¤ô§ô ~أحلى تجمع حوامل التوأم 2011~ ô§ô

[الياه]

عـــذب

الياه
شخبارك؟ وشخبار الكرشه معاك؟
مشكوره حبيتي عالسؤال
ماشالله عليك صج تهتمين في الكل

أنا الحمدلله رحت موعدي وكل شي تمام
بس اللي ضايقني أن البيبيات واحد منهم راسه فوق والثاني تحت وأخاف يضلون على هالحال

هلا والله عذب، العفوو أفا عليج
حاضرين للطيبين

والكرشة تسلم عليج، والله يستر مادري وين بتوصل
الحين تيليس وياي على الكرسي ههههههههه

لا تضايقين عشان وضعية التوينز
آخر موعد لي كلهم روسهم فوق وعادي
وأنت بعد توج في السابع
أدعي الله في كل صلاة أنه يخلف وضعيتهم
وفي وايد عضوات على آخر الأسابيع
صارت روسهم تحت
إن شاءالله الله يرزقج بولادة سهلة طبيعية
ويهون عليج الطلق


قطرة ندى

مشكورة حبيبتي الياه على الدعوة
وأتمنى الله يرزقني بحمل سليم وقابلة بعطيته سبحانه
سواء جنين أواثنين لكن أتمنى التوأم>>>قنوعة
والله هو الرازق والحمدلله عل عطاياه
المهم أني أحمل واحقق أمنية زوجي وبنتي
الياه مشترياتج وايد حلوة تقطعهم بنتج بالعافية
أنااشتريت لبنتي نفسالمشط اللي بالصورة ونفس اللون أخذته منh&m

العفو حبيبتي، والله يرزقج أن شاءالله
التوأم السليم المعافى
ويفرح زوجك وبنتج بأحلى توينز

وصح كلامج من H&M
فديتهم اليهال يستانسون على هالسوالف
طوول اليوم وهي ماسكتنه وتمشط شعرها



أم سولي

أخباااارج ، وعاش من شاف مشاركاتج أفتقدنى
طلتج الحلوه، ليش ما قمتي تدخلين مثل قبل
عسى المانع خير
وبالنسبة لموضوع الأخت سارة
لا تزعلون عليها
كل أنسان وله ظروفه
ولا تنسون تراها بكرية
عذروها
وأنتظروا الأكشن لو بعد شهر


ماء الزير

هلا بالغايب الحاضر، ماشاءالله الكل يسأل عنج
وأن شاءالله يثبت حملج وتيسر أمورج
وأنا أأيد وجود الخادمة
برغم من أنه شـر ولكن لا بد منه
لأنه ظرووفج تستدعي وجودها
ماشاءالله بناتج ودراستهم وحملج وتعب التوينز كلنا
حاسين فيه
مافكرتي على أقل تيبين وحده باليومية لو 3 مرات
بالأسبوع تخفف عليج شغل البيت
أدعي أنه الله يسخر لج زوجج ويهديه في موضوع
الشغالة
وسلامتج ألف سلامة الغالية

[الأميرة جوري]

المشاركة الأصلية كتبت بواسطة joumana

سلام لكل واحدة حامل بتوأم اني خايفة شوي من فكرة حبلي بتوأم اريد طمنوني وتريحون قلبي

مبروووووووك الحمل الله يثبته ويحفظه لج من كل مكروه بخصوص الحمل بتوأم
شي عادية لا تخافي نفس الحمل بواحد بس التعب مضاعف بس حافظي ع نفسك ولا تجهدي نفسج واااايد ألزمي الراحة التامة ولا تمشي وايد ترى مضر وتغذي اوكي وكلي حبوب الفيتامينات والحديد والفوليك اسيد الي تصرفها لكي دكتورتج ومافيها خوف ولا شي الصراحة الحمل بتوأم شعور جميل لا يوصف. ديري بالج ع نفسج

[الأميرة جوري]

هلا وغلا بأختي اليااااااه شحالج؟ وشحال التوينز؟وشخباااااارج؟

[الأميرة جوري]

الياه
ماشاء الله عليج مهتمة بالكل وكتباتج تفتح النفس يرتاح الواحد وهو يقرأء
الله ينور حياتج ويرزقج على قد نياتج حبيبتي ...

