انا .....و عمل زوجي ؟؟؟

[شوكولاته]

السلام عليكم ورحمة الله وبركاته
بداااااية انا بصراحة مترددة في كتابة مشكلتي ... ولكني حيييييل تعباااانة من ةهالوضع

زوجي دوامه من الصباح الى المغرب تقريبا يوصل على 7

واظل انا والعيال بروحنا في الشقة
ولازم ينام على الساعة 11.30 بالكثير
فتخيلوا لازم من 7 الى 11.30مساءا
نقضي و نتسوق ونزور احد ونتمشى ونلعب العيال وغيرها .....الخ
لازم في 4او 5 ساعات فقط لاغير

بعدين يروح ينااام
واظل انا بروحي مع العيال
يعني حتى العلاقة بيني وبينها ماااااااافي وقت ؟؟
انا انام متاخرة وهو يكون تعبان

افيدوني تكفووون شسوي ....
احس تعبت حييييييييييييييييل

[sweet moon]

والله ياأختي

هاذي الحياه مرات تفرض علينا اشياء مانبيها

لكن خلاص نقتنع و لازم نتعود عليها

وهاذا شغل زوجك فلازم تحاولي تقتنعي

يعني لو كان مطنشك او يسهر او او

كان قلنا لك ناقشي وصارحي

لكن دامه دوام فماعندك الا تحاولي تتأقلمي قدر الامكان

وفي ايام الاجازات والعطل تستغلين الفرصه وتاخذين راحتك معاه

والله ييسر عليك ^_^

[TOomy]

انا مع اختي سووويت
ولازم تصبرين ترى زوجك مو بكيفه
اذا تبين يوفر لج كلشي لازم انتين بعد تستحملين

[**سماسم**]

لاتتضايقين كثير مثل حالتج وأنا نفس الشيء دوامه ومتأقلمه على كذا والطلعات والروحات نخليها بالويكند ..
نضمي وقتج وهذا الشيء بصالحج أنج تخلصين أشغالج وتهتمين بروحج والوقت إلي يكون موجود فيه يكون حقه أهو وبروحه
,,

[ملكة المشاعر]

والله كلامكم صح

لازم تتأقلمي على الوضع

[جنا المدينة]

انا كمان نفس وضعك حتى ايام الخميس والجمعة عندو دوام واجازتنا وسط الاسبوع وفعلا احس انه ما في وقت نشوفه, تقريبا تاقلمت مع الوضع وما في اي حل تاني ,الله يكون بعونهم واحنا كمان.

[حلم الامومة]

انتي مثلي بس انا ماعندي عيال يعني طول الوقت لحالي بالبيت ماعندي احد حتى اتكلم له
الله يكون بعونا

[شوكولاته]

يسلموووووووووووو

على تفاعلكم .... وانا ممنونة لكن لمشورتكن الرائعة