تجمع حوامل ليبيا

تمر حنة · 10-09-2011, 03:46 PM

ام اجنادين نستأذنك راجلي جاء نمشي نجهز العشاء نتعشوا وبعدين نرجع ان شاء الله
ماتنسيش دعاء السفر ولو حصلتي نت في تونس طمنينا عليك ياغالية

أم أجنادين 80 · 10-09-2011, 04:02 PM

صحتين مسبقاً
ان شاء الله حبيبه

تمر حنة · 10-09-2011, 05:23 PM

عـــــــــــــــــــدنـــــــــــــــــا
من موجود بنات نبي منكم مساعدة كيف تديروا لما بتحمروا دجاجة في الفرن بشن تدهناها باش تطلع ذهبية تلمع زي دجاج المطاعم انا ندهن فيها بـ (سمن أو زيت+ليمون+قطرات خل) تجيني حلوة لكن لونها احمر مش زي مانتمناها
على فكرة انا الجلدة الخارجية نشيل فيها لاني مانحبهاش زعمة هي اللي تخلي المنظر حلو؟

تمر حنة · 10-09-2011, 05:58 PM

معقولة واحد يتكلم بروحه !

يقين · 10-09-2011, 07:06 PM

تمر حنه لالا الجلده مهمه للشكل ماتشيليهاش واني اندير في التتبله بصله مبشوره وثوم وشويه خل وليمون وملح وكمون وفلفل ونحط فيها في كيس الفرن تطلع رووووووووووووووووعه وقبل هاده كله ادهنيها بسمن او زبده بس

يقين · 10-09-2011, 07:16 PM

ام اجنادين الله يسلمك اني اخباري تمام وان شالله توصلوا بالسلامه يارب

يقين · 10-09-2011, 07:31 PM

اممممممممم بالنسبه للركوب اني عزوزتي تركب القدام وجدة راجلي حتي هيا تركب القدام وبعدين هذا الواقع طبعا
بس بالنسبه لوجهة نظري القدر مش القدام ولا لاوراهذا اولا
ثانيا عندي حماتي الكبيره عمرها 25سنه مره ركبت القدام واني سكتت وركبت لاورا بعدين معاش عاودتها وتوا تزوجت افتكيت منها ههههههههههههههههههه ماهوا زمان ديمه تنابش فيا ونتعارك اني وياهاوتوا تزوجت افتكيت منها ههههههههههههه اضحكو عليا زمان اول ماتزوجت اللي قولي كلمه انردها عليه20 نسحاب روحي في مدرسه ماهومتعوده علي العراك مع المدرسات

يقين · 10-09-2011, 07:35 PM

انا لوحدي ولا ايه انتو فين يا بنات يا خبر ابيض لتكونوا عيانين

أم عويضة · 10-09-2011, 09:11 PM

السلام عليكم
تمر حنة ............. مرحبتين بيك ..وأن شاء الله يرزقك الذرية الصالحة
أم أجنادين ,, يقين كيف حالكن
بالنسبة للأخت اللي سألت المقعد الامامي ومن يقعد فيه ؟؟؟؟
نقعد فيه أنا كني مانركب ؟؟جري ولهيد في الحوش وحوسة وتلبيت طلبات وعقابها نقمعز وراء خيري ياحنة شغاله من البنغلاديش ؟؟؟؟
هههههههههههههه
انا طبعا عمتي متوفيه والله يرحمها رحمة واسعة كانت والله حبيبتي ماترضى تقعد قدام وانا معاها مرة صار الموقف هذا وقلت لها قمعزي قدام قالت لا انا نقعد مع شايبي قدام تعالي اقعدي في مكانك
بس في آخر ايامها مرضت واجد وصار لها التهاب في كراعها وقصوها لها قتمت وتقعد في الكرسي الامامي لانه اسهل لها
الله يرحمها ويحسن اليها ويغفر لها

أم عويضة · 10-09-2011, 09:15 PM

أم ميراس وينك اليوم مش باينه
أم قصي وينك والا قاصين عليك النت تعالي خوذي مني خويك
إن شاء الله المانع خير يارب
زهرة كيف حالك
أم وسونة وين قاعدة في تونس والا روحتي