تجمع لحوامل شهر جمادى الأولى 1433

[أم رزاان]

هلا وغلا قمر :)

وصباحك نور يالغاليه

إن شاء الله يارب تكون ملابس عبود ملبوس العافية عليه
ويكبر وتجيبي له اكثر :)

والأكل لازم تهتمي بنفسك
وتغصبي نفسك عالأكل ايش نسووي
وربي مو كل شيء ناكله نشتهية .. بس شيء مافي منو مفر

والكرشة عندي لسى صغيرة
وإذا كنت لابسة العباية ما احد يعرف أني حامل !
امس الدكتورة تقولي بنتك لاصقه بظهرك وماكأنك حامل
بس الحمد لله طمنتني على الحجم وقالت لا ممتاز ومناسب مع عمرها !
وهذا اللي طمني .. الحمد لله

تقول لي كولي حلاوة طحينية بس لاتكثري
عشان السكر
واللبن ممتاز مع التمر .. عاد انت لاتحرمي نفسك من اي شيء نفسك فية :)

[سرووءة]

كيفكم بطريقات..!
أم رزان
انا صابني متل من شهر رحت الدكتورة وقالتلي نفس الكلام لاتاخدين الحبوب مع بعضها
لان الجسم مايمتصها ..!
قالتلي اقل شي يكون بين الكالسيوم والحديد4ساعات
والافضل اشرب مع كل حبة عصير برتقال
طازة او جاهز لان بيساعد عالامتصاص بقوة
خصوصي الحديز لانه ثقيل الجسم موبسهولة يمتصصه
خذي لك كاسة برتقال بعده..!
ونبهتني اني مااشرب حليب بعد اخذ الحبوب عشان مايساعد عالامتصاص ابدا
وكمان قالتلي خدي كل يوم حبتين حديد وحبتين كالسيوم
وانا استغربت ليش حبتين
يعني صعب انظم وقت الحبوب لان لازم يكون بيناتهن وقت


قمر..!
حبيبتي لازم تاخدي حبوب حديد وكالسيوم
لان انتي راح تتعبي بعدين
الجنين بياخد من الكلس بعضامك
وانت راح تحسي بالالام بعد الولادة
الافضل انك تاخدي
وانا متلك بالكرشة بطني نازل ومبوز للامام
ومن الجوانب فارغ بس لما البس العباية واخرج مايبان ولاكأني حامل..!
*

[أم رزاان]

تصدقي سرووءة !!

الدكتورة تقلي انتبهي تاخذي مع الحبوب اي شيء آخر
غير الموية !!
لا عصير ولا حليب ولا غيرة !!

سبحان الله كل طبيب وله ثقافتة الخاصة بهالموضوع !!

[أم رزاان]

قمر ياقلبي ضروري تاخذي الحديد والكالسيوم
وربي راح تتعبي اثناء والولادة وبعدها انتبهي !
لو مرة مو متحملاهم خوذي يوم كالسيوم ويوم حديد

كذا اهووون .. واكثري من الفواكة عشان مايصيبك إمساك
او تتعبك معدتك !

[قمر .]

بجرب اخذ يوم كالسيوم ويوم حديد يمكن مع دخول السابع يتغير
خصوصا ان اللوعه خفت بس احس بحراره اذا اكل شي تتوقعوا من ايش تجي ؟؟

[أم رزاان]

حرارة بجسمك قمر ؟

ولا قصدك الحرقان بالمعدة ؟!

[همسات قلبي]

يابطوطات
خوفتوني أنا مااستخدم الحبوب لا حديد ولا كالسيوم
وقبل امس فكرت اخذهم والله رجعت طيب الاكل مايعوضهم
صرت أحاول اكتر من الاشياء اللي فيها حديد وأكل أجبان واشرب حليب

غير كدا أنا منعتني الدكتوره من البرتقال لان سبب لي حموضه
تقول لان الترجيع ماوقف عندك لحد دحين حاولي تبتعدي عن الحوامض

وبقولكم الشين فيني
أنا اذا رجعت بعد اي شي مااحب أشربه او اكله بعد كدا احس أقرف منه

غير كدا مو يقولو ان الترجيع بعد التالت يوقف ماوقف هو بس خف احسن من اول
الدكتوره تقول المفروض يوقف
غير انها قالت اذا مازاد وزنك لشهر الجاي ممكن تتعبي اكتر تقول حاولي توصلي
وزنك 40 لان الحين وزني 38 وهي تقول كدا مو كويس لصحتك


اهم شي يااخوات دلوني وساعدوني
ولا تقولو حبوب لان الاكل ممكن يكون تعويض لكل شي

[أم رزاان]

همسات يالغاليه
مساك سعادة تغشى روحك :)

شوووفي ياقلبي الأكل يعوضك عن بعض الأشياء
بس إحتياج جنينك اكبر بكثير من ان يسدة اللي
بتاخذية في الأكل
وخصوصاً الكالسيوم !!

انتبهي بقولك على وحدة قريبتنا " بنت عمي "
كانت رافضة تاخذ اي علاج اثناء الحمل
لا كالسيوم ولا حديد وكانت تعتمد على الأكل فقط

ولما وصلت للسادس توقف نبض الجنين ومات في بطنها " بعيد الشر عنك وعنا جميعاً "
وقال لها الدكتور أن الدم اللي بيوصل للمشيمة ماكان كافي
والجنين كل ماكبر كل ما احتاج دم وغذاء اكثر !

فانتبهي يالغاليه
وخوذي كمان فيتامينات تزيد وزنك لانو وزنك مرررة قليل !!
وهذا بيتعبك وقت الولادة !

[H&H]

مساء الخير على الجميع
انا بدأت آخذ الحديد والكالسيوم من اول الخامس
الكالسيوم بعد العشاء والحديد بعد الغداء منفصلين
وافضل تاخدي فايتمن سي بعد حبة الحديد لأنه يساعد
على سهولة امتصاص الدم للحديد
هذه الحبتين ضرورية مهما اعتمدتي على الأكل لأنه كل ما كبر الجنين
احتجت لكمية اكبر من الحديد والكالسيوم
الحامل على الأقل على الأقل تحتاج في اليوم من كمية الكالسيوم ما يعادل
اربعة كاسات هذا اقل شي وطبعا انا يدوب يوصلوا كاستين
بس من اليوم باذن الله احاول اغير نظامي السيئ جدا احس اني ظلمت
طفلي باهمالي خاصة صحباتي خوفوني لما قالوالي انه اغلب الأعراض
والبلاوي تطلع من الشهر الثامن الى بعد الولادة ...

[H&H]

همسات بالنسبة للاستفراغ الناس تختلف بعضهم يستمر معاهم
صحبتي طول فترة حملها استفراغ بس ماشاء الله لاقوة الا بالله
ما اهملت نفسها تعوض بالأكل تكثر سمك ومكسرات وفواكه وغيره
وماشاء الله صحتها وصحة اولادها ممتازة الله يحفظهم ..
وهي اللي نصحتني ما اهمل نفسي