تجمع بنوتات كروشات ••جمادي الاول 1434•••مارس 2013•••

[hessah.altamimi]

إحساسي خلي عنك بس هالتفكير

انا عن نفسي أحيانا اكتب ولا في احد رد


واحيانا من الكثررر الصفحات الي عدت علي اقرأ وبس ومارد. أو اطمرر الصفحات


لأني احب اتطمن عليكم وأشوف وش جديدكم أو انا ادخل استفسر واطلع




عن نفسي وبكل ثقه أقولكم انا أحيانا اقرأ وانبسط على الفله والسوالف بس سوري أقولها مالي خلق ارد


وغير كذا ادخل من الايباد وينرررررفز ماعرف أخذ راحتي بالردود


انا مو جالسه أبرر لاحد بس حابه أوضح وجهه النظر


والحين كل وحده ربي اعلم بحالها الله يسهل على الجميع يارب


ولا تزعلين يالغلا كلنا خوات وبالعكس لك بصمه حلوه فالتجمع الله يديمها يارب


وأنا عن نفسي اعتذر لك وكل البنات أني إطنش ^.~


شوفي ترا صار لي ساعتين على هارد على كيفه ينسخ كلمات وارجع امسح وأعيد الكتابه


وبطيئ في الكتابه الله يقلعه بس احبه ههههههههههه


بعدين لا تزعلين عازمتكم انتي ام رضا بعد الولاده ؟


مين يبغى يشاركنا في جده قاعده افكر نسوي جمعه كل ًشهر عن وحده مثلا !!!!

[صمتي شوق]

صباااااح الخيرات

شخبااااركم بنااااات

احساسي ياقلبي انتي

وربي انتي لك مكان خاص سوالف وحكياك ترسع الصدر


الله يهديك بس اي وحدة كنتي تقصدين يمكن عندها

ظروف او مانتبهت او اي شي ثاني لا تكدرين خاطرك

وانتي عزيزة وغالية وعلى العين والراس

وربي اوقات كثيرة اكتب وماشوف رد ومع هذا ماعتب على

احد اقول حوامل عادي انتو خوات مهم كان

[صمتي شوق]

الله يهون علينا يااارب


الحمدلله دخلت الشهر التاسع الله يتمم علي وعليكم

واشوف بنوتي بين يدين ياااااارب تعجل هذي الساعه

وتفرح قلبي وقلب كل الحوامل وهم في تمام الصحة والسلامة

[سماء الاحساء]

ياهلا فيكم جميعا أخباركم ؟؟إحساسي مثل ماقالوا الأخوات ما قصروا بالرد البعض منهم على اخر صفحه يدخل او مأتشوف الرد اليوم رحت موعدي وكلشئ تمام وبعد تسع ايام ادخل التاسع الله يسهل علينا ونقوم بالسلامه يارب

[hessah.altamimi]

صباح الخيرات للحلوين

امس حالتي حاله الله يعين يارب


انا الأسبوع هذا في الألم مو طبيعيه في ظهري وأسفل بطني
وتحجرر في بطني وأحس أني حشر انه أبغى الحمام أروح ومافي


امس الصباح رحت مع أختي كذا مشوار وبعدها تغدينا ورجعنا للبيت


وكان ظهري ووركي شابين علي مره


نمت المغرب صحيت على 9 ونص كذا


أروح لتواليت إلا أشوف في بلل خفيف على الكلوت والبيجامه انفجعت


يعني ارتبكت شوي واتصلت على دكتورتي الي أراجع عندها وشرحت لها


وسالتها هل يحتاج أروح المستشفى قالت ايوا أوا روحي فورا


انا خلاااااااااااص خفت خوف مو طبيعي يالله سبحان الله ابن ادم ضعيف
يعني اول متحمسه على الألم الي تجئني ويوم نزلت ومويه والدكتوه قالت روحي خففففففففت


صار قلبي يطق طق مو طبيعي كأنها طقاقه ههههههههههههه


أخذت نفس وبعدها أخذت شور سريع دافئ أبغى اهدأ واروق


اتصل زوجي علي طبعا هوا في جده وأنا فالرياض عن أهلي
ويكلمني ويقولي ايش فيك قلت مافي شئ توني صاحيه وأخذت شور


