¤ô§ô ~أحلى تجمع حوامل التوأم 2011~ ô§ô

[كروشه كووول]

الياء 00 امين الله يسمع منك والله يسلمك انتى كيفيك وكيف البيبي؟

[انت و انا]

المشاركة الأصلية كتبت بواسطة الياه

أنت وأنا

هلا أختي أخبارج عساج بخير
كل ما أقرى أسمج
اتذكر عبدالمجيد،، أنت وأنا ما همنا
سوااالف
أخبار التوينز، وشو صحتج؟؟

كروشة كووول
حيا الله كروشتنا، الله يسر أمرج ويتممه على خير
ويبعد السكر عنج
والله ما عندي فكرة عن الموضوع أتمنى الخوات يفيدونج
توني في آخر الرابع
وبعدني ما سويت تست سكر الحمل
بالعادة نسويه السادس أو السابع
بس مره شافتني دكتورة وقالت لازم يسونه لي
لأنهم توينز والله يستر
ويحفظ الجميع من كل شر

ماء الزير
عساج دوووم على اتصال ووصال ويانا تعودنا عليكم
وصعب نفقد أي عضوة
الله يبارك فيج ويحفظج وين ما كنتي

توينز 2010
يا هلا والله بالماما
شخبار الكتاكيت، الله يبارك فيهم ويعينج على تربيتهم
أنتم السابقون ونحن الاحقون

أول غرام

شخبارج عساج بخير، شوصحتج أن شاءالله أحسن
لا تشلين في خاطرج على ريلج، هو جنتك ونارج
ومثل ما أنت ما تصبرين عنه أكيد هو نفس الشي
بس هو أكيد مفتقدنج ويباج تكونين وياه أكثر
وعلى باله تتغلين عليه بسالفة التعب والحمال
وسعي صدرج، وراي عكس الكل
مع احترامي لكل رآي
ما انصحج تخلينه من الحين
إلا أذا كنت تعبانة حيل
وتحتاجين إلى راحه
لأنه لو يلس بروحه من الحين لين ما تربين وبعد النفاس؟؟
يعني 4 شهووور؟؟؟
كيف يهون عليج تخلينه، صدقيني لو خليتيه
عقب ما ترجعين بتشوفين وااايد أشياء أختلفت
عليج ويمكن تحسفين
في النهاية أنصحج بالاستخارة
وماخاب من استخار
والله يسر لج الخير دوووم

وااايد تفلسفت

هلابك ياعسولة--تمام الحمدلله مدري لي يومين معي دوخة(خايفة لايكون سكر)

انتي اخبارك وكيف التوينز؟


هههههههههه-خذي راحتك هالتجمع للفلسفات اللانهائيه

[ماء زير]

مرحبا الياه &انت وانا..اخباركم

ربي يتمم على الجميع بالصحه والعافيه

تصبحون على خير

[الياه]

ماما قلقانه
لا تخافين أن شاءالله ما عليج شر
حركت التوينز بتكون أكثر
والله الحافظ لهم من كل شر
تصدقين نفس الهاجس أحس به
مع اني بعدني ما حسيت إلا بحركة بسيطة تحت
وفوق
الله يتمم حملج على خير

كيري
هالله هالله بعمرج، وداري صحتج عشان سلامتج
وسلامة البيبيات

أم سولي
تسلمين على السؤااال وعساج ماتفقدين غالي أبد
بسم الله عليج أحس في خاطرج الحمل ، الله يكتبة لج
عاجلا غير آجل
بنسبة لسؤالج، أحس الأفضل لج تابعين في مصر
لأنج مجربه علاجهم هناك
والله يسعد فؤادج بالحمل السليم المعافى
وكل محرومة
يارب العالمين

[الياه]

أنت وأنا

	هلابك ياعسولة--تمام الحمدلله مدري لي يومين معي دوخة(خايفة لايكون سكر) انتي اخبارك وكيف التوينز؟ هههههههههه-خذي راحتك هالتجمع للفلسفات اللانهائيه

بسم الله عليج، ما فيج إلا العافية لا تهوجسون بالسكر
" من كثر ما تطرونه" أخاف أهوجس مثلكم
باجر بإذن الله عندي موعد الصبح
وأول سؤال بسأله الدكتورة عن تحليل السكر

لا تربطون الدوخة بالسكر لها آسباب ثانية
أرهاق أو تعب أو هبوط بالضغط
أو عدم أنتظام في النوم أو نقص في الهمجلوبين
أو الحديد أو قلة تغذية!!!!
على قولة أخوانا المصرين
"اللي يخاف من البع بع يطلع له"
ما عرف المثل صح أو خط السموحه من خواتي

وينج يا عشمانة
لج وحشة ما التقيت وياج
عساج بخير وسلامتج من الصداع
ولا تستعجلين على الحركة بكرة بتقولين لنا
طفشت من كثر ما بناتي بيلعبوا كارتيه
الله يحفظهم ويحفظج من كل شر

[الياه]

دموع الشوق
طمنينا عليج ، شو صار على موعدج
أن شاءالله صحتج وصحة التوينز تمام

فوفو الأمورة
الله ييسر أمرج ويبارك بأهلج ولا يحرمج من كل غالي
توني أشوف مشاركتج
النوم غطى عيوني، السموحه
حبوبة لا تستعجلين على البطن الكبير، تراها مب ميزة
ويختلف من وحده والثانية، حسب بنية الجسم
المهم انج مطمنه على التوينز، ودام صحتهم طيبة
لا تشغلين تفكيرج بالحجم
والسموحه

أحلى توينز2011، طوق الياسمينا، ماء المسك
فرحتي بتوأمي ، توتة الحلوة، دانات، روعة ن
وكل الخوات الحاضرات الغايبات
لا تحرمونا طلتكم

[الياه]

كروشة كول

	الياء 00 امين الله يسمع منك والله يسلمك انتى كيفيك وكيف البيبي؟

الياه وليس الياء
جلبتي كياني من نجم في السماء
ألى آخر حرف من حرووف الهجاء

يسرج الحال حبوبة
باجر بإذن الله الصبح عندي موعد
وإن شاءالله تتكرم الدكتورة وطمني على التوينز
" لأنه المستشفى الحكومي مايعطونه وجه"
على حسب مزاج الدكتورة
وعقب برد لدوامي، ما أقدر أغيب من الحين
أدخر غيابي وتطنيشي للشهور الأخيرة

[الياه]

تصبحون على سعادة
تصبحون على راحة بال
تصبحون وأنتم بقرب أحبابكم



وأحلام وردية يا حلوين

[زود الغلا]

فرحتي بتوامي ......... الله يفرحك فيهم ان شالله انا صارلي مع بناتي نفس الشي بالضبط تضخم في حوض الكلى من السابع بين معاي في الكليتين عند بناتي الثنتين وبالتاسع صار حجمهم طبيعي لا تخافين بس اقري على بطنك والله يحفظهم.
وقالي الدكتور هذا شي يصير باغلب الحوامل بس بعض الددكاترة مايقولون الا اذا كان حجمه مو طبيعي وبس وتصير بالاولاد اكثر من البنات.

[عذب]

أهلين زود الغلا
مبروك ماجبتي ويتربون في عزك
حبيت أسألك كيف تفرقين بين بناتك؟