ديوانية البحرين - دردشة حوامل البحرين - البحرينيات

[om khalil]

اني ما بديت اشتري شي توي في البدايه
بس عندي بعض الشغلات الزينه من تجهيزات ولادي
شباحات وفوط وثياب، باكمل عليهم ان شاءالله
ببدي اذا الله أراد من الشهر الخامس

[om khalil]

لا مو سمج ربيان ههههه

[طفلي حياتي]

اني بعد بسوي مثلش ام خيل وايد اتفائل وياش يعني احس بشعور حلو بقلد علش في كل شي ههههههههههههههه تغربلتين بي
لاني وسواسيه يادافع البلا حدي ومادري متى اشتري ولا ايي على بالي اشتري شي بس انتين قلتين في الخامس قلت يلا ام خليل تقول في الخامس هع هع هع بلاوي

[rose soul]

انا عقب بااجر بعرف شنو نوع البيبي

[طفلي حياتي]

بالتوفيق روز يارب تتطمنين عليه ويطلع مثل ماتبين
بالنسبه لي ابغي ولد واذا يات بنت بخليها بعيوني

[om khalil]

رووز عجييييييييييب طمنينا بسرعه اذا عرفتين

طفلي حياتي مالش حل هههههههههههههه اني بعد استانست وياش دامش وياي في نفس التيم الحمدلله.. اني اقولش في الخامس لانه خلاص عبارة عدينا مرحلة الخطر الحمدلله، ولانه الشهر الخامس مريح حده الوحده ماكانها حامل كانها تجذب هههههههه
لا آه ولا إيه ولا نساة ولا شي من اريح الشهور هو .. الله يسهله علينا جميع ان شاءالله..

باقوم اجفس ثياب عندي غسلتين وباجلد كتب بتي وعندي جم شغله اسويهم واشوفكم المغرب لو الليل ان شاءالله

[طفلي حياتي]

اني بعد بقوم مشغوله شوي مع السلامه

[rose soul]

اي وناسة بعرف

انا بالنسبة لي الشهر الرابع مر علي بسرعة وما حسيت فيه

وفي الخامس قمت احس بالترفس وبطني ساعات يعورني مال التقلصات

[rose soul]

بتقومون وبتخلوني


اووك
في حفظ الله

[om khalil]

بس طبعا اريح من الشهور الأولى الحمدلله الله يتممه لش على خير وقولي لينا اذا رجعتين من المستشفى..

اشوفكم على خيررر