ديوانية حوامل البحرين

[بنت الأياويد]

نفس حالتي يوم شهرين مابي اشوفه وعيز واهو يقولي بمر عليج نطلع اقوله متفرغ مابي اطلع واهمه كلهم مسكين ريلج فقير مايستاهل اقولهم يبون عيال خل يتحملون لكن كل مايقولون لي هلون احس ضغطي يرتفع

[حروف عاشقة]

هههههههههه روز مثلي اول حملة كنت استحي منه واقول له فيك ريحة وتطلع علي دبل في الترجيع والدوخة ..

ام حماني ضحتيني اي والله صادقة هم زكام ما يستحملون شلون ولاده خخخ

[أم حماني]

هههههههههههههه والله اياااااااااااام ..... حزتها كرهت حياتي وقلت خلاص مابرجع الاوليه ,, حت بيت ابوي تنسيت فيه ورحت بيت يدتي
لو كل حملة لي جذي .. الله يغفر لي ويسامحني مابي كفايه 2

[rose soul]

صج المرأة مسكين واعليه
:(

بس تدرون انا عقب هالحملة باخذ فترة نقاها شطولهاااا
ارفه عن نفسي شوي

[أم حماني]

روز ... اي رفهي عن نفسج بالربى والسهر والرضاعه والمراكض مع الياهل .. يوم مزكم ويوم بلاعيمه و يوم اذونه

[بنت الأياويد]

هذي يهون عندي الا التطعيم شلون قلبي بيطاوعني اشوفه يطقونه ابره في جسمه واي احس قلبي يتقطع والله يعينج ام حماني على الختان وعوار القلب انا اشوة قضة اذون وقام الشوط

[rose soul]

بس المشكلة انا عقب العيد عندي دراسة
واحاتيها عدل شلون بدرس
وزوجي يقول لي انسحبي سنة على ما تولدين

[أم حماني]

المشاركة الأصلية كتبت بواسطة بنت الأياويد

هذي يهون عندي الا التطعيم شلون قلبي بيطاوعني اشوفه يطقونه ابره في جسمه واي احس قلبي يتقطع والله يعينج ام حماني على الختان وعوار القلب انا اشوة قضة اذون وقام الشوط

وااااااااااااااااااااااااااااي لاتذكريني من الحين تدمع عيني اذا اتخيل .. اول شي قلت بخلي اختي توديه انا مابروح بس بغدين قلت مابصير انانيه البيبي حزتها يبي امه ,, بحط ع قلبي طين وعيين .. شسوووووووي

[أم حماني]

المشاركة الأصلية كتبت بواسطة rose soul

بس المشكلة انا عقب العيد عندي دراسة
واحاتيها عدل شلون بدرس
وزوجي يقول لي انسحبي سنة على ما تولدين

انا من رايي تلهين نفسج بالدراسه ولابتحسين بالوقت ... اذا قعدتي بتمللين

[rose soul]

بنت الاياويد الا ما قلتي لنا شنو بسمين بنتج؟؟