ديوانية البحرين - دردشة حوامل البحرين - البحرينيات

[طفلي حياتي]

ههههههههههههههههههههه انا لله وانا اليه راجعون قسما بالله وانتين تتحجين قلبي منقبض لكن ماتقدرين الا تنكتين
اني بقول لش قصتي كنت بكتبها ونجفت من شوي ريلي يتجهز للنومه وتوه بيستسلم للنوم الا نسمع عمتي تعيط نازل السكر عليها ويفز مره وحده وهو خايف عليها المهم عبلناها وصارت المره زينه....دخل الريال يبغي ينام وراه امتحان وي على عمري كسر خاطر كنت على النت الا يناديني رحت له الا يقول ذبحني الجاثوم مرتين تغط عيوني واطفر ... قمت اقرا عليه وعدلت وساده ومسحت عليه وغفت عيونه وينقز مره ثالثه من الجاثوم اني خفت عليه كسر خاطري(( ماكاني وقت القهر شسمه))
عاد رحت يبت قرآن وقلت له قوم وعلدت وساده وقلت له استرخي في نومتك ولا تفكر في شي وقمت اقرا عليه واصلي على النبي (ص) والحمدلله رب العالمين اكو نام
ام خليل انتين غلطتين يوم الياهل يخاف من القطو وتخلينه ينام هذا خطأ لازم تقومين تسكرين الدريشه وتهشتين القطو وتخلين الياهل يطمأن مو ينام وهو خايف
ماعليه شر ان شاء الله
وبالنسبه للشباحات ويش اسوي في عمري 9 نيوبورن لاتضيقين خلقي انزين ما اكشخها الشهر الاول على الاقل ماعليه تالي اخشهم لنصره ختها مافيها شي خخخخ
يعني هبله حدي اني لو مشتريه من 0-3 ع الاقل قمت لش اشيل في نيوبورن
والفساتين راعيت لعمرها والجو طبعا :) اله يبلغني يارب مبلغ خير وسلامه وياكم

[طفلي حياتي]

وبناء عليه كتبت اللي اقدر عليه المهم نوم العوافي

[بنوتة حلوة]

ويش الأحوووال ؟؟
اجوف في اشياااء جديدة.. بقوول ليكم في الشهر الثامن تنزل عليكم افرازات بيضا شفافة كأنها ماي بس يعني تنزل نفس لما تنزل الدورة شوووية بس سائلة مو لزجة ..؟؟؟؟

[om khalil]

صباح الخير ياحلوات

طفلي ماتشوفون شر يختي، ريلش ياه الجاثوم اكيد ماكل ونايم على طول، وجان خليتينه ينام على جنبه مو على ظهره، لانه ان نام على ظهره انجثم عليه بعد وي. اللهم صل على محمد وال محمد وترى الياثوم ماهو يني مثل ماهو دارج ، هذا شلل النوم على قولتهم، الجسم مستعد للنوم بس الدماغ بعده ما استعد.. ماعليه شر ان شاءالله خبرة اني في الياثوم الله لايعيده.

قاعدة من غبشه لروحة الحمام عزش الله وقلت ايود روحي مانايمه ان نمت ماقمت. قلت اطل اسلم عليكم، ولا عليش التسع نيوبورن بيلبسهم ان شاءالله طفلش بالعافية وبينخشون للي عقبه ان شاءالله.

وخلي اني ماصدقت قال بنام لاني كنت حدي بانام تعبانه بس وقتها راح النوم بس الحمدلله مانومته الا عقب ما تطمن انه راح القطو وانه صكينا الدريشة. الحين بسندرني اسبوع ماما تفتين الدتو ههههههههه

بنوته مادري يختي بس اعرف انه كلما زادت الشهور تزيد الافرازات وتتغير.. سلامتش الف سلامه..

شمس ان شاءالله ماتطلين علينا الا بخبر ولادتش بالسلامه ان شاءالله

أحلام أم شخبار الوالده الغالية ان شااءلله صارت أحسن؟


يالله باقوم امشي سلامي لكل الحوامل والوالدات بعد كل باسمها الله يبلغنا مبلغكم بالسلامه يارب..

[أحلام أم]

هلا ومرحبا صباح الخير أم خلــــــــــــــيل
أوووووه طلعتين خبر في الجاثووم وتحللين أعراضه وسببها الله يبعده عن الكل ،أني عانيت منه الله لايعوده صومعني وخصوصا وأني صغيرة بعيد الشر
أي قطو إللي في دريشتكم عفر يبى يصادقش مسكيين وطردتينه ألحيين ماله إلا يحارسش كل يوم صوب دراام الخمام هههههههه
الوالدة الحمدلله صحتها أحسن حبيبتي وبس تحاتي الماتم يوم ثاني الوفاة تنصبه وتقول إشتروا تتن وتشرح ليي عن وحدة في الديرة تبيع تتن وكأنها تشرح في خرابه خلف الله كأني مولودة في المريخ ماعرف أحد إنمحت الذاكرة من هذاك الوادي ،يارب اليوم يقولون ليها برخصه
اليوم عندي موعد في الفاتح كل حين أنجف عن الروحه والله يستر وتطلع تحاليلي زينه وهيكي فيي نومه عدل إنجان ماأسمتها نومه ههههههه

[أحلام أم]

شمس الصباح
يارب تطليين وتبشرينه بأعراض الطلق بدت ،ربي يسهل عليش حبيبتي وتقوميين بالسلامه

[شمس الصباح]

صبااااااااااااااااااااااح الخير

لازم أصبح عليكم كل يوم علشان لما أولد تفتقدوني

ام خليل انتي عندش القطو وحنا عندنا الكلب ولدي بس يخاف من الكلب وكل ما قرب موعد ولادتي يدلع ازيد ويلصق فيني والدمعته جاهزة

احلام ام اني زينه مااااااااااافي اعرض غير

ان دبتي من امس تطالع الأرض نازله مسكينه مستحيه حتى زوجي من يشوفني بس يضحك تقولين فليم كوميدي شايف ومن امس الصبح عندي افرازات مثل زلاال البيض بس اليوم خف والم الظهر يضربني الحين على خفيف بس في وسط الظهر عكس قبل والبنوته من أمس حركتها خفت بس اعراض الطلق الحقيقي اللي يقصف الظهر ماااااااااافي

واحاول اطنش الألم ولا اشوف التاريخ علشان لا انقهر لاني طولت كاني اول حمل لي مو ثالث حمل يالله هانت اذا ولدت اكيد بقول ليكم بس اول الأيام ما راح تشوفوني وخصوصا لان بنفس نفسي بنفسي غير الضيوف والأمتحانات بس من احصل فرصة راح تشوفوني ابشركم

يالله اذا رجعتين من الفاتح طمنينا اني بروح اسوي مجبووس دياي للغداء وقيمة للعشاء حياكم معانا

[أم حماني]

صباح الخير

[Roze]

صبااحكم عسل
استفسار توت توت

من اخر افلونزا ضربت عليي صادتني كحه مي راضيه تفففج هل تأثر الكحه على الحامل خصوصا انهي قويه واحس بطني ينخض وياها؟؟؟؟ ويش اسوي دابحتني دباح امس واليوم هالسعله قابعه جبدي :(.

[حبيبة حسوني]

صباح الخير حواملنا وامهاتنا الجميلات
شخباركم ويش اخبار النونوات؟؟
سوري اني هالجم يوم مادخلت تعبانه حدي
بصراحه صدق اكثر شهر متعب التاسع
شمووووووسه الله يسهل عليش وعلينا يارب