【ツ】أحلى تجمع لأحلى حوامل التوائم 【ツ】 ‏الجزء الثالث

[أم توينز]

السلام عليكم
كيفكم ياحوامل وكيفكم مع التعب

من امس احس الم فضيع تحت اخر بطني حتى لما اكح يالمني مررره
طبيعي ولا لا
ماودي اروح للدكتوره اخاف تمنعني من السفر ابسافر لاهلي يوم الاربعاء

[عذب]

مساءالخير

ابشركم الحمدلله ولدت بالسلامه
جبت بنوتتين طبيعي
وان شالله أكتب لكم الأكشن فيمابعد

[ام دحوم]

المشاركة الأصلية كتبت بواسطة عذب

مساءالخير

ابشركم الحمدلله ولدت بالسلامه
جبت بنوتتين طبيعي
وان شالله أكتب لكم الأكشن فيمابعد

الف الف الف الف مبروك عذوبه
والحمدالله على سلامتك وسلامت بناتك ويتربون في عزكم ودلالكم

[كاسبر]

ماشااااااااااااااااااااااء الله عذوبة
ألف ألف ألف مبرووووووووووك

الحمد لله ع السلامة

ننتظر الاكشششششششششششن
بس مثل ماوعدتينا بدون أفلام مرعبة :)

ياقلبو :)
تشققت ..
الله يتمم ع الجميع بخير ويطعمنا هاللحظة واحنا والنونو بخير يااااااارب

[متلهفه لضمته]

الحمد لله على الســــــــــــــــــــــــــــــــــلامه عذوبه

وطلعتي من الشر

والحمد لله على ما جبتي ويتربون في عزكم وكنفكم

وننتظر الاكشن بعد ما ترتاحين

[قطرة ندى*]

عذووووب
ألف ألف مبروك والحمد لله على سلامتك وسلامتهم
يتربون بعزكم وان شاء الله تفرحين فيهم وتشوفينهم عرايس

[كاسبر]

الامل بالله الله يرفع عنك .. ان شاء الله ماعليك باس
مع الحمية ان شاء الله ينزل
لاتخافين ولاتضيقين صدرك
ادعي واقري على بطنك واستغفري حبيبتي

روعة فكي الربط طيب عشان لاقدر الله لو صارت ولادتك اسعافية مثل ماذكرتي
وهانت حبيبتي الله يتمم لك بخير

املي بالله الحمد لله ع السلامة وألف مبرووووووك

رضاك انا معك ميه بالميه
ماشاء الله انا احمل واولد وهو ماله دخل الا يتشقق ويترزز
لا وألف لا
لازم يحس فيني بوحمي وتعبي وثقلي ويتعب معي يودي ويجيب
عشان يحس بطعم هالبيبي .. ويقدر تعبي
لانه احنا اللي في غربة وبعيدين عن اهالينا مالنا الا الله ثم رجالنا
لازم يكون متعاون من البداية
ومامتك توصل بالسلامة وترجع لك ان شاء الله وانتو بخير
معلش احمدي ربك شافتك وفرحت فيك .. وش تقولين اللي مااشوفها الا بالكام :(
الله يجمعنا بأمهاتنا على خير .. يعيننا على برهم يارب

جمانة اصبري دام صحتك كويسة عشان البيبات .. كل مادخلتي التاسع صار افضل لصحتهم
وحاولي تسترخين وتشغلين نفسك عن التعب باي شي
اقري قران .. ناظري برامج حلوة .. اشغلي نفسك وتعدي هالكم اسبوع الله يهون عليك

دموع الله يهون عليك وتدخلين التاسع على خير

ندوش انا والله تعبت مرة من الترجيع تكرموووووون
ماعاد يقعد ف بطني شي
والليمون ماعاد ينفع لان حلقي صاير مجرح من الترجيع .. ويحرقني لو اخذته
مدري سشوي ؟ :(

وجميع الكروشات عساهم بخير يااارب

[ام دحوم]

كيفكم بنات وشلون الثقل معكم
غرومه
وش قررتي عليه ناويه تجيبين شغاله ولا لين الحين معنده
ساره
حاولي بنهار تنومين كل واحد بغرفه عشان لوصحا واحد مايقوم اخوه والحين هم المفروض يكون نومهم كثير وكل ماكبر الطفل قل نومه والشغاله خليه تقوم بشغل البيت وانتي خلي عليك اطبخ وعيالك والله يعينك على تربيتهم
مهاوي
لاتخافين من التربيه ربي بيكون بعونك انا يوم اجيب عيالي كنت بكريه وهلي بمدينه وانا بمدينه
وماكان عندنا اطفال بعايله وكانوا اهلي والناس يقلون بزر وجابت بزران وشلون بتقوم فيهم بس ربي كريم عالم بحالي وقدرني عليهم
وانتي خذي اجازه من شغلك وتفرغيلهم تفرغ كامل الين يكملون 4 اشهور
دموع الشوق
ماتشوفين شر ولي معك الاتهابات تجي بعض الاحيان حكه بدون روايح روحي للدكتورتك تعطيك
دواء وتخفين ان شاء الله وماقدامك الا العافيه
الابغيت اسألك وشلون تكون نفسيتك وانتي رايحه المستشفى للقيصري انا من حددت لي الدكتوره عمليتي وانت تعبانه نفسين وخايفه وماغير صياح

[الأمل @]

عذوبه
الـــــــــــــــــف مبروك
الف الحمد لله على سلامتك انتي والعرايس الله يحفظهم لك
ويتربون فِـ عزكم ان شاء الله

الأمل بالله
مبروك الحمد لله ع سلامتك الله يخليهم لك

بقية الكروشات كيــــــفكم ؟؟؟

[قطرة ندى*]

كاسبر الله يعينا هالفترة الوحام صعب وثقيل واي شي مانقدر ناكله
تصدقين من غداي امس ما اكلت غير زبادي واحس بلوعة
ام دحوم هدي نفسك ولا تخافين والله يكتب لك اللي فيه الخير
ترى النفسية تأثر عالبيبي والله يقومك بالسلامة
الأمل شخبارك رجعت بنتك ولا لسه