تجمع امهات التوام حياكم

[ام عدي آل الشيخ]

هلا ..كيفكم يا امهات وكيف كاكيتكم ؟؟
اصبروا يا امهات فأجر تربية التوائم عظيمة .. بس اصبروا ربي يأجركم ان شاء الله .
انا وحده من بناتي مرضت وسخنت ووديناها المستشفى عطاها الدكتور ادوية بخاخ انف ..وخافض حرارة ..ودواء للزكام ..والاخير هذا من تأثيراته انه ينوم ..صراحه رحمت بنتي وصرت ابكي في الليل لانهاصغيرة وما تتحمل المرض ولا تتحمل الادوية ..والحمد لله تعافت بس الحين عادت اختها الثانية الله يكون بالعون .. ابي اسألكم انتم توائمكم احجامهم تساوت ولا باقي تحسون وحده اكبر من الثانية .. انا بناتي اعمارهم 26 يوم بس الى الان احس وحده(ماشاء الله تبارك الرحمن) حجمها اكبر من الثانية ..واللي تسأل كيف تحطهم بالسيارة ..انا ناوية اجيب لهم كراسي البيبي اللي تنحط بالسياره في الخلف صراحه أأمن لهم واضمن لسلامتهم وانا ما عندي الا ولد واحد يجلس معهم وراء ..كيفكم جمانه وزود الغلا ومحجبة والله وحشتوني . معليش انا ما قدرت ادخل اول ما ولدت لان كنت نفاس عند امي الله يخليها يارب .. ورجعت الحين بيتي قلت لامي خليني اروح اتعود على الوضع ولو ما قدرت برجع والحمد لله لي اسبوع ببيتي والى الان قادره اسيطر على الوضع يارب لك الحمد ..انا دخلت النت تفاجأت انه تجمع حوامل التوأم تغير ومسوين تجمع جديد تحسفت صراحة لاني ما قريت قصص ولادة كل اللي كانوا بصفي .. هل في طريقة اقدر اشوف التجمع القديم ولا راحت علي ؟؟معليش طولت عليكم ..مع حبي وتقديري