ديوانية البحرين - دردشة حوامل البحرين - البحرينيات

[om khalil]

يو أذن ولا أدري بالدنيا من غولة اليهال
اشوفكم على خير ان شاءالله ولا تنسونا من الدعاء وماجورين

[أحلام أم]

شمس الصباح
يمكن غازات أكيد غازات إشربي مرقدوش إشوي وكثري من الماي وماعليش شر
طفلي حياتي
صادقة خيوو باقي نمشط حلم المديرة
أم خليل
الحمدلله يوم خليل خف ،ويش إنسوي وياهالأنشطة والمشاريع المدرسية لووعو جبدنه ،كل مادة لازم مشروع لوتقرير حتة الحاسوب ،أطفش وأقول ماأقدر أسوي شي طلباتهم تعجيزية ،مسكيينه بنتي تصيح تقول ماما ويش أسوي،أحاول أهرب لاكن وين ماليها إلا أني بس واايد ألحيين أتعب اللأول أهر وأشكل وأسوي مجسمات وشلخ بس ألحيين ماأقدر أتصلب ،على عمري تترجاني وتصيح هالمعلمات مسويين ليهم رعب الله يرعبهم يقولون إللي ماتسوي بنحط ليها صفر

[بنت الأياويد]

السلام عليكم ، شخباركم ومشكورين كلكم على تعليقكم على صورة بنتي وعقبال ماابارك لكم وحدة وحدة بضناها سالم غانم قولوا آمين ، شمس انا قبل بأسبوع من الولادة صادني غازات في بطني على صوب وكان الصوت عالي يفشل حتى زوجي يقولي هذي من تحت ولا من فوق الصوت تفشلت ههههههههههه بس كان يتغشمر وخبرج غشمرتهم ثقيلة ، شمس الله يعينج طلق البنيه يملل يروح وايي مايي على طول انا كان اييني الم ورحت فحصوني من تحت تقولي انفتحتي واحد سانتي وبعدين قالت لي عادي اي وحده تدش شهرها طبيعي تنتفح واحد سانتي بس ماتوسعت الا يوم حطولي الطلق الصناعي والله يهون عليج ان شاء الله لان من مواصفاتج حق الالم صادني نفسج بس كان يروح وايي وكنت اقول حق زوجي حلاته يستمر عشان افتك واولد ومازاد الالم الايوم وداني ممشى دوحة عراد خلاني امشي كيلوين وكل ماكنت امشي كان اييني الم ويرد يروح حتى السيارة ماكنت اقدر اقعد فيها او اذا في حفريات كنت اصرخ من الالم

[شمس الصباح]

مشكورة ام خليل والله هالغازات تفشل صوت عدل مثل ما وصفتي بس الحين اكثر ومثل ما قالت بنت الأياويد من سبوع تقريبا زوجي سمع الصوت الا يقول هذة بنتش من الحين تطلع اصوات بس هاليومين زيادة الصووت قوي

احلام ام عادي اشرب مرقدوش ما يصيدني شي لاني ما اعرف في هالسوالف

ااااااااخ بنت الأياويد كل ما اذكر اشكثر انتي عانيتي اقول شكلي مطوله اسبوع الجاي ولدي الصغير عنده كل امتحانات مسكين قعدت ادرس فيه اليوم بطوله وبكرة شكلي علشان لو الله كتب وسهل على يكون هو يعرف كل الدروس مسكين يقول ماما ان شاء الله ما تولدين هالسبوع انا عندي امتحانات من يدرسني

[Um Amal]

مرااااااااااااااااااحب للجميع ..
مأجورين بهذه الليلة ..

