دردشة حوامل أهل الرياض - دردشة بنات الرياض - تجمع حوامل الرياض

[الحالمة العتيبي]

السلاااام عليكم..
شكرااا ...
حبيباتي ما قصرتو يسلمو

بس انا عارفه حركه الجنين متي بس انا اسال عن النبض كيف ومت اسمع نبضه علشان اطمن هو عايش بس النبض وليس الحركه كذاء اوسوس وقول يمكن لا قدر الله فيه شي او ميت علشان كذاء حبيت اعرف متي اسمع نبضه علشان اتا كدعلي سلا مته بس
علما اني ان اول حمل لي
وشكرا
ام الاسمر مشكووورة حبيبتي ويعطيك العافيه ويسلمو علي ردك وتقبليني صديقه لكم
ام ركوني مشكووورة يا قلبي وشكرا وقدر تعاونكم معي ونا صديقه لكم وشكرا

[كآدي]

والله انكم كفو

وتنحطون على الجرح يبرا

كفيتو ووفيتو

الله يسهل عليكم يا حبيباتي

ابشركم اليوم سويت تحليل دم وطلعت النتيجه والحمد الله تعدل دمي

وربي اني سويت بكل نصائحكم كلكم يشهد على ربي

مااا قصرتو الله يخليكم ويوفقكم ويحرم وجيهكم عن النار ويجزاكم

ربي با الجنه

دعواتكم اولد قبل يروح دمي اللي تعرف شي يفتح الرحم

تخبرني خايفه دمي ينقص والله تعبت وانا اجمعه يا رب رحمتك

فيه شي غير المشي مجرب ولا يضر مع العلم ان الرحم مقفول

قالو لي اطلع وانزل الدرج انتو وش رايكم ؟؟؟

[مساهير الشوق]

هلا وغلا فيكم
تسلمين يازهور تسال عنك العافيه انتي عارفه الاجازه وانا حموالتي لازم يجون كل اجازه
واذا جاوا مااصير فاضيه الله يعين انتي كيفك
هلا فيك العطوفه اتوقع عادي بعضهم يصير الالام كله في رجله
واختي الحالمه بالنسبه للنبض انا كل حملي في الرابع تسمع النبض
وهلا فيك اختي كادي الله يهون عليك يارب ياكريم
ويهون على كل الكروشات امين ياكريم

[رباه فرج همي]

هلا بنااااااااااااات

تنوووويه ..!!!!!!!!!!

http://forum.hwaml.com/t53597.html#post971905

[راجيتن الله]

بنات الله يعافيكم

وشلون اقدر اتابع حملي في خالد الجامعي لمين اروح

مع العلم ان عندي ملف فيه وكنت اتابع اول مع العيادة الاولية ارحام

صراحة مااعرف الطريقة ساعدوني الله يسهل عليكم يارب

[أمونه*]

السلام عليكم ....كااااادي
ماشاء الله تبارك الله ...الحمد لله ..الله يبشرك بالخير اسعدتي قلبي فكرت فيك امس وتمنيت اعرف عنك خبر وهذا اليوم بشرتينا على البركه
(اعرف المشي ،اكل التمر ،شرب قرفه )وجتني نصيحه ماجربتها يقولون جابت نتيجه تدهني اسفل ظهرك وبطنك بزيت زيتون مقري عليه ..الله اعلم
الله يسهل عليك الولاده إن شاء الله وانت والجميع

الحالمه حياك الله صديقه وعزيزه ...انا بصراحه كل فترة الحمل مااسمع النبض بس الدكتوره تقول ماله داعي بس اشوفه لما اسوي اشعه وتقول الدكتوره إنه زين ..ومن بداية الشهر السابع تبدأ تسمعني نبض الجنين
الله يطمن قلبك..

مساهير الشوق هلا وغلا كيف الحال وحشتينا ..استمري معانا وطمنينا عنك
راجيتن الله كيفك معليش ماعندي أي فكره ..تمنيت إني افيدك إن شاء الله يفيدك غيري ..تقومين بالسلامه

[dodi rodi]

السلام عليكم
انا ساكنه بالمدينه بس ولادتي هتكون بالرياض وتامين زوجي فيه مستشفى عبيد والهلال الاخضر بس ابغى اسئل ايش احسن مستشفى من حيث الدكاتره والاهتمام طمنوني الله يطمن قلبكم :(

[جنون بيبي]

بنات بسالكم لو انا ما عندي تامين بس زوجي عندوه اقدر اولد عالتامين حقته ؟؟؟

[العطوفه]

مراااااحب...
كيفكم ياكروشات؟؟
ابي مساعدتكم ابي شغاله بشهر مضمونه وحلووو شغله طبعا انا بالرياض اذا احد يعرف اوجرب لايبخل علي وشاكره لكم..

[فلـور]

السلام عليكم
كيف الحال؟؟؟
انا من القصيم وولادتي باذن الله بالرياض وش افضل مستشفى ودكتورة انا حاطه في بالي الحمادي والحبيب ودله وش رايكم؟؟محتاااارة ياليت كل وحدة تقول وين تراجع وتبي تولد عند اي دكتورة..