تجمع حوامل ليبيا

poucie · 12-27-2010, 02:50 PM

انشاء الله الف لابأس على الوالد يا نسرينا وربي يحفضهولكم انشاء الله

ღॐ آية ღॐ · 12-27-2010, 03:33 PM

اقتباس:

المشاركة الأصلية كتبت بواسطة نسرينا

الله يسلمك ويبارك فيك ام سعد

وربي يسهلك و يسرلك ولادتك يااااااااااارب

اية اية اية اية

الثريا اللي حاطة صورتها ...

عندي منها زوز في الصالة

لكن اني واخذتها من طريق عرادة ،، فيها محلات حلوووووووووووووووووة وارخص بهلللللللللللللله لما جيت نشري لقيت فرق هلبه هلبة

امشيلهم وشوفيهم

في حاجات حلوة وفرق في السعر

نسرينا الحمد لله على سلامة الوالد
وان شاء الله الف لابئس عليه
....
وبنسبة لي محل التريات وين في عرادة بزبط ؟؟؟
وبكم خديتوها لو قعدة تتفكري ردي عليا بسرعة بسرعة بسرعة ...

ليبياقلبي · 12-27-2010, 03:45 PM

شن اخباركم وخيرا ماقيش حد رد والف سلامة علا والدك نسرينا والحمد لله علا سلامته
بنسالكم انا دكتوري قالي البيبي مقعمز ميتغيريش وضعه بكل

أم سعد · 12-27-2010, 03:47 PM

أهلين ليبيا ... لالا يتغير انتي تمشي شوية مش هلبه

انتي في أي شهر بالضبط

تيمو ليبيا · 12-27-2010, 04:01 PM

السلام عليكم الف لاباس علي نسرينا وربي ايزيده من الشفي يارب

ღॐ آية ღॐ · 12-27-2010, 04:13 PM

اقتباس:

المشاركة الأصلية كتبت بواسطة ليبياقلبي

شن اخباركم وخيرا ماقيش حد رد والف سلامة علا والدك نسرينا والحمد لله علا سلامته
بنسالكم انا دكتوري قالي البيبي مقعمز ميتغيريش وضعه بكل

ليبيا بنسبة لي وضع البيبي مزال عندة فرصة يتغير حتى الاسبوع 36
بس كتري من السجود واتمشي شوية لان المشي ينزل الراس للحوض
ام عن عدم وصول الدم للمشيمة وعدم قيام المشيمة بمهامها فا في هادي الحالة مفروض تراجعي اسبوعياً حتى يطمن الدكتور وراقبي حركة البيبي لو قلة او نعدمت أولو حسيتي بمغص امشي لطوارئ فوراً هدا الي قدرت نفيدك بيه .. ديري بحت في قوقل عن قلة ماء الجنين وان شاء الله رح تستفيدي اكتر ..

ام اسيل · 12-27-2010, 04:56 PM

اقتباس:

المشاركة الأصلية كتبت بواسطة الايمان

وين يابنات في حد متواجد ان شاء الله لا باس عالمريض ولي على وشك الولادة تدعيلنا
ولي مشتا قة ربي يرزقها
وينك يا ام اسيل شن صار في رقم العيادة
شنو رايكن في عيادة اهليس ومبروكة زوبي بيش تنصحوني وشنو تكاليف الزرع ارجوكن ردن عليا معاش في وقت ودبينا راجلي طارب

اهلين ايمان
0925110964
هذا رقم العيادة بس مرات مايدوش حسب جوهم
وتكاليف الزرع في عيادة الامل 1500
بس هذا خاطي العلاج والابر حسب الحالة والسن والوزن يعني حدود 2000 اكثر شوية او اقل شوية
وربي يرزقكك ويعطيك من واسع فضله

راجيه فرج ربها · 12-27-2010, 06:19 PM

السلام عليكم ورحمة الله وبركاته

الله يبارك الكم كلكم يارب في اعماركم الحمد الله لقيت ثريات ماشاء الله عليهم في النوفليين طبعا الحبوبه ام سعد تقريبا دلتني عليهم الله يبارك في كل من اشار عليا المهم راجلي كسر رجليا من المشى تصورن من بدايه محل الثريات على رجليا لعند الحايس دهاب واياب يبي يشعفني نقول بنتمشي لكن لقيت حاجات روعه واسعارها معقوله والله ماحفضت اسماء المحلات وفيه محلات دايرا تخفيضات حلوه والله ياسموحه بالدات لما جيت لمحل ماما واصله حدي قلت لراجلي ارفعني على باريله ماعاش نقدر وكله ماشعفت امس قالي عندي دوره في طرابلس قلت له وراءك وراءك مطرح ماتروح رغم اني للان نعاني من الرياضه القصريه الي مارستها في النوفليين لاباس على بوك يانسرسنا ولاباس عليك ياليبيا ولاباس على وليدك ياحبل وليكم مني اجمل الامنيات بااحلى اللحضات في رحاب الله

رجاء2 · 12-27-2010, 06:22 PM

السلام عليكم ورحمة الله وبركاته
خير يابنات كيف حالكم
عيون .....شكرا وبارك الله فيك
نسرينا ....لاباس على الوالد وانشاء الله ربي يشفيه
ليبيا...... لاباس عليك وتوكلي على الله
حبل الوصل...... لاباس على اوليدك بعيد السؤ انشاء الله
ام سعد........وحشتيني ....
ام اسيل ... شكراً على السؤال .. تو انقولك سبب الغياب
انا ليا 3 ايام ماحكيت امعاكم بس كنت انخش ونقرا في اخباركم

أم سعد · 12-27-2010, 06:34 PM

أهلين رجاء وين كنتي مغطسة خيرك لاسلام ولاكلام؟؟