ياريت تفيدوني .. وتقولوا لي ايش رايكم ..

[>.<]

السلام عليكم ورحمة الله وبركاته
كيفكوم .. صبايـــا ..
أنا آسفه عشان دخلت على القسم بدون لا إحم ولا دستور
بس يمكن صار لي 3 شهور او 4 وانا متابعة معاكم ودايما افتح المنتدى
طبعا والسبب معروف ..
نفسي أحمل ..
صار لي متزوجه 11 شهر .. ومن 4 شهور حسيت اني نفسي اصير ماما ..

وحبيت اشارك معاكم .. وأقول لكم الاعراض اللي عندي دا الشهر ..
بداية انا أنا دورتي منتظمه 28 يوم ..
وحصل جمـ ... في اسبوع التبويض ..
خصوصا يوم 13, 14 , 16 ..

وقبل اسبوعين تقريبا او اقل ..
حسيت انو تغيرت ريحة البول (( الله يكرمكم )) ..
وجاني صداع بس على خفيف ..
بعدها بكم يوم صرت احس زي النغزات في اسفل بطني ..
وألم في جوانبي .. و أسفل ضهري ..
وحرارتي تنزل وترتفع بس على خفيف ..
بعدين هدأت الاعراض دي ..

وقبل أربعه ايام .. رجع لي الالم ..
بطني وجوانبي وضهري ..
وأصحى من النوم عرقاااانه مع انو الغرفه بارده ..

وأمس العصر تقريبا .. نزل عليا نقطه خفيييفه دم ..!
قلت الله يستر يمكن الدوره حتيجي ..
وأستمرت نقط خفيفه جدا الين الليل ..
وبعدين حسيت نفسي مسخنه ..
قست حرارتي كانت 38 تقريبا ..
واليوم نزلت الحراره .. وبرضو نزلت نقطة دم ..!!
ودحين معايا غثيــــان على خفيف ..
والله أحترت .. وشعري حيشيب من كتر التفكير ..

آسفه طولت عليكم ..
ياريت تفيدوني .. خايفه تكون كلها أوهاااام ..
هل ممكن أكون حامل.؟؟ .. ولا حتجيني الدوره .؟؟..

وربي يرزقني ويرزق كل محرومه بالحمل الثابت ياااااارب ..