تجمع حوامل ليبيا

[ميمونة]

عشوقه لاباس عليك أما شهر توا@تعرفي أنا أمس بالعيادة وحدة قالتلها الدكتورة إنت حامل لها 3 سنين تعرفي تأثرت هلبه لحد مابكيت قولت يارب أمتي نفرح حتي أنا:طبعا مش حسد بل حاجة في خاطري
وجعتني نفسي

[طرابلسيه]

سلمك ياعاشقه المشكله نعرفها المعلومه هذه لكن شن بديري هي شهر مش وخيتي مش شويه،،تخافي من لعن الملائكه لا سمح الله
:
سلمك ميمو ربي يسمع منك

[عاشقة الصحراء]

ربي يفرحك يارب ياميمو وقوليلنا شن صار فيك مع الدكتورة ؟؟؟ وتقولي ماسألتش عليك سألتك عالدكتورة قبل ماتخشي ياحلوة ... هانت انشالله ياغالية
طرابلسية صح وحتى من غير اللعن لا سمح الله انتي تفكري باهي اني تعبانة صح لكن هو راجل شن ذنبه ووين بيمشي بروحه يطلع برا يعني ؟؟؟ ربي يحفظك يارب
شن مدايرة غداك ؟؟؟هههههههههه على قولت بوسي

[عيون زوجي]

السلام عليكم
وكيف حالكم يا نسوينات بلادي
طلعوا الموظفات وخشوا ربات البيوت

[عاشقة الصحراء]

حبيبتي ميمو اني في الرابع توا ... عقبالك يارب

[ميمونة]

الحمد لله_أعطيتني الدكتوره نادية كلوميد شهرين_لو ماحملتش ندير الصورة الملونة_ربي يستر
بعد شهرين نسكر سنة ونصف علي زواجي

[عاشقة الصحراء]

ايوا احني ربات البيوت هههههههههههههههه غير كيف حالك ياواد ياربة البيت
قوليلنا كيف حالك وحالك عويلتك قبل وبعدين شن درتي غداك ؟؟؟

[عيون زوجي]

عاشقه البازين...سليمتك يا احبيبه ههههههههههه
الله غالب المراه لازم كل شي اديره
الحمل الخدمه التنظيف ارضاء الزوج
مابعدنا وانشاءالله كل شي بأجره
للعلم في حملي بولدي ما وقفتش ولا اسبوع علاقتي بزوجي
للنهايه لاخر لحظة قبل الولاده
ومافيش مضرة
بس للحوامل الجدد ويلي رموا قبل المفروض 3 شهور الاولى ممنوع
والوسطيه اماااااااااان والاخيرة مرة مرة
والتاسع ضروري لتحريض الولاده
وربي هو الحافظ..........

[عاشقة الصحراء]

حتى سلفتي خدت الشهر هذا كلوميد وانشالله خير يارب ...
قوليلي ياميمو انتي عندك تكيس في المبايض ؟؟؟ واعطاتك مع الكلوميد دوا اسمه دوفاستون ولا بروحه كلوميد

[طرابلسيه]

اي والله ياعاشقه صدقتي..تقعدي تفكري هكي وجو الضمير..
غداي درت رز ابيض وماقدرتش انكمل قبل بندير طبيخة فاصوليا لكن شكلي بندير شوية كيما وخلاص وطبعا السلاطه