بيعة الذهب من اجل الزوج

[ام ميرا]

والله إن راح الغالي ما ينفع الرخيص أنا أول ما تزوجت كان زوجي عليه ديون وأشوفه مهموم ومتكدروبعد فترة من زواجي عرفت فقلت له ياخذ ذهبي ويبيعه ويسرعلى نفسه لأني خذيته لأني أحبه وأعرف أنه طيب ويخاف الله وهذا كان في أول شهرين زواج وفعلا عطيته الذهب وراح باعه ويسر على نفسه وفي نفس اليوم اللي راح وسدد الديون لقيته جاي وجايبلي معاه لاب توب كنت شايفته وعاجبني وقالي إن الذهب زاد منه مبلغ وأنا أدري نفسك بهذا الجهاز
بصراحه فكرت لوكان يبي الفلوس والذهب ماشرالي بالعكس كان خلا معاه سيوله
يعني مبدأ كلامي أن الوحده ما تفترض أن الزوج ما ينعطى ثقه لا جربي وضحي بالغوالي عشان عيون الغالي وبكذا تكوني زرعتي شجرة حب في قلب زوجك لأنه راح يشوف كيف أنك ضحيتي بالمحبوب عند كل إمراة "الذهب"عشان عيونه وكأنك تقولين له أنك مافي بعدك غالي في دنيتي
عذرا على الإطالة بس حسيت الموضوع يستاهل الشرح شوي لأن كثيرات منا تواجه هالمسألة