قال لا لا فيك شئ انتي خايفه شوي كلامك في ارتباك وتعتعه


قلت لها السالفة قالي يلاه الحين أروح المطار أوجي قلت لا لا أن شاء الله خير لو حصل شئ بقولك
بس لا تربكني بليزز
والمشكلة ماكان في احد من إخواني ولا أبوي أمي اتصلت في أخوي وقالت له واستأذن وجا
وطول الوقت كنت امشي امشي واقرأ الأدعية وقرآن أمي تقولي انسدححي رافضه طيب كلي شئ مابغى نفسي انسدت موقاده اكل شئ
المهم رحت للمستشفى وكشفت علي من تحت قالت مو مفتوح الرحم
وبعدها جابت حاجه زي عود أذان طويل مغموس في محلول لونه بني
سألتها ايش هذا قالت أبي أتأكد الي فيك التهاب أو مويه
وتغير لونه صار ازرق وقالت هذي مويه قالت لازم أدخلك تنويم انا رفضت
وحطت لي جهاز نبض البيبي والطلق وصار في طلق بارد وخفيف جداً ونبض كويس
قلت خلاص ما يحتاج التنويم قالت لازم حاولت فيني خافت يكون في ثقب أو شئ تبغأني تحت الملاحظة
المهم حولوني على دكتور هندي يسولي سونار وشيك وقال كل شئ تمام
بس قهرررررررررني
قال انتي في الأسبوع 35
المهم ادري أني طولت ههههههههه معليش سامحوني
أرسلني المره الثانيه لطوارئ وقالت على حسب السونار انتي لسى في نهايه الثامن
عصبت قلت كيف كل الدكاترة الي راجعت عندهم ماشيه معاهم صح ليش هو يغير على كيفه
مابغى أنقص أسبوع وآخر دوره لي 6/1 ميلادي
وعطتني ابره لرئة البيبي تقول يمكن يكون ولاده مبكره وأنتي بنهايه الثامن *_*
شلون تفهم ذي وأخذتها عموما وقالت لي بعد 12ساعه لازم تأخذيها قلت أجي بكره الساعه 2 الظهر
قالت يعني مصره ماتدخلي قلت لا حتى مسكو اخوي على بالهم زوجي خخخخخخ يحاولون فيه قلت لها لا انا مابحب المستشفيات ووقعت على مسؤوليتي وطلعت
والحمد الله على كل حال


معليش اول مره أطول بس مو مني من الايباد الي يجيب لي القرف على كيفه يطلع لي كلمات هههههه


طمنوني عنكم،،،،،،

[4يو]

ياقلبي الله يسهل عليك وتقومي بسلامه في وقتها
المستشفيات يجيبو الهم للواحد الله المستعان
احساس لا تزعلي ياقلبي كلنا وظروفه فديت عمرك

[معاني]

باقي





7




ايام ادخل التاسع باذن الله

[أم الزين]

مرحبااااا شلووونكم شخباااركم


افاااا احساااسي زعلااان الاسمر مااايقوولي مرحبا



والله بالنسبه لي اقرا الصفحاات واقوول برد عليهم ومرات ارد ومراات والله التهي في بناتي او تتصل علي امي


وانسى واناا والله الذااكره صفر. ......•__•




ومبرووك للي دخلوووو الشهر التااسع


حصه.ديري باالج يالغلااا ومااتشووفين شر

واذا الدكتوور قالج انتي باخر الثاامن معنااته انا باخر الساادس ههههههههههههه



بنااات والله موووقصدي التطنييش سوااء لاحسااسي او لغيرهاا بس والله انسى

[النمساويه]

باقي اسبوع وأدخل التاسع..
الله ييسر للجميع..



بنات ياليت كل وحده تقول لنا وين ناويه تولد بأي مستشفى وعند اي دكتوره..

[االبتول]

السلام عليكم ورحمة الله وبركاته
ةشخباركم كراريش هههههههههههه
اليوم رحت المستشفى لاني كنت تعبانه شوي قالت معاي التهاب شديد واعطتني مضاد كل ست ساعات وتحاميل
أنا خايفه تأثر على الجنين سألتها تقول لو ماعالجتي الالتهاب ينزل موية الجنين خوفتني
طمنوني الله يسعدكم ويقر عيوننا بشوفة ظنانا بصحه وعافيه يارب اللهم ااامين