[سآره]

ام سولي الله يسامحك على الكلام اللي كتبتيه

قصة ولادتي طويله وختنا العيال وولدي ينزف من التختين له اسبوع

وانا ادخل مالي خاطر اكتب ضايق صدري الله لايوريكم مكروه في عيالكم ودعواتكم لعيالي ان الله يحفظهم

[دانات]

سلام بنات كيفكم كلكم
بنكي بنكي
تصدقين انا كنت اتابع التبويض ونزلت بويضة والحمدلله تم الحمل وجلست احسب الايام عشان اعدي 6 اسابيع وتشوف الدكتورة النبض لان سبق لي الحمل بكيس فارغ فكان همي النبض
المهم يا عيني شافت الطبيبة وسونار داخلي وقالت فيه نبض قمت استهبل قلت دوري من هنا او هنا يمكن فيه ثاني قالت لالالالالالالالالالالا واحد وقومي احمدي ربك الف الحمدلله
بس ومر الشهر الثاني وفي الشهر الثالث حسيت بثقل وانا موظفة والحكومي ما يعطونك اجازة الا بالنزيف الله يكفينا الشر بس رحت مستشفى خاص بقصد الاجازة وطبعا اول دخول على الطبيبة عملت لي الترا ساوند وطمنتني بعدين لما قلت بسمع النبض تغير وجهها الله يهديها وقالت لحظة طبعا لحظات بس انا لعب فيني الشيطان بالوسوسة قلت لها فيه شي اي مشكلة تكلمي ما احب انتظر .........بدون رد ومركزة في الشاشة وبعدين قمت وطليت وشفت كيس ثاني قلت لها ايش هذا قالت انتي اللي قلتي مو انا وجلست تحوس لين شافت الاخ وسمعت نبضه اثاريه ورى اخوه بالضبط سبحان الله بس وهاتك يا بكا وضحك بنفس الوقت احلى خبر وللعلم لا عايلتي ولا اهل زوجي ما عندنا توائم بس رحمة رب العالمين الله يتمم حملنا كلنا على خير ونشوفه بالف صحة وسلامة
توتة توتة خلصت الحدوتة

[سآره]

غرومه افا ماهقيتها منك انت اول وحده توقعتها تدافع عني ماكان العشم

[الياه]

توقيع

المشاركة الأصلية كتبت بواسطة توقيع
بنات ابرة الرئه لو ضربتها في السادس وولدت في التاسع تضرهم ؟

لا تحاتين ولا تفكرين وتوسوسين بسالفة أبرة الرئة
سألت دكتورتي عنها
قالت ما تحتاجينها إلا في حالة صار لي ولادة مبكرة لا سمح الله
وهي عبارة عن أبرتين يعطونها الحامل خلال 24 ساعة مرتين كل12 ساعة
ومثل ما قالت غروومه أتوقع فترة الأستفادة منها مؤقته
لا تشيلين هم وإن شاءالله ما تربين إلا على التاسع
وما تحتاجينها



ماء المسك

أخبارج ، طمنينا على صحة ولدج وعليج
أن شاءالله ما عليكم شر


malak locy

انا حامل في ثلاثة ادعولي ان الد بالسلامة وانا لسة حملي شهر ونص

يا مرحبا بج
والله يسهل حملج ويثبت لج أجنتج وتقومين بالسلامة


joumana

لا تحاتين ولا تشيلين هم ، والله بيعدي 9 شهور على خير
ويكتب لج الخير
وما شاءالله الكل حوامل بتوينز
وكلنا خوات ونتساعد


أحلى توينز

شخبـــــارج يا عسل
وأخبار العيال والتوينز

[اول غرام]

ماء زير
انا ايدته بموضوع الشغاله
الا في حالتك ياعمري اقولك المفروض انه يجيبلك ع الاقل لين تقومين بالسلامه
شكلك فهمتيني غلط .. او اني خانني التعبير ...

كوفي كلر
الله يكفيك شر كل مخلوق .. وان شاء الله يوقف النزيف
اللهم من ارادها بسوء فاشغله في نفسه واجعل كيده تدميره

بس هي ليه تبي تعطي اخوه الشقه؟؟

[الأميرة جوري]