دردشة حوامل القطيف- تجمع بنات القطيف

[طفلي حياتي]

السلام عليكم
شخباركم اهلي وحبايبي كلهم بحرينيات وقطيفيات عساكم طيبات وبخير
مشكورين والله يبارك فيكم وببركة دعاكم اشوفها عروس ان شاءالله
بنات بسألكم السيم كلما له الالم يزيد عندي المفروض يخف يوم عن يوم شلون اني يزيد؟ ليكون في شي غلط ... مع العلم وقت الخياط الممرضه تدور قفاز مختفي والظاهر نسوه داخل فيني @@..... الحين ويش اسوي ويى الالم بمووت مو راضي يخف استعملت ديتول الاخضر ويألمني عقب ما اخليه والكريم اللي عطوني اياه اخليه واليوم خليت ميبو وبشوف بعد .. يعور ماقدر اقعد ابدا اهيء اهيءاهيء
سامحوني ماقلت اساميكم ولا رديت عليكم وحده وحده ماني قادره من السيم

[طفلي حياتي]

ام خليل عمتي سوت ليي رشوفه يوم واحد
وجارتنا طرشت ليي وهاكي في الثلاجه للحين ما اكلتها لان انا الصبح انام واقعد للغدا
انزين بنات ويش اسوي للامساك ويى زنوب مايمشي بطنها وكله تصرخ اما اعطيها مرقدوش لو مايمشي واخاف كثرت يضرها مافي وصفه للامساك؟؟
سرها للحين مايبس تخيلوو؟؟ خليت عليه البودره المخصصه وخليت مرهم عيون شكل المرهم يرطبه فوقفته وتميت ع البودره لكن ما يبس للحين بلالاوي والله العظيم :(

[Momy]

افااا ماكان ده العشم مااحد فكر يجاوب .. ولاحتى بكلمة " ماعندي خبره "
بس على بعض يعني سوالف

شكراً

[أحلام أم]

هلا ومرحباMomy
مسامحه حبيبتي لاتزعليين أني كنت برد عليش الصبح بس كنت تعبانه وضروفي مخليه نفسيتي شوي متكدرة ونسيت أرد عليش
بالنسبة للدم إللي ينزل عليش وقت الدورة وينقطع إحتمال وارد إنه حمل لأنه أني أول حمل لي كان مثلك نزل دم أحمر وينقطع مكان الدورة وينزل شوي وينقطع بدوون ألام دورة بس ألم في الظهر وتالي إختفى الدم ولمن حللت طلعت حامل صبري وحللي منزلي أو هرموني وشوفي وياارب تكوني حامل
شمس الصباح
حبيبتي إنتين مشكورة على أحاسيسش الرقيقة والمتفاعلة مع نفسيتي ،ويش أسوي يالغالية تعرفين ضعف الأم ورقة قلبها والحمدلله على كل حال وياارب الفرج قريب
الحمدلله الإنسان في أصعب الحالات وأخفها لازم ماييأس من رحمة الله ولازم يثبت بالتوسل والرجاء وياارب أبشركم بخروجه من المستشفى بالسلامة
طفطووفة
هلا حبيبتي ،ربي يخلي ليش الوردة
السيم حبيبتي يبى له وقت على مايبرى إتحملي ويش تسويين ،في يبيعوون في الصيدلية شيء نفس الإطار (التاير )مجوف تقعد علية الوالدة إللي مسويينها سيم علشان ماتتغشى المنطقة
وروحي الصيدلية في عصارات عن السيم يمكن تفيدش وشوفي مادام المنطقة دايما مغطية نظرا للنفاس ونزول الدم يعني مافي تهوية تسرع بالشفاء أنصحش سوي مغطس ماي دافي لحار فية ديتول وإرتاحي فية نص ساعة
بالنسبة للحلوة
ألحيين هي صغيرة عاادي عطيها مرقدوش مخلوط بماي مايضرها
وماعليكم شر
رجاءا لاتنسونه من الدعااااء

[حنين للماضي]

السلام عليكم

الف الحمدلله على سلامتش ام علي
يااااااااااارب يقوم هاني بالسلامة ويرجعه لأحضانش ويطمئن قلبش
اهم شيء الولد سالم حبيبتي لاتحاتين كلها يومين بالكثيرو وبيتصلون ليش تروحين تاخذينه ان شاءالله
وي على عمري تعبتي واااجد في الولادة بس ماعليه كله اجر وثواب مكتوب ليش عند رب العالمين
يلا دام هنوي لحين مارجع استغلي هالجم من يوم وارتاحي زين عشان اذا رجع بالسلامة تكونين نشيطة عدل
بنتش مازعلت لأن ماجبتي لها اخت
وشنو سوه حمود يوم دره ان خلاص مو هو آخر العنقود

