تجمع حوامل ليبيا

[يقين]

صباح الخير كيف حالكم ام وسونه حمدلله علي سلامتكم

[أم أجنادين 80]

شن اخبارك يقين

[تمر حنة]

السلام عليكم كيف اخباركم
ميراس ربي يشفيك ويرزقك ما تتمني وما يضيع لك تعب
يقين صحيتي وعارفاتك ما تقصريش ودعواتك الحلوة كفاية

[أم أجنادين 80]

هلا تمر حنه
تعالي نهدرزوا

[تمر حنة]

اهلين ام اجنادين كيف حالك شن صار معاك خلاص قررتي بتمشي لتونس؟ ربي يسهلها عليك

[أم أجنادين 80]

ان شاء الله بنطلعوا اليوم العصر
كم ليك متزوجة تمر حنه , وشني تقري ولا تشتغلي
قصقصة ههههههههههه

[أم أجنادين 80]

يابنات وانا مكسده تنزهت بالمنتدي وشفت احد العضوات
كاتبة موضوع من احق بالجلوس في مقعد السيارة الأمامي الزوجة او ام الزوج
شني رايكم بالموضوع كل وحدة تقول رايها في الموضوع
وهل صار معاكم موقف معين بخصوص الموضوع .
بصراحه تامة نبي الإجابة
لان معظم إجابات كانت ان ام الزوج هيا ليها الاحقية تجلس في المقعد الامامي
وفي البعض منهم كاتبة انها تخلي في حماتها اخت زوجها تجلس في مكانها
ووحدة كاتبة ان جدة زوجها تجلس مكانها ؟؟؟؟؟؟؟؟؟؟؟؟؟؟؟؟؟؟؟؟؟

رغم اني نشوف في عكس هدا في حياتنا

[تمر حنة]

ربي يحفظكم ويسهل عليكم يارب
انا متزوجة من سنة وشهرين عندي بكالوريوس كيمياء وحاليا انا في ماليزيا لان راجلي يقرا وانا مكسدة في الحوش
تأكدتي ان الطريق أمان؟ لازم تتأكدوا قبل وربي يوصلكم بالسلامة

[أم أجنادين 80]

الله يسلمك
صديق زوجي روح الخميس وقال ان الطريق امان
ان شاء الله ربي يوفقه
ويرزقكم بالذرية الصالحة
ارتحتي من تقصقيص لو كنتي في ليبيا لكنتي مارتحتيش من الأسئلة

[تمر حنة]

انا عندي أم الزوج المفروض في الكرسي الامامي وانا ديما نحلفلها عمتي انها تركب قدام لكن هي ماتبيش مهما نحاول معاها ربي يخليهالي طيبة بمعنى الكلمة لكن اخت الزوج لالالالا المفروض في الكرسي الخلفي بصراحة (وهلبة فيها) هههههههههههه بصارة طبعا