دردشة حوامل أهل جدة - دردشة بنات جدة - تجمع حوامل مدينة جدة

خ ـجل~ · 03-25-2011, 10:10 PM

مرحبآآ كروشآت انا بكريه وأول مره اشارك معاكم :)

حبيت اسألكم عن مستشفى السعودي الالماني مين جربت الولاده فيه

مــون حــبــيــبــي · 03-25-2011, 10:36 PM

ماما ولدت فيه ..
وكمان مرت أخويا دحين حامل وتراجع فيه عشان تولد فيه إن شاء الله ..
شوفي هما يقولو الدكاترة كويسين والممرضات وكل شي قود ..
لكن زي ما تقولي ما أعرف هوا النظافة أو يمكن الأجنحة نفسها اللي في المستشفى مو مريحة ..
الزبدة شي فيها ضايقهم لكن مو دكاترة ولا ممرضات ..
والله ييسر لك إنتي وأنا وكل حامل يا رب ..

خ ـجل~ · 03-26-2011, 12:15 AM

يسلمووو موون حبيبي يعطيك العافيه :)

الفراشة الحنونه · 03-26-2011, 12:24 AM

هاي كيفكم حواملنا الحلوات يارب بخير

ومبرووووووووك عليكي ياام سعود ربي يخليه لك وتشوفيه احلى عريس

واي وحده تكلم ام جياد يالييييييييت تبارك لها الله يسعدها ويخلي لها جياد

وعقبالي انا وملوكة والجمييييييييييع يارب

ومشكورة ملوكة حبيبتي عالمعلومات الروعة وربي يتمم بخير يارب ^_^

الفراشة الحنونه · 03-26-2011, 12:27 AM

واعذروني يالغاليات انا لسى بكريه ماجربت شي

ومافي احد اعرفه قريب ولد بمستشفى الولادة او السعودي الالماني

بس اكتبوا بقوقل وراح يطلع لكم تجارب كثيييييييير من الحريم

وربي يكتب لكم ويكتب لي كل اللي فيه الخير يااااااااااارب

Nonyta · 03-26-2011, 01:07 AM

ربي يسهلك فراشة انتي وملكتني ماشالله بالتاسع ثنتينكم الله يسهلكم

صدفه مبروك حبيبتي حمدالله على سلامتك يتربى بعز امه وابوه يارب
خالد ادريس والله يمدحوا فيها وسعرها ب3000وشي
امي زمان تقولي حلوة ماشالله ولدتني انا فيها واثنين من اخواني بعدي وبعد كده ولاداتها بفقيه
الالماني الويك اند اللي راح كنت بنفاس وكانو في حريم يتكلموا عليها ويقولوا فاشله ويحبو العمليات القيصريه حتى لو ماتحتاجي

Nonyta · 03-26-2011, 01:09 AM

ام دحومي لاتخافي وخليكي على حساب الانترنت افضل لك واذا عدى الاسبوع وماولدتي انتظري اسبوع بعده وان شالله تولدي

وهانت صبرتي شهور ماتقدري تصبري اسبوعين
لاتخافي وربي يسهلك يارب

الفراشة الحنونه · 03-26-2011, 01:22 AM

يسلمو نونيتا

ويسهلك انتي كمان يارب

اهم شي لاتنسونا من دعواتكم الحلوة وربي يعينا ان شاءالله

~قموووره~ · 03-26-2011, 02:23 AM

هلا والله بكروشاات جده ؟؟؟

اقتباس:

المشاركة الأصلية كتبت بواسطة Nonyta

ربي يسهلك فراشة انتي وملكتني ماشالله بالتاسع ثنتينكم الله يسهلكم

صدفه مبروك حبيبتي حمدالله على سلامتك يتربى بعز امه وابوه يارب
خالد ادريس والله يمدحوا فيها وسعرها ب3000وشي
امي زمان تقولي حلوة ماشالله ولدتني انا فيها واثنين من اخواني بعدي وبعد كده ولاداتها بفقيه
الالماني الويك اند اللي راح كنت بنفاس وكانو في حريم يتكلموا عليها ويقولوا فاشله ويحبو العمليات القيصريه حتى لو ماتحتاجي

خالد ادريس مرررررررره لا ماانصح وحده تولد هناااك اخويا وزوجته ولدوا بخالد ادريس فقالوا نبغى بنتنا تولد زينا بنفس المستشفى ولدت وكل شي تمام وبعدين لما جاء وقت بيرجعوا البيت المستشفى حجزت بنتهم مو راضيين يطلعوها قالوا فيها وفيها طلعوا فيها بلاوي الدنيا ومايخلوا احد يشوفها بس نظره بيد الممرضه من بعيد ومن ورا زجاج وتروح ,,, واخويا قال انا ابغى آخذها على مسؤليتي ولاهم راضين قالوا لو تبغى تأخذها جيب تقرير من اي مستشفى انهم يتحملوا مسؤليتها لو صارلها شي و البنت ماشاءالله مافيها الا العافيه بس يبغوا فلوس

وطفروا اخويا مسكين وسوى مشكله مع المستشفى ,,, وبالنهايه واحد من اصحابه دكتور بمستشفى الجامعه كتب تقرير انه هو يتحمل المسؤوليه فنقلوها بسياره اسعاف من خالد ادريس مغطينها بالزجاج وحاله ومشغلين السفتي لما وصلت الجامعه كشف عليها صاحب اخويا قال مافيها ولا شي بس شغلة نصب في نصب بس تعبوا نفسية اخويا

و زوجته الي كانت ليل نهار تبكي ,,,
ادري طولت عليكم بالقصه بس ماابغى يصير لكم نفس الي صار لهم وربي ييسر لكل الحوامل ويولدون بالسلامه

,,,,

ريميه جنوبيه · 03-26-2011, 12:18 PM

الله يسعد كل من رد ويحقق لها اللي تبي وانشاء الله يقوم الجميع بالسلامه