¤ô§ô ~أحلى تجمع حوامل التوأم 2011~ ô§ô

الياه · 03-12-2011, 11:16 AM

maha8181

اقتباس:

الياه شخبارج يالغاليه وشلون الدوام مع الكرشه

والله يسرج الحال حبيبتي، الحمدلله من أمس
أحس بخفة ونشاط
يمكن لأني بودع الشهر السادس وبستقبل السابع
بريك قبل المعاناة

والدوام الحمدلله خلصت كل درجاتي
باقي امتحانات نهاية الفصل
يعني الدوام بيكون أخف
لين آخر شهر مارس

والله يعينا على شهر ابريل
تصدقين ما احاول اطلع وايد جدام باقي المعلمات
تلقيني من الغرفة للكلاس وارجع
بس عشان ما الفت انتباه المعلمات لكرشي
اللي جدامي يمشي بنص متر ههههه

ومع ذلك كل من شافني لازم يعلق
اللي تقول حملج هذا غير احسه أثقل عن آخر حمل
واللي تقوول بطنج كبير ليكون فيج توأم
وأنا اضحك وقولها هيه اثنين
واللي تقولي هاي أيامج "تقصد أني على وش ولادة"
عاد هني

انصدمت
قلت لها لا أنا في السادس!!!!

واللي تقولي وحده من هلي يابت توم وما دري ليش
اتذكرتج؟؟؟
أنت فيج توم؟؟ وأنا أغير السالفة

غير جذي صعبة أني ادخل من الدوام مع انه النت
متوفر، بس الله يهديهم ويسامحهم
ملقوفين يوم يشوفوني يالسة على الاب توب
على طوول ايووون يشوفون شو اسوي
وشاكه في وحده تفتح الاب توب من وراي
عشان جذي قررت أني ما ادخل في الدوام
أنا في مجتمع الله يعيني عليه

بس هذربت وااايد عن دوامي

الياه · 03-12-2011, 11:23 AM

رضاك ربي

هلا والله فيج، أخبارج وأخبار الماما
والتوينز، ومنورة الثالث، عقبال ما نشوف
اسمج في امهات التوأم 2011م

وثانكس على الأطراء الجميل
أحب الأبتسامه لأنها تعطي إيحاء بالسعادة
والتفاؤل
وعسى السعادة ما تغيب عن سما دنياج

وله طلعتي في الحلقة الأخيرة دودة ههههههه
شكلنا كلنا دووود وبالعين ليمونه ههههه

الله يتمم لج على خير
ويسعدج دنيا وآخرة

اول غرام · 03-12-2011, 11:27 AM

الياه
هههههههههه
مو بالاشهر الاخيره لاتعدين السابع معهم ... من الثامن لين الولاده
التاسع عاد هذا شكل ثاني ...
يعني لاتسوين شي .. فاصبر لحكم ربك .. ولاتكن كصاحب الحوت
والناس صدق كثيرين كلام ...
انا على ان عيلتنا مليانه توائم الا انهم مااشكوا بي ...
انتي اقري على نفسك يوميا وانفثي على بطنك .(.وجعلنا من بين ايديهم سدا ومن خلفهم سدا فاغشيناهم فهم لايبصرون)
ومثل ماقلتي اللابتوب امسحي كل المحفوظات قبل تقومين .. مثل حالتي هع هع
مره اخذ اخوي اللابتوب تبعي .. وجلس على راسي الوسواس الخناس ...
لاني نسيت صفحة الجدول مفتوحه والباقي قفلته
على اني ماخليته يطول بس شكله قرى الموضوع والقهر انه مافتح معي الموضوع
بس ان اخوي الثاني صار يلمح بموضوع التوأم
ويلا ياوساويسوووو اشتغلي براس غروم ... ههههههههههههههه

مايا2010 · 03-12-2011, 11:35 AM

بنات ايش اخباركم من زمان مادخلت التجمع ان شاالله الجميع بخير .. بنات حبيت استشيركم انا دحين حامل 14 اسبوع و5 ايام وقبل فترة تقريبا نزل علي دم بسبب تجمع دموي بس الحمدلله الان اموري تمام والدم مااستمر الا يومين تقريبا بس طبعا انا قلقت لاني حملت عن طريق الحقن المجهري يعني مو طبيعي بس الحمدلله علي كل حال ودحين انا حابة اسافر ارجع السعودية ابغي اكون عند اهلي خلال دي الفترة لاني في غربة والرحلة تقريبا 5 ساعات ونص ايش رايكم؟ في وحدة سافرت وهيا حامل بتوام وامورها تمام؟ انا الدكتور طمني وقلي عادي يمديكي تسافري بس والله خايفة ومترددة ايش رايكم؟

مايا

maha8181 · 03-12-2011, 11:39 AM

اي والله يا الياه حاسه بشعورج انا هنا ذابحيني كل شوي يسالوني بيبي ولا 2
وانا اقولهم واحد وكلن عينه على كرشتي
واذا مشيت شوي يقولولي بعد امشي المشي زين علشان الله يهون عليك يحسبوني بالتاسع

الياه · 03-12-2011, 11:41 AM

زود الغلا

اقتباس:

