دردشة بنات مصر , دردشة حوامل مصر , تجمع بنات مصر

[Reemz]

اه يا توته رغم ان شيماء قاعده للأكل وبس هههههههههههه
هي مالها بأمريكا دلوقتي ....
اهه أنا جعانه دلوقتي ومش عارفه آكل ايه وخايفة معدتي تتقلب بأفكر أعمل بيض أومليت
جوزي ياعيني قاعد لوحده في البيت مش عايز يروح يقعد عند مامته وطبعا مفيش أكل بيروح من الشغل ميلاقيش حاجه ياكلها صعبان عليا وأنا مينفعش حتي أعمله أكل وياخده معاه لأني مليش وقفة خالص
انهارده فضل معايا علي التليفون عشان يعمل ايه تخيلي ؟!!! سوسيس مش عارف يسلقه وبعدين يحمره في الطاسه خايب أوي في الأكل وكل يوم ياكل بيض مقلي لما هيفقس ههههههههه
بكره هيجي يتغدي معانا ان شاء الله
شفتي من قاعدتي فاضية بقيت بأرغي في أي كلام وخلاص .....

[توتة السيد]

ههههههههههههههههههه معلش ياقمري كلنا كده انا اول تلت شهور كنت ماقدرش

ادخل المطبخ اصلا يادوب اقف علي الباب اجري علي الحمام

فكان جوزي مقضيها دلفيري اتصل بيه اقوله هات اكل معاك

عديت التلت شهور كلهم ماطبختش غير مرتين بس وكان طبيخ عجيب مش طبيخ اساسا

وعدوا معلش هما هيتعبوا معانا في التلت شهور دول انت قاعده عند مامتك

[somia]

بت انتي يا اللي اسمك توتة ادخلي عالميل انا المنتدى ده طلع عيني انا عالميل علطول اما حد يبقى عاوزني يدخل عالميل

[Reemz]

أنا مامتي متوفية يا توته من 7 سنين وقاعده عند بابا وأختي معانا برده مونسني أنا كنت بأقعد لوحدي في البيت جوزي كان علي طول مسافر مش بيجي أجازة غير 3 أيام بس وعشان شغلي جنب البيت هناك فكان لازم أقعد لوحدي وأبات لوحدي كنت بأشوف أيام ولا لما النور يقطع ياااااااه كنت باتسرع بس الحمد لله اتعودت أنام قتيلة حتي وأنا لوحدي ههههههههههههه
عندك حق هي كل حاجه في أولها صعبه بس انا عايزة أعرف كله بيقول أول 3 شهور طيب انا في التاني معني كده ان التاني والتالت والرابع كمان ولا قصدك لحد أخر التالت بس عشان أنا نفسي أنام وأصحي الأقي اخر التالت جه هيهيهيهيه :))))))

[توتة السيد]

سمسمة عيوني بس اكل لقمة واكلمك

ريري انا اسفة ياقلبي الله يرحمها وربنا يبارك في بابا ويخلهولك يارب هو واختك

لا احسن انك معاهم لا ماتقلقيش هما التاني والتالت بس الاول مظلوم معاهم بيتحسب تبعهم

ان شاء الله علي اخر التالت الوحم بيروح بس شهيتك بترجع مفتوحة بعد الرابع او ممكن اول الرابع كل وحده تختلف

[om arwa]

اروة جننتنى

[Reemz]

ولا يهمك يا حبيبتي آمين يارب العالمين
ربنا يخليكي يا توته
طيب طمنتيني يعني هانت ان شاء الله علي خير وأنا واضح من دلوقتي ان شهيتي هتفتح وربنا يستر ومبقاش 100 ك لأحسن أتعقد :)))

[رنا خالد]

ازيكم يابنات عاملين ايه ؟

[Reemz]

أهلا سمسم أخيرا جيتي
معلش زي بنتك برده ههههههههههه
هما عيال الزمن ده مؤرفين كده وهما جوه أحسن ربنا يخليهم ويبارك فيهم

[om arwa]

يا بنتى هما جوه هنتتجنن عشان يطلعو ا
اما يطلعوا يربونا
عاملة ايه
سمعت ان الوحم مظبطك