طفطف يا عيني عليها القمر
ربي يحفظها ان شاءالله ويقومش بالسلامة
اني ماجربت السيم ربي يعينش
بس اختي اذكر كانت تنقع محل الخياط بملح مادري شنو شيء جدي
وعلى طاري بطن زنوب احتمال كبير من الحليب الصناعي
توه الناس حبيبتي على حليب الصناعي رضعيها من عندش حتى لو تحسين كمية الحليب قليلة مو مشكلة
هي كل ما رضعت بيزيد كمية الحليب
والمرقدوش مايضر لاتحاتين اني بعد اول الايام كنت اعاني من بطنه وكل يوم مرقدوش بس عاد خففي لها شوي بالماي
ونفس ماقلت ليش قد ماتقدرين خلها تمص صدرش عشان يزيد الحليب وتشبع بإذن الله

شموس اخبارش حبيبتي؟؟
وي على عمري وش بيدي عليش لو اقدر جيت وياش المستشفى بس بيوتنا بعيدة عن بعض للاسف
قولي لزوجش روحته الصبح للشغل يجيب الشغالة عقب خله يروح دوامه وبجدي تقدرين تطلعين على راحتش

ام خليل نحاتيش حبيبتي
ان شاءالله ربي يسر ليش وتقومين بالسلامة وتدخلين تبشرينا

ام حسين لاتحاتين حركة البيبي في السابع والثامن تزيد
اني اذكر في الشهر الرابع مادري الخامس كنت اشك في نفسي حامل لأن الحركة كلش كلش قليلة
ربي يقومش بالسلامة واجوفوين ضناش

حبيبتي مامي في احتمال تكونين حامل
أني بعد اذكر نزل علي دم شوي وقلت خلاص شكلي مو حامل
وعقب مانزل شيء ونطرت اسبوع مافي شيء ورحت حللت والحمدلله طلعت حامل
ان شاءالله ياااااااارب تكونين حامل وتبشرينا

روز شخبار بشورة؟؟
زوجش نفس زوجي اذا علاوي يصيح اقول اخده شوي عني ويجودة عشر دقايق بالكثير ويقول اكو جوعان رضعي
قبل جم من يوم كنت حاجوف صور بشورة في الفيس بوك وزوجي صوبي وجاف صور زوجش يقول يعرفه ومايندره

ام السادة ياعيني على سيدان الصغير
ها شخبار بنتش مع اخوها ؟؟؟
ان شاءالله بس ماتقول تبي تحمله وتحطه في حضنها

فلونة طمنينا على حلوتش؟؟

روز من زمان مابينت

وشخباركم بنات القطيف سوري مو حافظة اساميكم

بس حفظت اسم دلوعة ابن عمها
ياااارب يرزقش الذرية في القريب العاجل ان شاءالله

صعب شخبارش؟؟نسيت انتي في اي شهر؟؟
حطي تيكر عشان نذكر

[أحلام أم]

المشاركة الأصلية كتبت بواسطة حنين للماضي

السلام عليكم

الف الحمدلله على سلامتش ام علي
يااااااااااارب يقوم هاني بالسلامة ويرجعه لأحضانش ويطمئن قلبش
اهم شيء الولد سالم حبيبتي لاتحاتين كلها يومين بالكثيرو وبيتصلون ليش تروحين تاخذينه ان شاءالله
وي على عمري تعبتي واااجد في الولادة بس ماعليه كله اجر وثواب مكتوب ليش عند رب العالمين
يلا دام هنوي لحين مارجع استغلي هالجم من يوم وارتاحي زين عشان اذا رجع بالسلامة تكونين نشيطة عدل
بنتش مازعلت لأن ماجبتي لها اخت
وشنو سوه حمود يوم دره ان خلاص مو هو آخر العنقود

هلا حبيبتي أم علي حنين للماضي
الله يسلمش عمري والله يسمع منش ويرجع هاني لأحضاني سالم ومعافى ياارب العالميين والله يطمئن قلووب الجميع
ياارب ياحبيبتي يتعافى هو ألحيين مخليينه على المضاد لكم يوم وبيشوفوون اليوم أقول للدكتورة فيه أبو صفار تقول لحيين مع إنه شوي أصفر الله كريم يفرج عنه وعن جميع الأطفال إللي وياه في الجناح بالشفاء والصحه
إيه تعبت في الولادة ليين شوي إستجمعت روحي باقولها ليكم ربي يسهل على كل الحوامل
ضحكتينيي يأم علي وين الراحه عند أم اليهال ههههههه
أمس رخصوني وحمود مريض مسخن وتعبان وطول الليل معابل فية غير بروحي في البيت لازم أقوم على طول ويش أسوي ومدارس بعد كله بأجره حبيبتي
لا حبيبتي بنتي مازعلت ولاقالت شي حياويه حتى ويايي هههه
حمود زاد الدلع وكله متمرض ودايما يسأل ماما تحبيني زادت المياعه ولاصق فيني أكثر وبسرعه يصيح إذا ماأحط عيوني في عيونه وأقوله أحبك ويش أسوي
ربي يرزقش بأخو أو إخت لعلووووي وبتشوفيين شلوون الغيرة
ربي يحفظ الجميع وييسر أموركم
أشوفكم على خير

[نبضة فرح]

هلا حبيباتي الكروشات
كيفكم وكيف الحلوين معاكم ؟

هلا ببنات البحرين معانا نورتوا والله
ومبروك للي ولدوا وعقبال باقي الحوامل...

