تجمع حوامل ليبيا

عاشقة الصحراء · 02-16-2011, 04:18 PM

أم قصي حبيبتي وينك ؟؟؟
انشالله خير غير خشي وطمنينا عليك

عيون زوجي · 02-16-2011, 04:19 PM

ام سعد وليبيا قلبي لاباس على البيبز
وزي ماقالوا البنات الشمس ثم الشمس
انا بنت خوي كانت نسبة الصفير كبيرة 22
وقعدت في الحضانه اسبوع للعلاج الضوئي
وبعدها اعطوها فيتامين دال فقط والشمس
كل يوم امي تنزلها منهم وتقعمز بيها من الساعه 10 لل 12 في الشميسه
من عمرها اسبوعين لحد ال 3شهور
توا صحتها ماشاءالله اتهبل للعلم اسمها عيوش( عائشه)

عيون زوجي · 02-16-2011, 04:22 PM

ام قصي لاهيه في اللمات والعزايم
ماشاءالله دوم اعليها...........

عيون زوجي · 02-16-2011, 04:25 PM

عشوقه قعده ولا طلعتي؟؟؟؟؟؟؟؟؟؟

عاشقة الصحراء · 02-16-2011, 04:27 PM

غير كان لمات بس عادي المهم مافي سو انشالله ...
نستأذن حبيبتي عيون تعرفي مريييييييييييضة ودايخة وخلاص بنروح يمكن غدوة كان قعدت هكي مش حنجي للخدمة ... بوسيلي سارة وحمودي وربي يحفظهملك يارب
سلام حبيبتي

عيون زوجي · 02-16-2011, 04:31 PM

الف لا باس اعليك ويارب يحفظك ويثبتلك حملك
بري كولي حاجه اسخونه وارقدي تو اتنوضي مرتاحه

المتفاااائلــــه · 02-16-2011, 04:33 PM

اقتباس:

المشاركة الأصلية كتبت بواسطة نسرينا

خلااااااااااص امالا يا بوسي اتفقنا يلا حني اليوم و قوليلي والا حتى جربيها في روان ..هههههههه

متفائلة / لو لو نغزات الصدر هادي قبل ما تجيكش قبل دورتك و هادي اول مرة تحسيه بالشكل هذا فمعناها حمل ان شاء الله ...

.

ان شااء الله ربي يسمع منك .. آني من قبل تجيتي شوية نغزات في صدري لكن يوم الدورة بس وكان كثرت اليوم اللي قبل الدورة لكن توا ليها ثلاثة ايام .
بما اني بديت نحس انها بتطلع دورة في الأخير .. مسحت شوية طلعلي افراز فيه لون زي الأصفر ... أكيد هادي افرازات اللي قبل الدورة ... لكن بعدها ماعادش شفت حاجة .. شكلها بتجي السبت في موعدها.. ان شاء الله ربي يدير اللي فيها الخيرة .. لأني متمتية نطلع حاااامل .. بالله إدعولي ...

" ربي هب لي من لدنك ذرية طيبة انك سميع الدعاء "
" ربي لا تذرني فردا وأنت خير الوارثين "

عيون زوجي · 02-16-2011, 04:35 PM

حتى انا طالعه بنغير لبنتي شمالها
بس حبيت انحط صورة اللبسه يلي بنلبسها في عرس بنت عمتي يوم 28/2
نبي ارائكم واقتراحاتكم....
بكل صدق لانكم خواتي
للعلم حتى العدسات بنشري نفس لون صاحبه الصورة
والمكياج نفسه
شن رايكم
لو ما مش حلوة نلغيها مش مشكله
والحنه بنحني حنه منقوشه ليبيه على موديل سوداني للرجلين واليدين في حمام امواج

المتفاااائلــــه · 02-16-2011, 04:41 PM

اقتباس:

المشاركة الأصلية كتبت بواسطة عاشقة الصحراء

العفو يامتفائلة وربي يفرحك بالحمل القريب يااااااااااااارب والناس معاش تدوري دوتهم لأن مش مسيبين حد في حاله لو ماحملتيش يقولولك شنو مافيش حاجة ؟؟؟ ولو حملتي وجبتي يقولولك شنو ماتبيش تجيبيله أخ يونسه ؟؟؟ وبري عاد حاااااااااااااااالة .. حتى اني حملت في الشهر الرابع بعد زواجي وقبلها كنا مدايرين جدول اني وراجلي وهبلوني الناس على قولت مافيش حاجة مازال ؟؟ والله العظيم حسسوني اني متزوجة ليا قرن هههههههههههههههههههه بكري حبيبتي وراهو الوحام يقلبلك حياتك كلها فخليك متهنية توا ومتعي راجلك لأنه قاعد عريس وجايه الحرمان بعدين ههههههههههههههه ...
حقا ماقلتيش عليك اي معلومات مواليد كم ؟؟؟ وشن تشتغلي ولا قاعدة في الحوش ..؟؟؟

عندك الحق حبيبتي .. لكن والله ما نكذب عليك حتى آني خاطري نحمل .. ان شاء الله ربي يرزقتي ياارب ... وزي ما قلتي الأيام هادي كلها أيام حلوة وما تتعوضش ان شاء الله ربي يخلي ايامنا وايامكم كلها حلوة ياارب ...

ووالله عندك حق .. هما 3 شهور حسسوني كأن ليا ثلاثة سنين .. . انتي بعد قداش حملتي ؟؟؟

وبالنسبة للمواليد والقراية .. آني متخرجة لكن مازال ما نخدمش والباقي نتواصلوا على الخاص ان شاء الله ...

المتفاااائلــــه · 02-16-2011, 04:43 PM

اقتباس:

المشاركة الأصلية كتبت بواسطة عيون زوجي

حتى انا طالعه بنغير لبنتي شمالها
بس حبيت انحط صورة اللبسه يلي بنلبسها في عرس بنت عمتي يوم 28/2
نبي ارائكم واقتراحاتكم....
بكل صدق لانكم خواتي
للعلم حتى العدسات بنشري نفس لون صاحبه الصورة
والمكياج نفسه
شن رايكم
لو ما مش حلوة نلغيها مش مشكله
والحنه بنحني حنه منقوشه ليبيه على موديل سوداني للرجلين واليدين في حمام امواج

عيون آني جديدة معاكم .... ونستنا في الصورة .. ويينها ... هه قوليلي على طول خاشة قصقصة .... ههه

ربي يحفظلك بنيتك ان شاء الله ...