¤ô§ô ~أحلى تجمع حوامل التوأم 2011~ ô§ô

ماء زير · 01-15-2011, 05:27 PM

شازل..تسلمين عمري على المعلومات القيمه

اول غرام ..يعطيك ربي الف عافيه على الجدول والله احاتي اذاولدتي من بيستلم المهمه بعدك

ياليت تحذفين الي مايتواصلون معنا لان 3 ارباعهم مالهم حس ولا ندري عن اخبارهم

ويمكن يكونون ولدو

بنات والله كاني حسيت بحركتهم مادري صدق او يتهيالي لابسه كلسيون وضاغط المغاط على

بطني ولاني مدنقه على اللابتوب يبوني اعدل جلستي

عشمانه ..في حملي الثاني ماحسيت بحركه بنتي الا في الشهر السادس يمكن اسبوعين

رحت وسويت اشاعه قالت تتحرك بس يمكن لان مويه الجنين قليله ماحسيتي

بعدين علمت دكتوره الحكومي وسوت لي اشاعه قالت كل شي زين

بنات ..زوجت ولد اخوي جابت توام اولاد الحين دخلو الشهر الثالث وشفتها قبل الولاده باسبوعين

والله كانها حامل بواحد بطنها صغير

وجلست معها يوم الخميس وتحقيق كيف كان الحمل واوزانهم كل واحد كيلوين وشوي

ولاده قيصري لان المشيمه نازله عندها والحين وش مسويه معهم قالت الشغاله ماسكه البيت

من تنظيف وطبخ وانا ماسكتهم والحين ماخذه اجازه من كانت حامل وما بقى الا شهر

وتقول حمل التوام وتربيتهم تعب والله النوم ماعرفه طول الليل سهرانه واحد على رجولي وواحد

على يديني طول الليل يصيحون قلت لها طيب نامي في النهار اذا صارو نايمين قالت تجي بنتي

من المدرسه واقعد ادرسها قلت عطيهم الشغاله قالت اخاف تطفش منهم انا امهم اطفش كيف

الشغاله اصغر بنت عندها 10 سنوات وولد 13 سنه

ادعو ربي يسهل حملهم وولادتهم وتربيتهم

الله يعيننا يارب

حنين خالد · 01-15-2011, 05:43 PM

اللهم صلى وسلم وبارك على سيدنا محمد عدد اوراق الاشجار وعدد مياه البحار وعدد ما اظلم عليه اليل وما اضاء عليه النهار

آهاات22 · 01-15-2011, 06:13 PM

خواتي ابغى استشيركم بحكم اني ضيفة جديدة واني اختكم في التجمع....
اتابع مع دكتورتي كورس تنشيط مع اني خايفة لان عندي اربع قيصريات مع ان طبيبتي سورية في المدينة وعندها قيصريتين وحملت بعدهم توام وشجعتني ..
المطلوب من خواتي يطمنوني فية وحدة في التجمع او من المعارف او الاقارب حملت توأم وعندها تكرار قيصري .. انتتظر ردكم حبيباتي...الله يسهل عليكم...

انت و انا · 01-15-2011, 07:34 PM

الياة
بشري رحتي موعدك؟

انت و انا · 01-15-2011, 08:00 PM

مساء الخيرات
كيف الحاااااااااااااااااااااااااال؟

ماء زير · 01-15-2011, 08:00 PM

اقتباس:

المشاركة الأصلية كتبت بواسطة آهاات22

خواتي ابغى استشيركم بحكم اني ضيفة جديدة واني اختكم في التجمع....
اتابع مع دكتورتي كورس تنشيط مع اني خايفة لان عندي اربع قيصريات مع ان طبيبتي سورية في المدينة وعندها قيصريتين وحملت بعدهم توام وشجعتني ..
المطلوب من خواتي يطمنوني فية وحدة في التجمع او من المعارف او الاقارب حملت توأم وعندها تكرار قيصري .. انتتظر ردكم حبيباتي...الله يسهل عليكم...

اختي استشيري دكتورتك واستخيري رب العباد هو اعلم بحالك

شفت وحده مراجعه عند الدكتوره كانت مسويه ثلاث قيصريات والحمل

الرابع حملت بتوام بس ولدت بالسادس لان المشيمه نازله عندها وهي مارتاحت

ونزل عليها دم واضطروا يولدونها

ربي يكتب لك الي فيه خيره لك

بروفكشن · 01-15-2011, 08:01 PM

هلا بنات شلونكم

آهاات22 · 01-15-2011, 08:39 PM

الله يجزاك خير ياماء زير ورحم الله والديك.....
انتي من المدينة؟؟؟؟ الله يتمم لك انتي في اي شهر ما شاء الله لا قوة الا بالله؟؟؟
يعني مافي في تجمعكم حوامل التوام احد عندة سابق قيصريات؟؟؟؟

الياه · 01-15-2011, 08:58 PM

مساكم خير ونور

أخباركم كروشات عساكم بخير

أنت وأنا

هلا والله أختي ، أخبارج عساج بخير
وكيف التوينز؟؟
مشكورة على السؤال
الحمدلله في حد يسأل عني

تقرير الزيارة
سرت للدكتورة وسويت صورة رباعية
والحمدلله طمنتني، وقالت كل شي طبيعي
وسألتني عن الصورة التفصيلة
قلت لها عندي موعد في الحكومي يوم أوصل الأسبوع 20
قالت الأفضل الأسبوع 22
تكون أكثر دقة وأشمل!!!
واحترت ، تعرفون مواعيد الحكومي مب كيفي
وأكدت على الولادة لازم تكون في الحكومي
عشان الحضانة للاطفال في حالة صار لي ولادة مبكرة
قلت لها في عيالي الحمدلله كله أكمل التاسع وأدخل العاشر وربي بالسلامة
قالت في هالحمل مستحيل، إذا بتوصلين أول التاسع بيكون شي طيب، بس احساسي يقول بوصل التاسع بإذن الله

الله يتمم للجميع، ويرزقهم الذرية الصالحة المباركة المعافاة تامة الخلق والخلق، دون زيادة أو نقصان
ويرزق كل متأخرة في الحمل

انت و انا · 01-15-2011, 09:04 PM

تمام الحمدلله

كويس انك تطمنتي

الله يهون عالجميع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أزياء حوامل 2011 , أفخم الموديلات و آخر موضة ملابس حوامل لعام 2011	ايلاف	الموضة و الجمال	13	10-06-2014 09:07 PM
أزياء حوامل 2011	غلا الشوق	الموضة و الجمال	4	02-08-2012 02:47 AM
ازياء حوامل 2011؟	الحبوبه	الموضة و الجمال	10	02-16-2011 04:07 AM
ازياء حوامل 2011 ملابس حوامل صور حوامل ملابس افضل الملابس للحامل	غلا الشوق	الموضة و الجمال	13	01-02-2011 10:02 PM
أحلى ملاااابس للحاااامل 2011	Mقمة البرااااائهM	الموضة و الجمال	4	04-24-2010 04:38 PM