شكراً حبيبتي أم حسين على السؤال
وصايره ماأدخل النت لأن الدوخه مزهقتني ودمي قريب 10
وانا لسه بثاني أسبوع من السابع الله يستر بس
ومن كم يوم صار معي أمر غريب
صار عندي ألم مثل الدوره
وامس نزل مني شوي دم بس قلت بصبر لليوم مابروح المشفى
والحمد لله وقف الدم ورجع لون الإفرازات طبيعي ...

الله يسهل على الجميع في وقتهم يارب
ويرزق كل محروم من الذريه ياكريم........

[rose soul]

سلامي عليكم
شخباركم بحرينيات وقطيفيات؟
انا مادري متى التجمع مالكم خخخ..كل مادش ماكو احد
عموما ان شاء الله الكل بخير

المشاركة الأصلية كتبت بواسطة حنين للماضي

روز شخبار بشورة؟؟
زوجش نفس زوجي اذا علاوي يصيح اقول اخده شوي عني ويجودة عشر دقايق بالكثير ويقول اكو جوعان رضعي
قبل جم من يوم كنت حاجوف صور بشورة في الفيس بوك وزوجي صوبي وجاف صور زوجش يقول يعرفه ومايندره

هلا حنوني..اي كلهم مثل الطينة..حتى في البداية كان يقول لي ما بخليج تعبين
كل شي بساعدج..والحين تعالي جوفيهم ما يتحملون اقل شي خخخ يتمللون
حنوني..هههههههههه اي زوجي كل من يعرفه خبرج لاعب خخخخ
تعالي شنو اسم زوجج يمكن يعرفه

[شمس الصباح]

المشاركة الأصلية كتبت بواسطة حنين للماضي

السلام عليكم

شموس اخبارش حبيبتي؟؟
وي على عمري وش بيدي عليش لو اقدر جيت وياش المستشفى بس بيوتنا بعيدة عن بعض للاسف
قولي لزوجش روحته الصبح للشغل يجيب الشغالة عقب خله يروح دوامه وبجدي تقدرين تطلعين على راحتش

حنووون الحمد لله بخير اني انتي شخبارك واخبار علاوي القمر

مشكورة يا عمري وما تقصرين باشوف ويش الحل هم المستشفى مغيرين الدوام مالهم صار من 8 الصبح الي الساعه 5 العصر لحين تغير الظروف يعني الظهر فاتح فمن يجي ابو الشباب بحاول اروح وياااه بس بتصل قبل يمكن رجعو الدوام مثل قبل

طف طوووووووف شخبار زنووووووب الحلوه
بتعلف ابش لول في وحده تقول ان من تولده منا وحده تختفى وما ليها حس وان هي ما راح تتغر وعلى طول في المنتدى خخخخخخخخخ عرفتيها

تعالي صدق من يسوي ليج رشوفه وهالسوالف ترى لا تحملين اي ثقل مو زين الي ظهر وتغذي عدل زين ما زين وشربي سؤال عصير وغيره

احلام ام طبعا ما أقدر اقول ليش ارتاحي ام لعيال نفسنا ما ترتاح بس اول طفل تدلع والباقي ماكو دلاعه هي ايام وتنقضي بس حاولي تنامين عدل ولا تفكرين وايد علشان من يرخصون هاني تكونين قويه ومستعده للسهر

ام حسين الدار وام كرار ودلوعة ولد عمها شخباركم هذة بعض اسماء حفظتهم ان شاء الله احفظ الباقي اقووول دلوعة حفظ بس اول الأسم وباقي اسمج غشيت

صعب تنساني وروزتين وفلونة وام خليل وام الساده شلونكم

[شمس الصباح]

اذا في احد يبغي يسولف يقوووووووووووول
اني قاعده ومتملله لا نقدر نطلع ولا نشوف اهلنا يالله في احد هووووووووووووون

مممممممممممم اي ام بشورة على سالفه الأزواج اني بعد زوجي قال من قبل بخليج تنامين وانه بجود الصغيرة الحين حتى خمس دقائق ما يجودها واليوم على ما اجهز العشاء قعدت من النوم ومن غير ما يسئل راح مسوي اليها مرضعة ويعطي الياهله مسكينه وهي تشرب وجيت اسئلة من مسوي اليها مرضعة يقول انه اقول اليه كم ملعقة حطيت يقول ثنتين على طول اشيلها من عندها يسوي تجارب في بنتي

شكلي اهدي وايد محد اهني لا من القطيف ولا من البحرين