تجمع حــوامل التوائم

[maha8181]

الياه حبيبتي مشكوره على الرد
والف مبروك زود الغلا
اول غرام ماقصرتي حبيبتي على الرد

سوسو جهدك واضح والله يعطيك الف عافيه والتجمع من دونك ضايع ِ

[maha8181]

المشاركة الأصلية كتبت بواسطة طوق الياسمينا

صباح الخير بنات
كيف حالكم وش مسوين مع التعب الله يقومنا كلنا بالسلامة
بنات فيني كحة مع بلغم الله يستر واخذ ادوية مضاد اموكس من تعرف عنة شئ عساة مايضر الحمل

مضاد حيوي اسمه اموكسيل هذا عادي للحمامل وغير مضر انا عطوني اياه بالرابع وقالولي 7 ايام خذته 3 ايام ولما صرت زينه وقفته
اقري الوصفه الللي مع الدوا مكتوب امن لللحامل
والله يشافيك يارب
ويسهل علينا

[maha8181]

لن أيئس الله يرزقك يااااااااارب
جربي اطفال الانابيب والله يوفقك

[ليال العيد]

السلام عليكم كيفكم كروشات

[ليال العيد]

مافي وحدة اسولف معاها

[دموع الشوق]

هلا وعليكم السلام
كيفك اختي ليال انشاء الله بخير
بنات انا رحت موعدي البارح الحمدلله طمني الدكتور على وضعي
وقال لي استمر على الادويه الدفستون والتحاميل المثبته والكالسيوم والحديد
بس ماقال لي نوعهم كل مره يقول مايبان استني الى الاسبوع الجاي يعني لمتى؟

[الياه]

مساكم أمطار رحمة
الجو رهيب، عندنا
اللهم أجعلها سقيا رحمة
اللهم اسقنا غيثا مغيثا مريئا،نافعا غير ضار
عاجلا غير آجل
اللهم اسقنا، اللهم اسقنا، اللهم اسقنا

كروشة كووول
ثانكس على رد ، الله يريحج دنيا وآخره
والله يثبت حملج، ويفرحج بشوفة التوينز

ماء الزير
هلا أختي الله يثبت حملج ويفرحج بضناج
صح كلامج بالنسبة للفتيمنات مايوصفونها
إلا على الشهر الرابع

المذهلة
الله يطمنج على حملج ويثبتة أن شاءالله يكون توأم
وتنضمين لأحلى تجمع


طوق الياسمينا
سلامتج ما تشوفين شر، إن شاءالله صحتج أحسن اليوم
وبالنسبة لمكان التوأم بالغالب يكونون جنب بعض وفي الشهور الوسطى بتحسين بحركتهم أكثر ويوم يكبرون شوي
بتميزين الحركة

ماء المسك
حمدلله على سلامتك، والله يطمنج على التوينز دوم
ماء شاءالله عرفتي جنس التوينز
شو نوعهم؟؟
الله يبلغج أياهم وهم بصحه وعافية

[الياه]

أول غرام

	الياه اخبارك واخبار التوينز..؟! ياوخيتي انا امووووووووت بالرمسه الاماراتيه ... ماروم عليها ... شرايك تعطيني كورس ..؟! اما فكرتك ماااااااااااااااره حلووووه ... بس خساره احس حجمهم كبير الحين ع التصوير .. يعني يادوب كل واحد لحاله .. ودي كلهم مع بعض على ان زوجي يدخل معي يشوفهم ... ويقول صاروا واضحين انهم توأم البنت تضرب الولد .. بس نا مااشوف شي يمكن عشاني منسدحه .. الزياره الجايه بخلي زوجي يصورهم للذكرى ...

