كيف اخلي بنتي تنام بفراشها تعبببببت!!!!

[Mقمة البرااااائهM]

شوفى يالغاليه
فيه برنامج يجى على mbc عن الاطفال ومشاكلهم وحلولها
الصراحه مره مفيد وانا كثير استفدت منه
وخاصه بالنسبه لنوم الطفل وحده
وانا بنتى نفس المشكله عمرها سنتين
وما تنام الا معى بالسرير
الحل000
اولا- حطيها بسريرها الخاص مو سريركم وطلبى منها تنام وانه هذا وقت النوم
ثانيا -كل ما طلعت من سريرها رجعيها تبكى ما تبكى لاتهمك ولاتتكلمى عليها
و قولى لها كلمه وحده هذا وقت النوم
ثالثا-خلال هالوقت لاتخلينها بسريرها لوحدها اجلسى جنبها(علشان تحس بالامان)
اهم شئ بدون ولا كلمه
وهم كل ما طلعت رجعيها ((على فكره ممكن تطلع اكثر من عشر مرات من سريرها
لكن لا تدوخين عادى))
رابعا-لا تتهاونين معها خليك صارمه ولاتتأثرين بصياحها لانها عارفه ان الصياح راح يجيب معك نتيجه
واخيرا0000
انا جربت هالكلام مع بنتى تصدقين ثلاث ايام تعبت انا وابوها معها
وفى اليوم الرابع اهى اللى ركظت لسريرها علشان الحليب كان معى وكانت تبغى تنام
وعلشان تتسهل المهمه حاولى انك تودينها السرير وهى منهد حيلها تبغى النوم
صدقينى الخبيره اللى فى البرنامج تسوى هالنقاط مع كل عائله تعانى من نوم الاطفال
واشوف انها تجيب معاهم نتيجه
وهذا اللى شجعنى وخلانى اسويها مع بنتى والحمد لله تمام
اهم شئ تكونى جاده فى هالمشروع ولا تيأسين
واتمنى بعد 5ايام اسمع اخبار حلوه
**زوجك لا يفسد الموضوع الرجال دائم يرحمون الاطفال وصياحهم خليك صارمه حتى مع زوجك انا عانيت من بنتى وزوجى لكن كنت اسكته بكلمه وحده
ياأنا يا هى معك بالسرير وكان يسكت
ودمتى يالغاليه

إستغفري الله وتذكري
وماكان الله معذبهم وهم يستغفرون