تجمع قسم النفاس,تجمع خاص لنفوسات

[إكليل]

بنات تكفووون ساعدوني

ملاكي معاه امساك شديد

حتى التحاميل ما سوت له شي

مسكين حبيبي ينام بالليل من التعب من كتر ما يبكي طول النهار

[زهرة الموسم]

شربيه عصير برتقال بلملعقه شي بسيط وانت كمان اشربي منو لو بيرضع منك
او ممكن تسويلو منقوع التمر وهذا افضل له وعلى طول راح يفضي بطنو ان شاءالله
امس اعطيت بنتي منو حطيت تلات تمرات وغليتهم وصفيتو وبعدها شربتو وارتاحت واسهلت الحمد لله

[Όм чαяα ♡♥]

زهره

نونتي عمرهآآآآ 3 اسابيع و 3 ايآم

عادي اشربها منقوع التمر وهي مامعها امساك مسكينه معها اسهال :(

[ورده بين ايديه]

ام سالم..
قالو ايش حدك ع المر قال اللي لمر منوو..
تعب ومووت بس مضطره ارووح..

بيبي..
ياهلا وغلا..
وحشتيني يابنت اختفيتي فجأه..
كيف الوضع بعد الاربعين راحه او نفس الوضع ماتغير..
حتى انا قصة ولادتي يبغالها روقان لان احداثها كانت صعبه بالنسبه لي..
بس راح انزلها باذن الله..

ام حلا..
اهلين حيااتو..
اخباارك واخبار حلوو..
بوسيلي هي..
كيف الخراج اللي طلغعلك انا دحين طالعتلي حبتين وحده خارجيه ووحده داخليه الخارجيه فكيتها والتانيه ماقدرت ..
يوم التلوت بروح المستشفى..

[ورده بين ايديه]

بنااات
اليوم طاحت مني تلات خيووط كل وحده طولها نص سم تقريبا..
وباقي خيوط ماطاحت متى تطيح..
وطفشت خلاص ابغى اطهر كم يوم افرازات بس ..

[Όм чαяα ♡♥]

ورده

الله يعين ويسهل .. ربي ينجحك ولا يضيعلك تعب يارب

حتى انا احس بحاجه بارزه مثل قطعة لحم صغيرررر تحت الله المستعاااااان

الله يعديهاااااا ع خيررررر يارب

حتى انا مثلك قصة ولادتي يبيلهااااااا ام الروقااان احداثهاااا وااااجد بجد احداثهااا صعبه وبس

الحمد الله ع كل حااااال اجر ان شاء الله ..

****

عن اذنكم خرووووج

ماصدقت نونتي وقفت بكآء بروح انام اريح عضآآآآمي الله يسهلها من عنده

بالله لاتنسونهااا من دعواتكم :( :( :(

[Baby doll]

ام سالم
الله يطمن قلبك عليها خيتو ويهديهاا .. يمكن جرعة الدلع زايدة عندها شوية ..

وردة
والله بالنسبالي ايام الاربعين كانت احلى .. دحين ماادري الحق على ايش والا ايش
ومادري كلو كووووم ولما زوجي يخرج مع اصحابو بالليل كوم تاني يصير وجهي بوجه ولدي لوحدنا واخاااف يشرق او ينكتم او اخاف اروح الحمام ويصيرلو شي او او او قلق مو طبيعي ..
ماادري ازا انتوا كدا بعدين او لا ..

ابدأي اكتبي قصة من دحين وكل يوم اكتبي جزء في مسودة لما تخلصيها وبعدين نزليها
انا كدا سويت ..
الله يطمن قلبي عليه ولا يفجعني فيه .،

[صفاءالروح]

صباااااااااااحكم نووور ...
اخباركم ياحلى رشيقاات ....
بيبي..
ان شاء الله فأقرب فرصه اكتبها ..
ام ساالم ..
مشكووره ياقلبي الله يخليلك يارا والله حتى انا حلو بكايه ودلووعه حبتين من الساعه 10 الليل يبداء دوامها للبكي لما 6 الصباح تبكي شوي وتناام وعلى داء الحال طول الليل .
ورده ..
حمدلله انا تمام ..توصل بوستك يعسوله ..
حمدلله رحت مستشفى ثانيه وقالولي دا مو خراج التهابات وادتني مضاد وقالتلي اتنقع بمويه وملح مرتين فاليوم واحط كريم ميبو واهتمي بالمنطقه غسليها بالصابون عادي واشطفيها بمويه وديتول مره وحدة فاليوم ..
والله الحمدلله خفت عن اول بس لسى باقي اثرها قاسي شوي ودا هو مزعلني بس الحمدلله اهم شي مافي الم وارتحت يارب لك الحمد
الله يكتبلنا الاجر ياارب ..
تصدقون اني متحمسه وفنفس الوقت شايله هم لما ارجع البيت اش بعمل مع بنتي انا دحين عندي اخواتي وماما الحمدلله مادري كيف بيكون الله يستر

[الاميره دودي]

السلام عليكم يا احلى مامات في الدووونياااااااا
كيف الجميع ان شاءلله تمااام
معليش اتأخرت وما طمنتكم على جوجو
دخلت المستشفى يوم السبت اللي فات وطلعت يووم التلووت
الحمد لله دحين صارت احسن بس لسى استخدم لها المضاد عشان ماريجع لها التهاب الصدر
...............
نفس الحاله يا ام سالم فبنتي
تبكي بكاااء مو طبيعي وبس تبغاني امشي فيهااااا >> تتأمر على من دحين خخخخ
ما ادري ايش فيها
البنت من جنب
.................
وهم الاختبارات من جنب تاااني الله يعين بس
.................
وحبيت اقول لكم اني خرجت من الاربعين يوم الربوع اللي فات
ولاني كنت ف المستشفى فما عملت شي
غير يوم الخميس
صبغت شعري بليااج ( ارضيه بني بندقي وخصل تلجي )
وشقرت حواجبي
وحفيت وجهي
وقصيت شعري مدرج ع طوله
.............
واخر يووم قبل الاجازه راح اتحنى
لأنو اسبووع الاجازاه عندي زواج ولد عم زوجي <<لازم اتحنى خخ
والسوق مارحت ولا اشتريت شي لاني كنت مع بنتي الله يحفظها
ان شاءلله لاخلصت اختبارات راح اقضي لي كم لبسه
وبأغير مكياااجي وبأشتري جديد
وكمان حأفصل لي عبااايه
ووبث

[Όм чαяα ♡♥]

بيبي

والله ماما تقوله تول الله يعينك بنتك دلوووووعه مررررره وراح تتعبين معها اذا سافرتي بيتك

وربي شويآ وببكي الله يعين

الله يهديهم ويخليهم ويحفضهم لنا يآآآآآآآآآآآآآآآآآآآآآآآآآرب

دودي

الحمد الله ع سلامتك وماتشوف شر الله يحميها لكم