيع ..
الحمد لله على مااعطى وعلى ماا اخذ ..
نفسيتي جداً تعبانه .. بس احاول ابين نفسي اني قويه ..
صورته مو مفارقه خيالي ..
انا مابي هالخبر يحبط اللي عندهم نزف خفيف مثلي من قبل ..
مع اني كنت مرتاحه راحه تامه .. بس إللي كااتبه ربي راح يصير ..

[ڜوڪﻠاٿھ ڼٱξـﻤـۂ]

ي قلبي روح الخيآآل

ربي يعوضك آن شالله

ومآعليك ي الغلا كثير يجهضون ويحملون مره ثآآنيه
لاتحآتين ي الغلا

[خفايا الدنيا]

كيامد مششكورة ع النصايح بس مافهمت شوربة الخضار تسبب غازات ؟؟
بنوتة اما طلع لك خط من الحين متاكدة ولا تتوهمين هههههههه

[ڜوڪﻠاٿھ ڼٱξـﻤـۂ]

خفآآيآآآ

آنآآآ يمكن آطول ل2 وبعدهآآ آنآآآم

وينك لآيكون آنسحبتي ع فرآشككك لآلآمآشبعنآ منك ومن سوآليفك ي عسل

[Bano0ota]

روح الخيال الحمدلله على سلامتج اختي والله يعوضج يارب وتفرحين . صدقيني أنا صار لي مثلج بالضبط كنت وايد متعلقة بحملي ومهما يواسوني وينصحوني اجاريهم بالحجي بس بيني وبين نفسي مكسورة لكن اقتنعت بشي واحد ان الله ما يسوي شي الا فيه صلاح ماتدرين يمكن الجنين فيه شي هذي رحمة من الله وانا قريت ان اللي يجهضون في البداية اغلبهم يكون خلل كروموسومات يعني رحمة من الله نزل والله يعوضج ان شاء الله ولا تيأسين ادعي ربج بكل صلاة واقري قران كل ما تذكرني والله اني كنت كل ليلة أصيح بيني وبين نفسي لكن الحمدلله حملت مباشرة بعد الاجهاض وان شاء الله انتي بتحملين بعد والفرصة كبيرة بعد التسقيط . الله يعوضج ويفرح نظرتج يارب

[خفايا الدنيا]

روح الخيال حبيبتي الله يعوضك خير تضايقت عشانك
بس الحمدلله ممكن كان الجنين مشوه او فيه ششي
لاتضايقين نفسسك والله يعوضك ارتاحي كم شهر وريحي
بالك ياقلبي .. وش كان سبب النزف الي جاك طيب ؟؟!