هلا حبوبة، شو صحتج؟ كنت مزكزمة أن شاءالله اليوم أحسن
وإذا تبين تتعلمين رمستنا، حاضرين للطيبين
ما طلبتي أفا عليج، من عيوني.. باخذ راحتي في الرمسة
ولو مافهمتي شي بوضح لج كل إللي تبينه
بس أحيانا" أخاف أنه الخوات ما يفهمون علي
أرمس بالفصحـــى
أنا ريلي للأسف ما يدخل وياي دوم
بحكم أنه دوامه في العاصمة وما أنشوفة إلا في الويك أند

ومشكورة حبيبتي على التوضيح الحمدلله ماعندي مشاكل أبد
وما أولد إلا عقب ما أخلص التاسع
بس الدكتورة يوم أكتشفت أني حامل بتوينز، عطتني كل هالأدوية وخوفتني بعد كله ممنوووووووع
ممنوووع ممنوع
وآخر زيارة قالت لي استمر على المثبتات لين الخامس
والله كريم، وإن شاءالله الله يحفظنا والتوينز من كل شر
دعوااااتج الطيبة


ورود من نور
إن شاءالله المشاركة الياية تكون بدون كرشة
الله يهون طلقج ويقومج بالسلامة أنت والتوينز
وتبشرينه بسلامتج

سارة
عسى ماشر، الله يبعد الضيق والهم عنج
وبالنسبة لنبض عادي صدقيني لأنج حامل بتوأم
تحسين دقات قلبج تزيد
وليش ما تسألين دكتورتج وأطمنج أكثر
وإن شاء الله ما عليج شر

بشري شو سويتي في موعدج؟؟؟
أن شاءالله طمنتج الدكتورة على صحتج وصحة التوينز

[الياه]

ماء المسك

	اخواتي انتم خبرتو بحملكم انا بصراحة مخبر ت ناس كثير يعني على شوي شوي ولاا بصراحة دايمن لما احمل يعرفون من الشهر الثالث او الثاني وطبعاً مش عارفين ان معاي تووم ابغاها مفاجئه

أخبارج وأخبار التوينز اليوم؟

مثلج ما أحب أخبر أي حد هلي طبيعي أول الناس بعد ريلي أكيد

بس اللي عندي في الدوام ما أحب أخبرهم بحملي الأول
عرفوا يوم وصلت الخامس أبد ما كان مبين كرشي
وحملي الثاني غيرت مكان دوامي وماشاءالله عليهم
يعرفون أني حامل من عيوني، كيف ماعرف؟؟؟
وهالحمل
من أول شهر كنت أحس بخمول وثقل مب طبيعي
وحدة أول ماشافتني قالت أنتي حامل!!!
صدمتني ماشاءالله عليهم حريم مافي شي يطوفهم
إلا يعرفون حوا وعروقها
وطبعا أنا في الرابع وكرشي كأني في السادس
ويوم يعلقون علي أقولهم كان فيني كرش
بس أبى أبعد العين عني
والحمدلله الحين في أجازة مرتاحة من عيونهم
بس دوامي عقب أسبوع والله يحفظنا من أعين الأنس وأنفس الجن
لأنهم صدق عيونهم حاره ومايرحمون أحد
كله عندهم قيل وقال
الله يحفظنا ويرحمنا برحمته

صح مافي أحد يعرف أني حامل بتوأم

إلا ريلي ومره كنت وايد تعبانة وسرت الطوارئ الصبح
وأضطريت أشل خدامتي خفت يستوي فيني شي ومحد عندي
والدكتور فرحان يبشرني بأني حامل بتوأم
حسيته فرحاااااان من الخاطر، وأنا في خاطري أسكت لا تفضحني
وأول ما طلع الدكتور على طول قالت: مدام أنت في أثنين حلفتها أنها ما تخبر حد والله يستر من عيونها ومن لسانها بعد

ما تلاحظون ردة فعل الدكاتره كل ما يعرفون أني حامل بتوينز

يصدون وهم مصدومين وفي عيونهم فرحه واستغراب

واااايد سولفت عليكم

[جوهرة الماس]

متى عرفتو انكم حاملين توأم وايش الاعراض اللي حسيتوها قبل ماتعرفون انهم توأم