تجمع ......... الحوامل ............ (( البكريات ))

[نـ/ـوَورٍَعٌينِهـ]

هإآإآإآإي كيفكمـ

آخبار التعبـ معكمـ؟؟

آنا بعد أسبوع بدخل الشهر الثامن

والي الحين ماجهزت شي للبيبي والله مو عارفه بيش أبدا

آتمنإ الافادهـ


ربي يسهل علينا ولدتنا ..أإأإأإمين

[قمر بنت راشد]

نور عينهـ والله انا لو مكانج ماقدر انتظر للثاااااااااااامن ماشاءالله عليج

انا لو مكانج ماشاءالله ابدي بالثياب ياحبي لثياب البيبيات فديييييييتهم

[امجاد ماجد]

حياكم حبايبي

اممم اي قائمه لتجهيز البيبي؟؟ افيدينا يالغاليه

والله يعينا جميعا

احس اصعب تجربه مريت بها

[توتايه]

الحمدلله على كل شي اهم شي انتي بعيده عن الغرفه

[قمر بنت راشد]

اي الحمدلله

بس البيت كل ريحه

[توتايه]

شوفو حبيباتي اذا كنتو تقمطون الطفل فحضرو 5 قماط بين شتوي وصيفي حسب الولاده
وفانيلات داخليه بدون ردن ونص ردن وردن والاحسن الي تتطبق من تحت من كل وحده 5
واوفرول للبيت وللطلعه من كل واحد 4
وصدرية للحليب في صغار وكبار من كل وحده 4
ومناديل لمسح الحليب عن الطفل صغار 6
ومجموعه بيبي جونسن من شامبو ولوشن وبودره للجسم كلها تكون بعلبه وحده
وسرير للطفل واحد
وفراش اسفنج محمول للخروجات 2
ومفارش للسرير
ولحاف للطفل 2 واذا كانت الولاده شتويه مع بطانيه صغيره للخروجات وكبيره للبيت
ومجموعه من بجامات 6 تكون بنطلون وبلوزه
وشنطه لمستلزمات الطفل
واذا كنتي ماترضعين طبيعي ف2 زجاجه حليب و2 للمويه
وحفاظات للطفل
وكفوف صغيره للطفل الحديثي الولاده حتى لا يخرمش وجهه وهو نايم
وجوراب 4 زوج
وكبوس للراس خفيف اذا كان صيف واذا شتى ثخين 5 كبوس
واكيد مانسيتكم
2 قميص نوم سهل للرضاعه وكمان حسب الجو و2دشداشه فيها ازرار او سحاب لتسهيل الرضاعه
وستيانات للرضاعه خاصه 4
وبودره للجسم تكون ريحتها خفيفه
وعطر خفيف
وفوط نسائيه اكيد واجب النفاس
ومشد للبطن اذا كانت الولاده طبيعي
واندروير سفلي قطنية الصنع
واذا نسيت شي ذكروني انتو من خلال تجارب خواتكم او امهاتكم
ونصيحه اخيره انصح كل المشتريات للبيبي من ملابس انه تكون قطنيه 100%

[قمر بنت راشد]

جزااااااااااااااااااااج الله خير توتااااااايه

والله يسهل لج ولادتج يارب ويقر عينج بشوفه البيبي يارب

[توتايه]

امين حبيبتي ربي يسهل ولادتج ويفرحج بالنونو وتحضنيه وتشميه انتي بأي شهر الحين؟

[نـ/ـوَورٍَعٌينِهـ]

آنا ماجهزتلهـ شي لني مومتحمسهـ

الي الحين مو مستعدهـ انه يكون عندي طفل

[كرميلا]

صباح الخير ..

كيف حالك يانور عينه والله ضحكتيني لما شفت كلامك

ذكرتيني بنفسي انا باقي لي اسبوع وادخل التاسع

وللحين ماني مستوعبه انو حيكون عندي بيبي..

الله يعيننا.. معليش ابغ اسالك باي شهر انتي؟؟
الحمدلله حسيت براحه لقيت احد مثلي هههههههه