¤ô§ô ~أحلى تجمع حوامل التوأم 2011~ ô§ô

[الوان الحياة]

اليااااااه كيفك اليوووووم ان شاااااااااااء امووورك تماااام

[الياه]

هلا والله

ألوان الحياة

يسرج الحال
أخبارج؟ وأخبار التوينز
إن شاءالله أموركم طيبة

[maha8181]

هلا بنات شخباركم ولهت عليكم امس مادخلت النت
لاني كان فيني ضيقه وكابه اعوذ بالله
والسبب
لاني رحت لموعدي وخوفني الدكتور وقالي المويه حول البيبيات كثييييييره حول 9سم وهذا يعني ان ميه بالميه فيني سكر
لانه شرحلي ليش
يقول انه البيبي مثل (الكبير اللي يجيه سكر) يصير يتبول كثيير (الله يكرمكم)وهذا البول يتجمع مع موية الطفل ويزيدها معناها هذي بدايهة اعراض سكر الحمل
وقالي ان هذا الشي يسبب ولاده مبكره لان السوائل تثقل البطن

وانا رحت الموعد مع امي ولان السكر عندنا وراثه بالعايله وامي تحذرني منه من اول الحمل
فقالت للدكتور هي ماتسمع الكلام وهو قام يخوفني بزياده
وقالي انتي مثل بنتي وماحملتي الا بصعوووبه
وانا ابغاك تمسكين حميه مضبوطه واشوفك بعد اسبوعين اذا المويه لسه لازم ابد لك على انسولين
وقالي كلام يخوف يقول انتي اذا وصلتي للاسبوع 28 تقريبا عديتي مرحلة الخطر بالنسبه للاطفال
ويقولي انتي شكلك راح تولدين في الاسبوع 35 وزين اذا وصلتي لهذا الاسبوع وانا اقوله بحول الله وقوته اني بوصل الاسبوع 37 وبيطلعون عيالي معاي

جد خوفني

وانا خفت بنات تكفوووووووون قولولي الاسبوع 35 هذا بالثامن يعني الاطفال يكونون محتاجين حظانه
انا اخاف من الحظانات وهذي السواليف

والحين انا ماسكه حميه صح وبالاحرى خايفه من الاكل وخايفه اني اجوعهم بس السكر ماراح يدخل فمي مستحيييييييييييل خلاص هالمره جد والله يستر

دوخت راسكم معاي بس لاني ماعلمت احد غيركم حتى زوجي ماقلت له لانه بيقعد يلومني ومالي خلق

[الوردة النرجسية]

هلا بنات وشخباركم ويا الثقل والتعب أن شاء الله صامدين.

مبروك سارونة والحمد الله على سلامتك بس ادعي لي ترى أنا من بنات صفك ولا تنسين تكتبين لنا أكشن ..........يارب عقبالي مليت وأنا أنتظر الآلام إلي كنت أحس فيها قبل ويقولون طلوق كاذبة من دخلت التاسع أختفت ما في غير آلام الحوض وثقل.

أول الغرام وكل البنات ما عندكم شيء يجيب الولادة بسرعة مليت دكتورة قايلة أن الرأس الجنين الأول راس تحت من 3 أسابيع وتأكدت اكثر في موعد إلا راح قبل 3 أيام دكتورة سوت ألتراساوند قالت الروس تحت والأول راسه نازل في الحوض بس أنا للحين ما أحس بأي بوادر وأحس بطني للحين ما نزل ونفسيتي تعبانة ابغي أولد تعبت واجد مو قادرة أصبر لا تنسوني بنات من دعائكم.

أسفة على الأطالة عورت راسكم

أتمنى أن أختنا ماء الزير بصحة وعافية طولت غيبتها أتمنى المانع خير .

[maha8181]

الفراشه الجميله
كنت اكتب لك واطمنك قبل موعدي بس الحين انا وياك لازم ننتبه خلاااص جا وقت الجد

دانات
انتي على انسولين الحين وايش قالك الدكتور

ساره
الله يحفظ عيالك يارب لاتطلعينهم عند احد ابدا واقري عليهم ومسحيهم من اثر اللي يجون والله حافظهم طمنينا عنهم وعنك دايما

غرومه
الحمد الله انك تطمنتي على البيبيات وخليك مع السونار هو الاصح

دموع الشوق انتبهي على نفسك وعلى البيبيات وطمنينا عنك

وسلام على كل اللي موجودين واسمحولي نفسيتي تعباااانه
وقاعد يجيني شد عضلي برجولي يالمني مووووت شكله من النفسيه

[الوردة النرجسية]

أختي مها لا تخافين وتوكلي على الله كل شيء بيده هو واسبوع 35 أني الدكتورة قالتي لي قبل اسمونه أسبوع الأمان لان رئه البيبيات أكتملت وأذا الأوزان زينة ما يحتاجون حضانة وحاولي تخففي سكريات مو تحرمي روحك مها بس خففيها لانك بحاجة إليها
أو ما عليك شر

[pink love]

اخت(((( مها ))))الله يعينك عالسكري انا الدكتور خوفني وقال انه يمكن اولد بالسابع بس ان شاء الله اكمل التاسع مع انه اسوي حميه مع الانسولين بس لازال مرتفع الله يعين الجميع آمييييين,,,, انتي ماسويتي تحليل الجلوكوز؟

[pink love]

((((أم ريماس)))) هلا وغلا فيك تنورينا,,,, ومبروك التوأم وعقبال ماتشوفينهم بصحه وعافيه

[الياه]

maha8181

سلامتج ما تشوفين شر،
وأن شاءالله تتبعين الحمية وتكون أمورج طيبة
داري أكلج ولا تحرمين عمرج من الحلو
واستودعي توأمج صبح ومسا وحصنيهم
دوووم، ولا تضيقين بعمرج
والله يعافيج ويحفظج من كل شر


الوردة النرجسية

هلا وردة، أن شاءالله الله يسهل أمرج ويهون عليج الطلق
وتربين طبيعي وتفرحين بعيالج
وطمنينا عليج
بديتي تمشين؟؟!!
المشي يساعد ويريح وايد
جربي بعد ماتمشين في الليل لو ساعة
أو نص ساعة وتاخذين شور شربي ع الأقل ملعقة
زيت خروع، يساعد في فتح النفس
ومايسبب لج أسهال" وأنتم بكرامه"
لأنج بتشربين كمية بسيطة

وإن شاء الله تقومين بالسلامة
وتبشرينا بسلامتج


pink love

هلا فيج، أخبارج؟ عساج بخير
توج في بداية المشوار
الله يسر أمرج ويبارك لج في التوينز
وهالله هالله بصحتج وبالحمية

[pinkypinky]

السلام عليكم امهات التوام الله يقومنا جميعا بالسلامه ويبارك لنا في تجمعتنا هذي
اول شي احب اخبركم اني حامل بتوام وانظميت لكم لان انلا وااااايد حابه استفيد من خبراتكم حول هالموضوووع انا واااايد متخوفه من مساله الولاده المبكره فاذا حد منكم تعرف اسبابها ؟؟؟؟؟ وهل فعلا ممكن تصاااحب حالات الحمل التوامي الطبيعي يعني اللي من الله