ساعدوني ابي حل

[مثايل]

بسم الله الرحمن الرحيم
السلام عليكم ورحمة الله وبركاته
والله ضايقه فيني الدنيا ماعندي اشكي حد غير الله ثم انتو تعبانه نفسيتي لدرجه اتمنى الموووت ولا اعيش واشوف والله صار لي اربع ايام لانوم ولا اكل حتى المويه مااقدر اشرربها الا بالغصب
مشكلتي زوووجي يشرب ويخونني انا ماعندي اطفال بس مدري ليه كل من اصلي واستخير بخصوص االطلاق احس اني ابيه لدرجه ان احيانا يمد يده علي خواتي انا رحت بيت اهلي ابوي متوفي وامي لااهيه بديناها حتى لمن رحت قبل كم يوم كانت مسافرة رايحه لخالتي وحتى لوكانت ممو جوده ماتسالني شنو في خاطري من جد ضايقه فيني الدنيا واختي حالتها اخسس من حالتي بزياده ولااقدر اشكي لها واخواني واحد واقف معي والاقي مايفتكروون بس تعبت من كثر مااشكي له حصلت رسايل بجوال زوجي وواجهته فيها وحلف بالمصحف مو له وبعدها خمس دقايق وقالي هما لي وانا اسفه بس ايش الفايده يحلف بالمصحف كذب ويرجع وكان قبلها واعدني مايخونني تعبت انا مستحيه من اهلي لانهم سالو عنه قبل زواجي منه وقالوا انه يشرب وكل شي بس كنت ابي اطلع من حياتي وتعبي وألمي تصدقووون انا كل يوم اصلي باليل واستخير ابي احل ومااشوف الا قلبي يتعلق فيه اكثر واكثر فيني هموم الدنيا وهو لمااقوله سويت وسويت يسكت يعرف انه غلطان ولما رحت لابوهـ اربع مرات وانا ابكي اقوله ساعدني ماعطاني رد ويروح يقول لزوجي اشرب ولاتسوي مشاكل اهـ ياقلبي تعبت ابكي امس لما جابني من بيت اهلي ع اني كنت زعلانه ثلاث ايام باليل رجع شرب وشال جوالي وكسرة مدري ليه ولما نام شلت جواله وكسرت الشريحه وكسرت الجوال ماابيه يخووونني واحين بيروح يطلع بدل فاقد لين احين مايدري ان انا اللي كسرته دعيت ربي ان مايطلعون له بدل فاقد اول شي عشان ربعه مايتصلون ولا اللي يخونني وياه تدق ادعووو لي وعطوني حل الله يجزاكم خير

[دمعة حنين]

اختي الحبيبة
ما الك حل الا الدعاء له بالهداية والصلاح اثناء قيام الليل وان شاء الله الله يسخرلك اياه
وكمان في كاسيت اسمه هذه قصتي ليوسف الصالح مؤثر جدا بيحكي عن قصته مع الادمان اشتريه وحاولي بأي طريقة تسمعيه اياه بالسيارة بالبيت انت ادرى بالطريقة المناسبة
واخيرا اسأل الله ان يفرج همك

[سموة الشوق]

لاحول ولاقوة إلا بالله


وش هاللامبالاة بزوجك

الله يهديه ويصلحه يااااااااااارب

طيب كلمي أمك

ضروووري تكلمينها وتقولين لها الحقيقة

وتشوفين شوووورتها



وانتي صارحتيه كذا مرة

واجهيه بإنك جديه بالموضوع

واذا كرر هالشئ حبيبتي

إستخيري الله والله يعوضك باللي أحسن منه يااااااارب

أما العيشة واياه بهالقلق صعبه

خيااااااانة وشررررررررب

كبيرة

بس طبعا لو هو بنفسه عنده نية يترك الخراب وتساعدينه لاترفضين

بس يكذب عليك لا

لايستغفلك يالغاليه

الله يهون عليك ويلهمك الصبر والقوووة من عنده

ويوفقك ويسهل امووووووووووووورك ويصلح شباب المسلمين ياااااااااااارب

[ملاك في عين زوجها]

حبيبتي انصحك بالدعاء في صلاتك وخصوصا اخر الليل قفي بين يدي الله ادعي له الله يصلحه ويسخره لك وان شاء الله ربي يهديه ويرجعه لك

[انثى حنونه]

حبيبتي
عليك بصلاة اخر الليل
والدعــاء وربي يوفقك
ويفرج همك

[طبيبة القلوب]

يعني عفوا ع السؤال الجريء


ايش اللي يخليكي تتعلقي فيه ؟؟؟؟؟؟؟؟؟؟



سكره ولا مدة يده ولا خيانته؟؟؟
اختي اصحي شوي على نفسك ..................... وين عقلك ..
ربنا اخرلك الخلفة عشان تفكري شوي بالموضوع .........................



لي عودة مرة اخرى
عورتي قلبي ماني قادرة اكتب من كثر ما انا مستغربة بل مندهشة ومحتارة منك

[Almasah]

ربي يفرج همك
ويبعدك عن هالانسان ويعوضك احسن منه ياحق

لاتسكتين على وضعك

....

[**سماسم**]

أجلسي معه وقوليله يتختار الشراب و الخرابيط أو تختارني وخليج جاده وياه ..
وما الله حادج يالغاليه تضيعين عمرج وياه ويمكن خيره لج أن ماعندج عيال منه ..
حقيقه أنصدمت من موقف أبوه يعني عادي عنده ولده يشرب ويطيح بالحرام أستغفرك يالله ..
صدقيني يالغاليه هذي العائله ما تأتمنين نفسج عندهم ..
صديقت أمي زوجها يسكر ولها منه بتين وولدين كانو بناتها يلعبون ويا خواتي الصغار دخل أبوي ابيت وجلس يتقهوى ويانا البنت الكبيره وعمرها خمس سنوات ونص جلست تطالع ببوي من دخل إلي طلع حتى كلنا لاحظنا نظراتها له جات تسأل خواتي هذا أبوكم قالن إيه قالت ليش مايضرب الجدران ويطيح وليش عيونه ماتدور مثل أبوي خواتي مايفهمن شـاتقصد وقالن ماندري ..
فحرام شوفي شلون تكونت صورت الاب في مخيلة البنت والله العالم شلي يصيرهم بالبيت ..
فخيريه إما يتعدل ولا كلن يروح بطريقه
,,

[سيدة الغرام]

يمد يده ويشرب ويخونك لا والله ياقلبي والله مااقعد مع ولا دقيقه
ربك يفرجها ويفرج همك يالغاليه صلي وستخياري

[زهرة البنفسج]

اسأل الله ان يفرج همك عاجلا غير اجل