بنات حبيت أستفسر منكم عن عشبة نصحتني بها وحدة من صديقاتي ..
"عشبة كف مريم" ..
من تعرف عنها شي ؟؟ أو في أحد جربها قبل وسهلت عليها ولادتها ؟؟

[حنين للماضي]

السلام عليكم

شخباركم حبايبي؟؟؟

شموس طول اليوم اجين في بالي
ربي يسر ولادتش وتقومين بالسلامة

بنت الاياويد فديتها هالقمر
الله يحفظها ان شاءالله من كل شر

حبيبة حسوني لا تسوين جدي مو زين ليش حبيبتي
حطي في بالش عقب كل هالتعب بجي فطومة القمر وبتحملينها وبتبوسينها وبتملي حياتكم كلها فرح في فرح ان شاءالله
يلا حطي الصور ما جفنا شيء

واخيراً كملت من شنطة المستشفى لي ولعلاوي وشنطة بيت ابوي لي وله
بصراحة طلعت روحي قلت جان زين برزتهم من الثامن
الثقل حده كريه في الشهر التاسع والنفسية زفت
دمعتي على باب خدي بس اجود روحي
خلصوا اموركم كلها في الثامن


يلا بنزل لكم صور توزيعات ولدي اله من السنين وعدتكم احطهم لكم
المزهريات فيهم حرز الامام علي بن ابي طالب عليه السلام والباقي اله عليهم فرو داخلهم قرآن

[حبيبة حسوني]

الاااااااااااااااي يجننون توزيعات علاوي
الله يسهل عليش وتفرحين فيه حنونه
وصور فتومتي القمر برتبهم وبصور بقايا الاشياء وبنزلهم مره وحده

[حنين للماضي]

المشاركة الأصلية كتبت بواسطة حبيبة حسوني

الاااااااااااااااي يجننون توزيعات علاوي
الله يسهل عليش وتفرحين فيه حنونه
وصور فتومتي القمر برتبهم وبصور بقايا الاشياء وبنزلهم مره وحده

مشكورة حبيبتي
واذا برز الستاند بحط لكم الصور بعد
ترى اني شريتهم من بره ماسويت عند ام زينب
بس خذيت منها الستاند

صحيح كنت بطلب منش طلب
ان شاءالله اذا ولدت بطرش ليش مسج \ابيش تخبرين بنوتات المنتدى اذا ماعليش كلافة
لأن بروح بيت ابوي وهناك ما في نت يعني بغيب مدة عنكم

[حبيبة حسوني]

المشاركة الأصلية كتبت بواسطة حنين للماضي

مشكورة حبيبتي
واذا برز الستاند بحط لكم الصور بعد
ترى اني شريتهم من بره ماسويت عند ام زينب
بس خذيت منها الستاند

صحيح كنت بطلب منش طلب
ان شاءالله اذا ولدت بطرش ليش مسج \ابيش تخبرين بنوتات المنتدى اذا ماعليش كلافة
لأن بروح بيت ابوي وهناك ما في نت يعني بغيب مدة عنكم

بالعافيه عليه وعليش حبيبتي
افا عليش حبيبتي تامرين امر غاليه والطلب رخيص الله يقومش بالسلامه واولد عقبش يارب ادعي ليي عاد موتنسيني
وبالنسبه للتوزيعات اني قلت مابسوي كنسلت لانه ماشالله عائلتنا واجد واجد بعطي من ولا من ومامبي احد يزعل فمابسوي احسن بكبر للحين باقي عليي اغراض ماكملتها ببديهم احسن لاني اسبوع الجاي بدخل التاسع
الا بسالش حنونه شريط الحمل يحسب لينا التاسع 35 و4 ايام ادخل التاسع والمركز يحسبون 36 اسبوع اني امشي على الشريط الصراحه ومايندرى ايهو الصح ؟؟؟

[أحلام أم]

مأجوريين بوفاة الإمام السجاد
شمس الصباح
المرقدوش عاادي تشربه الحامل أني المرقدوش ماأستغني عنه بس هالمرة أخذ أبر مسيلة للدم في الحمل وماأشرب أعشاب أخاف بس بكل حملاتي أشرب المرقدوش وماء الحيج لإلتهاب الأبوال إذا خايفة لاتشربينه بس هوعاااااااادي كلش عن وجع البطن والغازات وروحي عند الحواج وبيقولش عاادي في الحمل أني أتصل بحواج الكامل إللي صوب القدم
حنين للماضي
رووووعه توزيعات علاوي ربي يجيبة بالسلامة