صباح الخير
ها يا حوامل بشرن عسى جهزتن :) للولادة

هلا والله الغالية، شخبار بنوتاتج اللذيذين
بيزيدون لذه على الخامس والسادس
بس لا تهورين وتاكلينهم ههههه
الله يحفظهم ويبارك لج فيهم

تصدقين ما جهزت لنفسي ولا شي أبد
وللتونز خذت بس افرولات وملابس داخلية
ووقفت مب عارفة ليش مب قادرة اسير اجهز

أبد مالي خاطر على شي؟؟؟؟
أبى تشجيع حد يشجعني

أم دحوم

اقتباس:

هلاوالله ياقلبي
الشر مايجيك لا مافيني الام يوم الاربعاء جاني الام فضيع من بعد عيالي كل ماشفوني سجدت ينطو على ظهري الين اخلص صلاه

ماتشوفين شر الغالية، ضحكتيني على عيالج
سبحان الله مثل ولدي يوم أصلي ما يحلاله العب الا جدامي وما اقدر اسجد
أو فوق ظهري لو سجدت
كافي علينا ثقل التوينز أي هو ماشاءالله بثقلة بعد
ويوم اطلعه فديته يقول بصلي ماماه
ينكسر خاطري وخليه
بس عقب ما طلع على ظهري
يحلم يصلي عندي ههههههههه
الله يحفظهم ويخليهم يارب

maha8181 · 03-12-2011, 11:49 AM

غرووومه يعني مايفيد معاك الواسطه
اقولك تساهلي شوي وحطيني بالثامن

الياه · 03-12-2011, 11:57 AM

أول غرام

اقتباس:

الياه
هههههههههه
مو بالاشهر الاخيره لاتعدين السابع معهم ... من الثامن لين الولاده
التاسع عاد هذا شكل ثاني ...
يعني لاتسوين شي .. فاصبر لحكم ربك .. ولاتكن كصاحب الحوت
والناس صدق كثيرين كلام ...
انا على ان عيلتنا مليانه توائم الا انهم مااشكوا بي ...
انتي اقري على نفسك يوميا وانفثي على بطنك .(.وجعلنا من بين ايديهم سدا ومن خلفهم سدا فاغشيناهم فهم لايبصرون)
ومثل ماقلتي اللابتوب امسحي كل المحفوظات قبل تقومين .. مثل حالتي هع هع
مره اخذ اخوي اللابتوب تبعي .. وجلس على راسي الوسواس الخناس ...
لاني نسيت صفحة الجدول مفتوحه والباقي قفلته
على اني ماخليته يطول بس شكله قرى الموضوع والقهر انه مافتح معي الموضوع
بس ان اخوي الثاني صار يلمح بموضوع التوأم
ويلا ياوساويسوووو اشتغلي براس غروم ... ههههههههههههههه

بسوي مثل ما قلتي ودوم بإذن الله بقرأ الأية
بس القافة في ناس بشكل مب طبيعي
مره كنت اكتب للمنتدى وييت معلمة وقفت في ظهري
ماعرفت شو اسوي اقفل الاب توب!!
نزلت الموقع باستغراب
وواثقة انها انتبهت
الله يهديهم
كنت امسح كل شي من المحفوظات بس لازم كل مره ادخل
الباسورد والنك نيم
وأخاف انسى الباسورد لأنه الذاكره آيلة للزوال
والله يعينا ويتمم لنا على خير

maha8181

سوي مثل ماقالت أول غرام
اقري على نفسك يوميا وانفثي على بطنك .(.وجعلنا من بين ايديهم سدا ومن خلفهم سدا فاغشيناهم فهم لايبصرون)

والله يحفظ الجميع

فالله خير حافظا وهو ارحم الأرحمين

اول غرام · 03-12-2011, 12:02 PM

مهاوي
صدقيني ... انا اتمنالك الخير
مابيك تجربين تعب الثامن والتاسع ههههههههههههه
خليك بالسابع تراه ازين لك لاتستعجلين التعب
انتي مقررينلك الدكاتره قيصري ...؟!
وين ناويه تولدين باذن الله ...؟

maha8181 · 03-12-2011, 12:18 PM

غرررومه لا تكفين ابي اخلص ما ابي افحط بالسابع
والله انا على تامين زوجي في سعد لانهم يعرفوني من ايام العلاج
والدكتوره زينه تعوت عليها والله كريم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أزياء حوامل 2011 , أفخم الموديلات و آخر موضة ملابس حوامل لعام 2011	ايلاف	الموضة و الجمال	13	10-06-2014 09:07 PM
أزياء حوامل 2011	غلا الشوق	الموضة و الجمال	4	02-08-2012 02:47 AM
ازياء حوامل 2011؟	الحبوبه	الموضة و الجمال	10	02-16-2011 04:07 AM
ازياء حوامل 2011 ملابس حوامل صور حوامل ملابس افضل الملابس للحامل	غلا الشوق	الموضة و الجمال	13	01-02-2011 10:02 PM
أحلى ملاااابس للحاااامل 2011	Mقمة البرااااائهM	الموضة و الجمال	4	04-24-2010 04:38 PM