تجمع حوامل ليبيا

[أم أجنادين 80]

عاشقة الصحراء تعرفي انا منمشيش للمات بقناعتي

وانا وزوجي متفقين نحددوا علاقاتنا الإجتماعية بناس معينة

الأقارب والأصدقاء المقربين ,,

الصراحة ماقتنعتش باللمات او بالأحري مانربطش نفسي بيهم

ومجتمعنا مايرضاش بالبسيط كل يوم في تزايد مستمر

والإنسان مايعرفش شن تفرض عليه الظروف مايقدرش يدير لمة

يقعد متحشم مع الناس ,,,

هدا من وجهة نظري وياحبيبة المهم انت متهنية مع زوجك وعايشة سعيدة

شن بديري باللمات وغيره ,,,

[ميمونة]

السلام عليكم_أنا توا جهزت أموري_@جهزت دار النوم وحطيت الشموع والورد والفراش غيرته عالأحمر_وجهزت العشاء درته خفيف_/أرز خلوط_كبة_بوريك_بيتزا_ وسلايط مشكله_سلة خضروات بالدجاج _وعملت عصير طبيعي _



_

[ميمونة]

نبيكم تشاركوني طبعا ماكثرتش خليت لعزوزتي حصتها_توا طلع نبي نلبس قفطان طبعا هدية زوجي يهبل لونه أخضر وبعدين نلبس روبي _وشوفو شن يصير بعدين_
توا تصبحوا علي خير ليلة سعيدة للجميع

[ام روفيدة]

السلام عليكم ورحمة الله وبركاته :
يقول الامام حافظ بن احمد الحكمي في منظومة سلم الوصول من علم الاصول:
فالدين إنما أتى بالنقل : ليس بألاوهام وحبس العقل
اولا: اخواتي بارك الله فيكم لو عندكم دليل من الكتاب والسنة على جواز الاحتفال بيوم الميلاد ياريت تنوروني بيه
ثانيا: عندي 3 اسئلة ارجو الاجابة عليها
1: هل إحتفل النبي عليه الصلاة والسلام بيوم ميلاده؟
2:هل إحتفل النبي عليه الصلاة والسلام بيوم ميلاد إحدى زوجاته؟
3:هل حثنا النبي عليه الصلاة والسلام على الإحتفال بيوم ميلاده او الاحتفال بيوم ميلاد كل شخص فينا؟
ثالثا:النبي عليه الصلاة والسلام ادى الامانة وبلغ الرسالة وترك امته على المحجة البيضاء فلو كان هناك درة خير في الاحتفال بيوم الميلاد لأمرنا النبي عليه الصلاة والسلام بالاحتفال به ومن قال غير هدا فقد اتهم النبي عليه الصلاة والسلام بأنه لم يؤدي الامانة على اكمل وجه لأنه لم يترك خيرا إلا ودل الامة عليه ولم يترك شرا إلا وحدر الامة منه
رابعا:الاحتفال بيوم الميلاد لا يؤثر او لا يسعد او لا يفرح به إلا من يتبع هواه وبعيد عن الكتاب والسنة فليس له علاقة بلفت إنتباه الزوج او كسر الروتين لأن السعادة في تقوى الله عز وجل وليست في الابتداع فما بني على باطل فهو باطل اتقو الله عز وجل واتبعوا الكتاب والسنة في كل شيء وليس في بعض الامور تعيشوا اسعد حياة مع ازواجكم
خامسا:كسر الروتين ولفت إنتباه الزوج وزيادة حبه ليست بالاحتفال بيوم الميلاد او بدكرى الزواج او برأس السنة انما بأمور اخرى تعرفها الزوجة فكل زوجة تعرف طريقها إلى قلب زوجها بعيدا عن البدع ومحدثات الامور
سادسا: احب ان انبه بأن سيرة النبي عليه الصلاة والسلام الواجب دراستها والاطلاع عليها كل يوم وليس في يوم ميلاده كما تفضلت إحدى الاخوات
واخيرا وليس اخرا اتقوا الله عز وجل فيما تكتبون ولا تجادلو بالباطل فينطبق عليكم قول الله عزو وجل (وإدا قيل له اتقي الله اخدته العزة بالإثم فحسبه جهنم ولبئس المهاد) واتقوا الله فيما تكتبون اتقوا الله فيما تكتبون ايديكم ستشهد عليكم في يوم العرض والحساب امام الرحمان فيكون كل حرف كتبتوه في الباطل حجة عليكم والله من وراء القصد والسلام عليكم ورحمة الله وبركاته

