تجمع حوامل ليبيا

[ليبياقلبي]

اخبار الحمل يا ايوتة الحق قاعدة خايفة يارب نتم التامن ونخش شهري علا خير وسلامة بس قولليه ايوتة جسمي كلا يحك فيا زعما حساسية وتاتر في البببي ولالالا وشن رايك في مياة زمزم نبي نشربها بس زي ماقتلك خايفة قوللي ايوتة البيبي كيف نعرف راسه بدا لوطا انا نمس في بطني من لوطا نحس فيها قاعدة رطبة معناها الراس فوق صح ولالالا وديرت وضع السجود

[ليبياقلبي]

ايوتة حقا وتيتي الصاكو ولا مازال
ميمونة ووووووووووووينك طمنينا عليك شن صار فيك ياغالية

[ميمونة]

أنا حرجانه منكم معقوله لا وحدة كلفت روحها وسألت أنا ديما نسأل تهدرزو ونسيتوني وبالي عندكم علي راحتكم
‏_ليبيا قلبي وام سعد صحيتو عالنشدة والله نزل شوي دم وردي بعدين نزل بني وخلاص ظهري يوجع هلبه وانا توا يوم20بعد الدورة ودورتي 23_1 مازال 12 يوم علي ماأعتقد

[poucie]

المشاركة الأصلية كتبت بواسطة عيون زوجي

بوسي ردي بالك تمشيلها امينه يلي في الاخوة
مشيتلها في بكرتي وكنت في الشهر التاني
خوفتني وطلعتلي ان الحمل خارج الرحم وركبتلي الرعيش عالفاضي
والهنديه مشيتلها بعد ولادتي بحمودي بعد نفاسي باش نطمن عالرحم نظيف
عجبني اسلوبها وهي صغيرونه في الحجم وحبابه

اهلاً عيون نورتي والله انشاء الله الف لابأس على حمودي وسارة
تعرفي والله ماعاد عرفت وين نمشي بس ما دامك قلتي ان د.امينة ما تصلحش وعن تجربتك الشخصية فزاد خوفي منها وخصوصا ان مرات انجيب بالعملية والدكتورة الهندية حتى اني عجبني اسلوبها وعلى قولتك هي تحسيها صغيرة في السن اني هذا السبب اللي خلاني حتى هي انخاف منها شوية لانها صغيرة يعني ماعادهاش هاديكة الخبرة وكان بنتابع عندها بنجيب في السويسري وخلاص يالله ربي يقدر اللي فيه الخير ليا وللجميع انشاء الله وصحيتي مرة ثانية على ردك

[poucie]

المشاركة الأصلية كتبت بواسطة عاشقة الصحراء

مساء الخير ياحلوات ... نسرينا يقبرني الحلو اللي بيحكي سوري ههههههههههههه كيف حالك ؟؟ يارب يارب يارب نفرحوا بيكم قريب وعلى قولة آية احني نفضوا انتو تعبوا ياااااااااااارب.. آية نورتي كيف حالك وانشالله لا باس عليك ردي بالك علي روحك وانشالله يارب تلحقي تكملي حوشك وتمشي للمزين تديري اللي تبيه ... حبل الوصل كيف حالك ؟؟ عيون كيف حالك تشرفت بمعرفتك ... بوسي شن أخبارك ؟؟ بالنسبة للدكتورة الهندية اللي في السويسري ممتازة جدا وتعرفي سبحان الله كان راجلي ينق عليا يبيني نمشي عندها تخيلي لدرجة جابلي حتى سيرتها الذاتية وقاللي شوفي الخبرة والشهادات اللي عندها .وصاحبه الدكتور اللي معاه حتى هو من الهند يشكر فيها بشكل غير عادي .. انشالله ربي يسخرلك وترتاحي معاها .على فكرة اني مامشيتش لأني نبي الخضرا من قبل عند دكتورة منيرة تعرفي ولدت بنت عمي ماشالله عليها أولا وثانياً هو المستشفى في حد ذاته نحبه .والنفسية ليها دور .. وانشالله ربي يسخرلنا الحال يارب.

اهلاً عاشقة الصحراء صحيتي على اهتمامك بموضوعي بالنسبة للدكتورة منيرة اني شخصياً ننصحك بيها تعرفي بصراحة ماشاء الله عليها اني تابعت عندها لما خشيت السادس لاني جبت زي ما قتلك في الخضراء فكانت قمة في الذوق والاهتمام توكلي على ربي وانشاء الله ربي يسخرلك اللي فيه الخير ليك

[poucie]

المشاركة الأصلية كتبت بواسطة عاشقة الصحراء

مساء الخير ياحلوات ... نسرينا يقبرني الحلو اللي بيحكي سوري ههههههههههههه كيف حالك ؟؟ يارب يارب يارب نفرحوا بيكم قريب وعلى قولة آية احني نفضوا انتو تعبوا ياااااااااااارب.. آية نورتي كيف حالك وانشالله لا باس عليك ردي بالك علي روحك وانشالله يارب تلحقي تكملي حوشك وتمشي للمزين تديري اللي تبيه ... حبل الوصل كيف حالك ؟؟ عيون كيف حالك تشرفت بمعرفتك ... بوسي شن أخبارك ؟؟ بالنسبة للدكتورة الهندية اللي في السويسري ممتازة جدا وتعرفي سبحان الله كان راجلي ينق عليا يبيني نمشي عندها تخيلي لدرجة جابلي حتى سيرتها الذاتية وقاللي شوفي الخبرة والشهادات اللي عندها .وصاحبه الدكتور اللي معاه حتى هو من الهند يشكر فيها بشكل غير عادي .. انشالله ربي يسخرلك وترتاحي معاها .على فكرة اني مامشيتش لأني نبي الخضرا من قبل عند دكتورة منيرة تعرفي ولدت بنت عمي ماشالله عليها أولا وثانياً هو المستشفى في حد ذاته نحبه .والنفسية ليها دور .. وانشالله ربي يسخرلنا الحال يارب.

اهلاً عاشقة الصحراء شكراً على ردك بالنسبة للدكتورة منيرة اني شخصياً ننصحك بيها لاني تابعت عندها من لما خشيت السادس بصراحة قمة في الذوق والإهتمام وربي يصخرلك اللي فيه الخير ليك

[ميمونة]

عيون أهلين نورتي ولاباس عليكم

[نسرينا]

خيرااااااااااااااات يا حلوااااااااااااااااات

عيون / حمد لله على السلامة ، والف لا بأس عالصغار وربي يحفظهم من كل شر .

ميمونة الغالية / اممممممم اول مرة تحرجي " والا شكلك تتوحمي علينا " هههههههههههههه
ان شاء الله يارب ، و زي ما قلتلك الدم هذا ما اعتقدش انه دورة متخافيش منه ممكن مر وراء الحجامة وممكن تنظيفات من الرحم وممكن تعشيش البويضة في الرحم ، تفأأأأألي خير ، ومااازالك على الدورة ، انسي الموضوع ....

.

لولي و رجاء و تيمو و ام اسيل و الايمان و ام ردينه

سلامتك بس .

[حنين88]

هاااااااااااااااي يابنات
ميمونة وينك ؟؟؟؟؟؟؟؟؟؟؟؟؟؟ظظ

[نسرينا]

حنين

ازيك يا بت ؟؟

.