إستفسار عن توسيع المهبل في الولادة الطبيعية

[كآدي]

بنات سمعت ان اللي تولد للمره الثالثه ما يوسعو لها ولا يخيطوها
<<<<<<<<<<<<< اجل وش لون بروح بيتي بعد الولاده وانا متوسعه 10 سم <<< مرعوبه طيب زوجي كيف ! بيعافني

بنت خالي تقول انا ما وسعو لي لان هذا الولد الثالث

<< مصيبه
فيه احد جرب او خواتكم جربو وش الوضع ؟
لان هذي ولادتي الثالثه ومره خايفه

وانا بلاساس معي نفسيه في هذي المنطقه من ولاتي الثانيه
جاني الطلق وما مداني اروح للمستشفى اللي اتابع فيه ولدت اقرب مستشفى في المنطقه حكومي
وتحسبو الله معي عليهم
يوم بداء يطلع الراس وتاخذ الممرضه المقص وتوسع والله اني نقزت من بين يديهم
من الم القص وارفع راسي واقولها هآآآآآآآآآي اوجعتيني.. الجنين وقف ما عاد طلع لاني توجعت من قص المقص والطلق وقف والراس ماسكته الممرضه ويصارخون حولي
ما عاد سمعت شي يقولون لي لا تدفعين لا تدفعين واقول كله منكم خرعتوني با المقص وجعتوني وابكي
وشوي الحمد الله رجع الطلق واسمع اصواتهم يصارخون الحين يا الله ادفعي
والحمد الله ولدت
عاد مولدني مصري حسبي الله عليه حساب نوح على قومه
ويسحب الكرسي عقب ما نظف وطلع المشيمه يبي يخيط وياخذ الابره ويدخلها
وانقز من بين ايديه يقول وش فيك ... قلت يووجع يوووجع حرام عليك حط بنج
والممرضه اللي معاه فلبينيه رحمتني وتاخذ علبه البنج ويقول لها لا لا تحطين
والله اني مع كل نغزه انقز نقز من حر ووجع الالم وهو ولا كنه يشوفني اصيح وبعد كل هذا العذاب ما خاطني زين والله من كثر ما نقزت (والله تعذبت )
وابكي ومن عقبها جتني نفسيه في هذا المكان حتى زوجي بعد ما طلعت من النفاس تعذب معي
وانا الحين خايفه ما ابي احد يلمس هلمكان مدري وش لون بولد

لاني خايفه يعذبوني فيه مثل ولادتي اللي قبل

الاسئله اللي ابي اجآبتها

هل يوسعون للحامل في الولاده الثالثه ؟
هل يبنجون المنطقه العجان قبل التوسيع لتسهيل خروج الطفل؟
وهل يبنجون اثناء الخياطه ؟
من تجربتي الخياطه البكر غير خياطه في الولاده الثانيه ؟ طيب ليه ؟؟

والله يسهل عليكم ويتتم حملكم ويسعد كم ربي ويجزاكم الله خير على كل حرف تكتبه يديكم لي
فديتكم

[بذخ~]

والله يا عسل انا بكريه توني ..
بس خالاتي كلهم يخيطوهم بكل الولادات الثالثه والرابعه .....
في حالات يكون الراس صغير فما يحتاج توسيع ..

انتي ادعي ربي يسخرلك الدكتورة الفاهمة وربي يسهل عليك

[روح البنفسج]

حبيبتي انا لسه بكريه ما جربت
بس اللي اعرفه ان الرحم هو
اللي يتوسع 10 سم مو المهبل
وهادا طبعا يرجع بعد الولاده يضيق
صح يكون في فرق عن اول بس
تقدري مع الوقت ترجعيه ضيق
و المفروض انك تفرحي اذا ما احتجتي
توسيع وطبعا هادا يعتمد على حسب
المنطقه عندك وحسب حجم راس الجنين
يعني يتحدد وقت الولاده ...
اذا ما احتجتي لتوسيع في ولادتك
بتكوني مرتاحه من الم الخياطه والغرز
وتقدري تضييقي المنطقه بعد كده بعدة طرق
تلاقيها في النت و تقدري تسالي البنات
وهم يدلوكي عليها .... ربي يسهل علي وعليك
و يقر اعيننا برؤية اطفالنا سالمين ومعافين

[ساهرة]

هل يوسعون للحامل في الولاده الثالثه ؟
انا مثلك هاذا حملي الثالث بس الي سمعته من الكل حتى بسادس يخيطون ويوسعون :)
هل يبنجون المنطقه العجان قبل التوسيع لتسهيل خروج الطفل؟
وهل يبنجون اثناء الخياطه ؟
طبعا اكيد يبنجون قبل توسعه واثناء الخياطه لازم اصلا ....
من تجربتي الخياطه البكر غير خياطه في الولاده الثانيه ؟ طيب ليه ؟؟
لا ماتفرق انا بلاثنين مثل بعض
الله يسهل عليج وعلينا :)

[غيمة بيضـاء]

حبيبتى التوسيع وشق العجان يكون على حسب كبر راس الجنين

يعني اذا كان راس الجنين صغير ممكن تولدين بدون توسيع

وبه حريم يوسعون لهم حتى على الطفل الخامسوها يرجع لظروف الولاده

[كآبتشينو]

هذا ثاني حمل لي .. والله خوفتيني بكلآمك الله يعيييييين ويسستر بس

بس اللي اعرفه انهم اذا وسعو اكيد يخيطون بالبنج بعد ..

انا ماعندي ذيك الخبره .. بس اتوقع قريبتك اللي مآخيطو لها اكيد انها ماحتاجت توسيع

والله يسسسهل علينا وعليك وع كل الحوامل يارب

[زهــــور]

حبيبتي اخواتي يولدون بمشفى عام ويطليبون خياطه

وحده عندها 3 والثانيه عندها خمس اطفال

لاتخافي ياعسل اطلبي خياطه واذا مشفاك كويس انتي تقولي الدكتورات

حبوبات قولي لهم بنجوني واكيد مااراح يشتغلو فيك بدون بنج

بس انتي خواافه اخواتي يطلبون بنج وينامون دقايق بس
تقول مااحس بشي بس اخر مره احس بشد الخيط اخر غرزه

[!~¤ حياتي لك ¤~!]

<<< اول مره تعرف انه في خياطه غير اول مره


وربي خوفتوني


انا صحيح بكريه لسى ماجربت بس على خبري انه بس مررره يخيطو للبكريه بس للي تولد اول مره


اما في الثاني والثالث الخ ...

خياااااااااااطه ؟؟

وربي شيء يخووووووووووووووووووووووووف

والله ما اقوول غير ربي يسهل علينا ويتمم حملنا على خير يارب يارحييم ..

[لوووورا]

ياعمري ادعي ربك الله يسخرلك كل مافي المستشفى يارب

[سموةالجرح]

امممم على حسب احتمال يوسعون واحتمال لا أنا بولاداتي لاااااااازم يوسعون احسهم يستهبلون

طيب ليه ماتسوين خياطه تجميليه ياورد