ديوانية البحرين - دردشة حوامل البحرين - البحرينيات

[Roze]

روزه بتتعبين تالي في السهر ويا النونو

ابي اسال عن ربط البطن بعد الولاده هل يفيد الكرش ومتا ينربط وبشنووو ؟؟؟

[rose soul]

روزي..مو مشكله اتعب بعدين ولا اتعب الحين
تصدقين انا الحين ولا افكر في ربط البطن..كله افكر بس متى يخلص المشوار
اقول بعدين مع التمارين بتروح الدبة لا ربط ولا هم يحزنون

[Roze]

اني خايفه من جسمي ماني متوقعه شلون بصير عقب الولاده وخايفه مايرجع نفس قبل وبطني يتدلدل وزوجي من النوع الي تهمه هالامور مايغفل عن شي :( من جدي افكر من الحين في اي شي عشان يعدل جسمي

[rose soul]

هههههههههه
انا بعد زوجي من اللي يهتم في هالامور
بس ماعتقد البطن يتدلدل على قولتج هههه .. بس يمكن يصير لين وتصير كرشة بس بعدين تروح مع التمارين
انا قال لي زوجي بوديني نادي علشان ما يخترب جسمي هههههه يحاتي

[Roze]

مو علا شي ماتدرين بوضعش تالي وياهل وراش مسؤوليه له بتطلعين تلعبين رياضه وتحاتين بعد مو كل مره بعطيه امي وبروح اتنقز في النادي هههههههه

ويه صاير خاطري في خبز دبل وجاي حليب
هالموفق متا يقعد من النوم ويروح يشتري ريوق

[rose soul]

اللااااي شهيتيني على خبز دبل هههههههه
انا الحين قاعدة آكل تفاحة..علشان اشرب الحبوب بعدين بتريق

لو انا منج رحت قعدته ههههه
تصدقين انا لين اقعد من النوم ماحب اجوف احد راقد...تصيدني حرة في قلبي ههه
مسكين بعد جبدي ريلي يعاني مني انانية ههه

[Roze]

لا لا لا لا ناويه علا روحي ان قعدته من النوم بيتهاوش وياي وبيعتفس مزاجه طول اليوم خله يشاخر لين يشبع
ههههه امن الفواكه من الصبح ماتجيب الراس يبي لش خبز يتقشمط ويا بيض مفيوح وجبن مبشور وهووسي هههههه

[Roze]

انانيتي تطلع لين هو طالع اخرب طلعته نياهاهاهاها اطيح اتصالاات له احيييين ترجع احيين تمللت بروحي <<<<< خوش علفه
البارحه ماهدأت اعصابي الا يوم خليته ايي ويطلع ويايي اني بدبتي

[rose soul]

هههههههههه
انا بعد يتعكر مزاجه..بس ماقدر اجوفه راقد..اذا حران احط فوقة ألف مئة برنوص علشان يقعد
واذا بردان اشغل البانكة حدها واشغل الايسي
هههههه شريرة حدي

يقولون لج التفاح مفيد من الصبح <<<اصلا انا توني مطبقه هالنظام لين ما اولد ههه
بعدين بخرب نظامي

الا بديتي تتشرين ولا لحين؟؟

[Roze]

ههههههه حرام عليش برنص تنباع بشيله لكن تشغلين بانكه وايسي في البرد هههههه بسويها فيه بيفلتني من الدريشه ههههههههه

اي اتشريت شوي شباحات من سناء وقماطين وفوطه واخدت موسده وبرنوص ونعال للمستشفا احين اتفرفر للمفرش ادور محل حليو بس هالريل مينني البارحه رحنه كنتري مول دشينه محل مال ثياب اليهال الي تحت ادمز وشفت فستان خلع جبدي من حلاوته بس مال 3 الى 6 اشهر قال ويش تبين فيه بتش مايت واذا صار عمرها 3 اشهر تعالي خدي ليها ياعلييي يبط جبدي لين يفتي في امور مايفهمها هع ومشيت مكسورة الخاطر