[ام قصى محمد]

والله اختى ام روافبدة انا معاك ووالله اعلم بالنيه بس انا مش فهمه انتى متزوجه وزجك مايطلب منك انك تحسسيه انه مميز ما شالله عليه بس مش كل الناس زى بعضهم ولو انك تبى تناقشى ماحد فينا يجراء يغلطك بس والله رجاله تو يبو مراعه خوذى عند انا راجلى يحبنى ديما فرحانه وسعيد ومتزينه ويحب الاجواء الاحتفاليه الخاصه وعشان هكى ما نبيش نخسره ونعانده ونقوله هذا حرام مايجوز والله اعلم ربى راح يحاسبنى عشان نرضى فى راجلى صح مافى اغانى ولا رقص بس اللبس والاكل والتزين ديما مع اوبدون عيد مزيف احيانا بالصدفه تكون اليوم مثلا يصادف اول لقاء لينا ورا خطبتى شرعيه ميه الميه ولله الحمد اول مره جانا الحوش مثلا نحب نذكره انه اول مره يشوفنى كان هذا اليوم واظن والله يغفرلى لو كنت غلطانه انه مش حرام
انا نفسى مانع الاغانى بالحوش وما نرضى بناتى يتربن الا تربيه شرعيه بس الى صير بينى وبين راجلى ما له دخل

[ام قصى محمد]

اخواتى جتنى فكره كل وحده تكتب كيف تعرفت على راجلها وانا راح نبدى
انا راجلى ما نعرفه بكل امه كانت عندنا مناسبه فى الحوش وامى وخاله راجل صاحبات المهم جت معها تبارك لامى وشافتنى رجعت للبيت وحكت لراجلى عليا سالو طبعا وبعدين دزو خالته وهلى سالو عليه وبعدين وافقو وجانى اول مره فى الحوش عشان يشوفنى ويوم المقابله فى الصبح نقولهم انا اكيده مش راح يعجنى وبعد ما شفته وسالونى قالت انا اذا ما خذيته مش راح نزوج بكل المهم قرو الفاتحه على طول وبعدها كانت اول مره يشوفنى من غير حجابى واخلاص راجلى وما قعدنا الا5 شهور وطلع الفرح

[ام لقمان]

السلام عليكم
كيف حالكم اخواتى جميعا
ام روفيده جزاك الله عنا خيرا وجعله فى ميزان حسناتك

[ميمونة]

أم رفيدة بارك الله فيك_بس نبي نقولك شئ/توا أنا أمس عيد ميلادي بكل صدق عمري ماأحتفلت في حوش أهلي بي هالمناسبة بس لانها محرمة نشروا في طورطة بس مش هالموعد_بس لما تزوجت زوجي يبي هكي وقولتله إنها حرام سويت مشاكل قال أحنا نديروها بس با للجو_تغير قصده وتجديد_سواء أعياد ميلادنا أو زواجنا قولي لما الراجل يصر شن إديري ويجيه في خاطره؟

[أم أجنادين 80]

صباح الخير ياحلوين

انا انوافق البنات في رايهم

لما يصر زوجك ماعنش الا انك توافقي واديري شن يحب

[نسرينا]

صباح الخير صباح الخير صباح الخير

كيف حاااااااااااااااااااااااالكم كلكن
ازواجكم واولادكم وبناتكم واماليكم ؟؟
بدون استثناء ....

مناسبات ما شاء الله ربي يهني الجميع ويسعدكم طووووووووووووووول العمر ...