تجمع حوامل العراق واتمنى اكو احد موجود

ام تمار · 07-20-2011, 07:17 PM

شلونكم بنات اني صديقه جديده بتجمعكم الرائع
اني حامل بدايه الشهر الثالث واخذ ابر هيبارين كلكسان لان عندي اجسام مضاده هذا الطفل الثاني لان صالي اجهاض قبله بسبب الاجسام المضاده
الان اني بحاله زينه اخذ الدواء واتابع بالسونار شفت البيبي وطمأنيت اكو نبض
الحمد لله بس عندي اوجاع بالمفاصل والظهر احيانا يصير مغص مثل مغص الدوره هل هذا طبيعي يحدث بالشهر الثالث
وايضا منو من البنات عدها اجسام مضاده وتاخذ ابر هيبارين لحد التاسع
ولي مثلي تدخل وطمني ماكو خطر على البيبي وجابت طبيعي لو قيصري
طمنوني دعواتكم لي ......

ليموو ليموو · 07-20-2011, 10:13 PM

nfhnfnjfjnjfngbngm f

رودينة الراوي · 07-20-2011, 10:41 PM

هلووووووووو بنات شلونكم اخباركم مشتاقتلكم كلش كلش مدااكدر ادخل لان كلش ملتهية وية ردونة وصرت افلاونزا وبلاعيمي دتاذيني كلش هسة شوية احسن ردون بخير الحمد لله بس هواية تذب من راسها مااعرف ليش متعبتني كلش

الف الف هلا بالعراقيات الجديدات
اني يسرى مواليد 90 عندي بنوتة اسمها ردينة عمرها 17 يوم

توتاية
ماعندج غير العافية حبيبتي بالنسبة لصدرج اني استعمل المرهم بيبانثين مو الكريم تخليه 4 مرات باليوم بعد الرضعة ومن تريدين ترضعيها ب تمسحيه بخاولي او قطعة شاش مبللة لتغسليها بالصابون لان الصابون هوة ينشف الحلمة ويخليها تتشكك حتى اذا صار من المرهم بحلك يسوفي بالرضاعة مو مشكلة ميأذيه اني استعملتة والحمد لله هسة صدري زين وردونة متأذت من المرهم

حبيبي شلونج اخبارج وشلونهم الجهال بعدج ببيت عيالج لو رجعتي
امونة الف الحمد لله عالسلامة عمرة مقولة ان شاء الله كليلي اخبار بنونة وخالتي كماشة شسوت بيج بالعمرة خوما تعبتج
حبيبتي اني ولدت قيصرية يوم 7/3 والحمد لله عدت على خير
صدك غناوي ولدت ومات الطفل ؟؟؟؟!!!!!! والله انقهرت عليها كلش خطية بالكوة صارت حامل سوت 4 عمليات اطفال انابيب يلة صارت حامل الحمد لله الذي لا يحمد على مكروه سواه الله يصبرها

نعومة حبيبتي الف الحمد لله على سلامتج وسلامة ديومة خليتي بالنا والله

فيونكة ارتاحي حبيبتي لتعبين نفسج ابد وان شاء الله تعدي على خير

باقي البنات كلكم شلونكم اخباركم

توتايه · 07-20-2011, 11:49 PM

حبيبتي ام ديمه الف الف مبرووووووووووك والف الحمدلله على السلامه وكلها تصير سوالف وداعتج ام شي سلامتكم حبيبتي

ام شموسه حبيبتي اني من الاعظميه حياج الله

ام ارجوان حبيبتي وانتي بالف الف خير

حبيبتي يسوره اخاف دتزوع من الدهن ديري بالج لان كله مواد كيماويه اني والله حلمتي صارت شويه احسن على الحلمه الاصطناعيه اخلي دهن مرتين بالليل وبالنهار وبهالوقتين انطيه ممه وبعدين اغسلها بصابون ركي واخلي الحلمه الاصطناعيه وانطيهياه

توتايه · 07-20-2011, 11:51 PM

ام تمار حبيبتي الله يثبت حملج امين يارب العالمين
وبالنسبه لمغص الدوره هاي تقلصات ديري بالج منها حاولي من تصير كبل ترتاحين وخلي الدكتوره تنطيج حبوب تقلصات كلش مفيده

رودينة الراوي · 07-21-2011, 10:10 AM

حبيبتي توتاية لا اني كمت اخلي الدهن وصارت حلمتي زينة وكطعتة للدهن قبل اسبوع بس صارلها 3 ايام تزوع مااعرف ليش قسم يكولولي اكو هواية جهال يزوعون وقسم يكلولي هاي راضعة زايد وطلعتة والله مااعرف بعد
وبالنسبة للحلمة الاصطناعية شو سمعت يكولون تعبر هوة للطفل وتخلي تصير عندة غازات لهذا السبب مستعملتها

توتايه · 07-21-2011, 12:21 PM

حبيبتي اصلا الغازات صايره صايره اذا مو بالحلمه بالاكل مالتج كل شي يسوي غازات وانتي علميها يصير عدها غازات لان اول ايام اتقيدت وبعدين اكلت فاصوليه ولعبت بسوفي لعب فأنتي عوديها اكلي شغلات تسوي غازات حتى تتعود معدتها عادي حبيبتي اني هم سوفي من يرضع زايد يكوم يزوع لتخافين عمري

وَرْدَة الْقُلُوْب · 07-21-2011, 05:57 PM

السلام عليكم
شلونكم
شخباركم
ام تمار
الله يثبت حملج
ولاتخافين جدا عادية
بس خليج مستمرة مع الدكتورة
والله الحافظ
.....
اشو ولا وحدة سالت علي بغياابي
انتوا شلون عراقيات
هااااااااااااا

رودينة الراوي · 07-21-2011, 06:25 PM

والله يا توتاية اني ممتقيدة باكلي علمود الغازات كلش دااكل بس مااريد شي يزيد الغازات عدها اني بلياها مداانام الليل من ورة الغازات مالتها هههههههههههههههههههههههه
كليلي بعد شكد وتخلصين الاربعين ؟ رجعتي لبيت عيالج مو ؟

رودينة الراوي · 07-21-2011, 06:26 PM

وردة القلوب منورة حبيبتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع حوامل	warka	ملتقى عضوات حوامل	7	06-22-2012 09:12 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
تجمع حوامل صفروربيع اول	حياتي عيالي	إستفسارات حوامل من الشهر السابع إلى الشهر التاسع	1	01-23-2011 09:03 PM
تجمع حوامل الاردن	warka	إستفسارات حوامل من الشهر السابع إلى الشهر التاسع	0	05-23-2010 06:06 PM
تجمع حوامل الامارات	lola	إستفسارات حوامل من الشهر السابع إلى الشهر التاسع	2	04-04-2010 10:03 AM