تجمع حوامل ليبيا

[عيون زوجي]

السلااام عليكم
شن حااااااااااااااااااااالكم كلكم كلكم
هلا وغلا بالغااليات
سوريناااااااااااااااااااااام استحاشتك يا باسله هكي تغيبي اعليا وتنقطع اخبارك ومانعرفش كيف نوصل فيك
حرجااااااااااااانه منك حرجااااااااااااااااانه

[عيون زوجي]

ميمونه,,,كل وسنه وانتي بالف الف خيررررررر
قوليلنا عالهديه وعقبال 100سنه
انا كل عيد ميلاد يجيبلي خاتم ذهب
حاليا عندي 4 خواتم من اعياد ميلادي ليهم ذكرى وبنه غيرررررر
وعيد زواجنا نتعشوا برا ونجيبوا كيكه صغيرة ونكملوا الليله رومانتيك
انا في عيد ميلاده مره هديت موبايل ومرة ساعه
ومرة سمحتله انه يشري كرت الجزيرة الرياضيه
هههههههههههههه
صح بفلوسه بس كنت رافضه ونقول مش لازم
وهداك اليوم فرحته لما سمحتله يشريه

[عيون زوجي]

بوسي حبيبتي هربتي من موعد دكتورتك الاحد الفات
سعدودك باريس باغيي الله الله اعليك يا احلى رومانسيه
شن تشتغلي يا بوسي بالزبط نبي نعرف
وشن يخدم راجلك
ههههههههههههههههههه
قصقاصه بس نريحك
انا ربه بيت وزوجي مهندس نفط

[عيون زوجي]

حكومه كيف حالك انستي
ايه وام سعد وليبيا قلبي هلا بالنوافس الحلوات الامورات
ومبروك اعليكم ما جبتوا
سعودي ماشاءالله اعليه ايجنن
وناريز صغيرونه اتهبل
نبوا نشوفوا اسوله هيا يا ايه قبل اسبوعك حطي الصوره

[عيون زوجي]

عاشقة البازين يا طارقيه يا نسرافه
امتى تتلاقي انتي وزوجك
حاله عايشين بعاد على بعض
انا راجلي يروح ال 5 ونحسه النهار كله فات
حي اعليك هلبه لل 9.30
استاحشتك وماعادش تغيبي هلبه وديري حل للضي عندكم
بالنسبه لعملك عندي خوي طبيب اسنان عنده ايفاد المده يلي فاتت جاب قبول اكاديمي من استراليا من مكتب خدمات
بالك جالكم انتم اممممممممممممم بزنستي في خوي حي اعليك دقيتك

[عيون زوجي]

ام قصي كيف حالك ماشاءالله طلعات هلبه وراء بعض
وخلي الراجل ياخد حقه ولا خليه يحط عينه على غيرك شن رايك
خفتي صح هههههههههههه
الليله خليه يرقد مرتاح خميس والجو بارد وحلوووووووووو وغدوة اوف مش خدمه

[عيون زوجي]

انا لا طهرت ولدي ولا عيني
كل يوم نقول اليوم
اختي ومرت خوي ماشاءالله طهروا اولادهم يوم السبوع مع حلاقة العقيقه
وانا ولدي عزري وقاعد بلا تقلفيط

[طرابلسيه]

غرام غريبه مايقيسلكش في الضغط عالاقل،اني بصراحه درت تحليل سكر الدم حوالي3مرات خلال حملي كله بس الضغط كل مانمشي نقيسه،،
باهي سألك الدكتور عن أمراض وراثيه في عيلتك او عيلة زوجك؟الدكتور المفروض يركز اكثر لو كانت اجابتك ان فيه امراض زي السكري او ضغط الدم او القلب
اني في عيلة بابا يعني عمامي وعماتي فيه السكري هذا علاش طلبوا مني اندير تحليل 3مرات والحمد لله كانت سليمه،،
:
بوسي اني من راي ميمونه أصبري لحد ماتكملي حملك على خير وبعدين ميشي احسن

[طرابلسيه]

هلا عيون شن اخبارك:)

[ام قصى محمد]

سلامات حبيبتى انشالله جمعتكم مباركه
عشوق يسلملى الى يسال عليا الله ما يحرمنى منك وانشالله موفقه بالدراسه بس انشالله ما تأثرش على مشاركتك
ميرنا ياعمرى بالنسبه عشان لما تزورى الدكتوره كلنا تصيرلنا هههههه وانا راجلى زى راجلك يعيط منى لقيت احسن فكره خلى تلاك مفكره واكتبى فيها اسألتك كلها
عيون والله وحده من البنات قاعد مزروعه وما تبى ترقد ولو تشوفى شكله يجدى فيها منظره يضحك
وبعدين امتى طهرى وليدك لما يخش الجامعه حرام تو خيرله
وفكره كرت الجزبره روعه انا كنت نبى نشريله ساعه بس لو معها الكرت راح يكون اجمل
طرابلسيه والله مخططك لعيد ميلادراجلك عاجبنى وانا توا نفذه بالظبط بس انتى شن صار معاك هل الدار تخطر عليهم الثقاله فى الوقت المش مناسب
ميمونه كل سنه وانتى طيبه وانشالله تكون هديه راجلك حلوه
بوسى الحمدلله على السلامه وبس الميش احسن تأجليه مش كويس
ليبيا قلبى مشالله على بنيتك واسمه حلو ربى يحفطها لك
غرام سلمتى ياحبوبه وربى يخليك وما يحرمنى ومنك
تيمو ليبيا اهلاين ومرحبتين
حكومه وسعى بالك وبعدين اى دكتور يعطيكى سنه و6 شهور قبل مش عارفه ليش وصدقينى باهى الى ماحملتى والله انا بهدلت راجلى عريس وكرهته وكملتها عند هلى
توا هو عرف طبعك وانشالله تحملى الشهر هذا وتبشرينا وتحكيلنا عالوحم وفعيله فيك يارب انتى وميرنا وميمونه