تجمع حوامل ليبيا

[ميمونة]

أنا اليوم روحت لحوشي الحمد لله

[أم أجنادين 80]

اهلين ام قصي وام لقمات تيمو ليبيا

وشن اخباركم

وكيف حالك ميمونة

طيبتي غداك ولا مزال

[ام قصى محمد]

والله نحن بالشرق امورنا استقرت ومنظمين انفسهم بسم الله ماشاالله الشباب يحمو فى الاماكن العامه ويساعدو على تنظيف الشوارع واى مرافق
بدأت الحياه تأخذ مجراها الطبيعى والمصارف فتحت والناس متكاتفه بشكل يجعلنى فخوره بليبيا وشبابها بارك الله فيهم ازمه وتمر انشالله
والبنات ولله الحمد كويسات نحن عندنا حتى العيادات الخاصه فتحت بالمجان عشان تخفف الضغط على المستشفى

[اضوء]

كيف حالك أم قصى وحال بناتك وجميع أهلنا وناسنا فى الشرق أن شاء الله بخير

[ميمونة]

هلا أجنادين أنا طيبت أرز بالخلطه بالدجاج وطبيخة بطاطا وإنت

[اضوء]

والله ياأم قصى أحنى خائفين ايصير فينا زى العراق شفتى الاخبار أمس قالوا أمريكا زرعت أساطيرها على محيط ليبيا ليش ليبيا ليش مادروهاش لتونس ومصر أكيد مستهدفين نفطنا ليش مانستخدموا السلم والصلح لحل النزعات وفى النهاية نحن أخوة

[ام روفيدة]

المشاركة الأصلية كتبت بواسطة ام قصى محمد

بسم الله والصلاه والسلام على رسول الله
والله مش عارفه من وين نبدى نحكى كنت نقرى فى الصفحات السابقه وشفت الحوار الى دار بين تيمو وام روفيده
وبصراحه انا فى الاول كنت خائفه من الى يصير بس ولله الحمد مع مرور الوقت تأكدت ان الى ايصير لمصلحه البلاد انا عن نفسى اسكن بالمنطفه الشرقيه
ونحن لاعندنا صحه والمجارى (البنيه التحتيه)منهاره المجارى اجلكم الله فى الشوارع كالانهار البطاله فى ارتفاع الشباب فى ضياع
لو نقشنا ان البلاد خسرت الامان طيب وين الامان اذا الشباب تأخذ من بيوتها فى منصف الليل من دون تبليغ اهلهم
اين الامان اذا كان الحاكم وابنائه هم من جلبو المرتزقه للبلاد واعطوهم تصريح بالقتل واغتصاب حرائر ليبيا
اين الامان اذاكنت لاتستطيع التعبير عن رايك
مع احترامى
نعم كنا نحيا نأكل وننام ونضحك ولكن من دون كرامه
وما الانسان من دون كرامه
مع احترامى
فتوى الشيوخ ليست قفط ما تجعلنا تنحرك ولكن الاحساس بانك انسان
ولا اسمح احد يطلق على هؤلأ الشبان الاحرار جرذان
اتحدى ان تقفى امام ام من امهات الشهداء انشالله وتقولى لها ابنك من مات وهويحاول اعلا كلمه الحق جرذ
ابنهاها او زوجها اواباها اواواواو
اتقين الله فى انفسكن والله ماراح ينفعكن معمر ولا اولاده يوم العرض يوم توقفى بين يدى الله ويسألك عن ماكتبت يداكى اليوم نحن لانعلم اسمك اوشكلك ولكن الله يراكى
اتقى الله فى نفسك ومهما قلتى فانتى واحده من ملايين
ثم لاخوف من امريكيا ان الليبين الاحرار جعلوه ظاهرا لها انهم لايريدون اى تدخل منها عسكرى بالذات
ثم العراق امر اخر مختلف تماما عن ما يحدث فى ليبيا ونسال الله ان يحرر العراق وكل الاراضى العربيه لتعلو كلمه الحق
ياخوات تهاجمن الجزيره والله كل ماتقوله حقيقه وانا شاهده على ذالك
ليبيا انشالله ستكون دوله مبنيه على اصول علميه وجذور اساسيه وثرواتها ستكون انشالله لابنائها
ثم هذا كله لاجل الجيل الجديد لاجل الاطفال القادمين
اختى تيمو واختى ميراس انا اخبركى ان تصبرى وان تراجعى نفسك قبل كتابه اى كلمه قد تجرح احساس الاخرين
ونحن كلنا ليبين ونريد مصلحه البلاد
ثم الحرائق والتكسير امور طبيعيه تتبع اى انتفاضه وبعده تتبعها الاستقرار والامان مثل ماحصل بمدينتى والله الامان الذى نشعر به الان النظام افضل بكثير من السابق وان ليبيا دوله واحد لاشرقيه ولاغربيه ولا قبليه

صادقة في كل كلمة قلتيها وأسأل الله عز وجل أن ينصر ليبيا على هدا الطاغية وأتباعه لأنه ليس ولي امر وليست له بيعة شرعية كيف ما قالو العلماء وأسأل الله العظيم رب العرش العظيم أن يجعلك من أهل الحق وين ما تكوني

[عيون زوجي]

السلام عليكم
كيف حالكم اليوم انشاءالله أحسن...

[smhaa]

اهلين وخياتي
ايوة اكيد كل حد عنده راي وكلنا نحترموا راي بعضنا البعض
ولكن
بالله عليكم
الجزيرة والحرة تقولوا انهم يقولو الحقيقة ؟؟
كيف؟؟
احني ليبين ونعرفوا بعض
في ناس هلبة هلبة جاية مع معمر يعني حتى في الشاعر بصراحه اغلب الناس جاية مع معمر ومتبيشي يمشي
وحتى اني عندي اقارب في بنغازي وجدابيا وهلبة منهم بيهبلوا ومايبوش الوضع هكي ويبو معمر
يعني القنوات هده ماتجيبش الا في المعارضين وفي النس اللي تكره معمر
اما الرأي الاخر متجيبش فيه ابدا
يعني لو كانت تجلب في كل الاراء كنا قلنا باهي
بس هي ماتجيب الا في اللي تريده فقط

وبعدين يقولو قصف بالطائرات؟
وينه القصف؟؟ ليش ماشفناشي احني اللي في قلب طرابلس؟؟

شنو طارو في الحلم؟
والله العظيم لا اني ولا اي حد من اللي نعرفهم ماشافو اي طائرة تقصف طيب ليش الزيادة والكدب؟؟

اني متاكدة انه في سر في كل الموضوع
وبعدين القرضاوي اللي فتي بحقن دم القائد
الا تروا معي انه يريد الفتنة ويريد اشعال النار زيادة عندنا؟؟؟

بصراحه شيء غريب ياجماعه والله غريب جدا

وفعلا فعلا لو مافقنا على عقولنا رح نصيرو عراق اخرى
وتحية لكل الليبيات هني والله نحبكم كلكم سواء اللي بليبيا او خارجها

[smhaa]

وخيتي ام رفيدة والله اني انحبك هلبة ونحترمك هلبة
بس ياريت وخيتي تحترمي مشاعرنا احني
معمر القذافي قاعد قائدنا وياريت متقوليش عنه طاغية
يعني اعطي رايك ولكن ياريت تحترمينا وخيتي زي ماحني نحترموا كل المشاعر
وعاد متحرجيش مني اني لو ماكنت مدللة عليك مكنتش طلبت منك هكي