ديوانية البحرين - دردشة حوامل البحرين - البحرينيات

[دمع الحنين]

مشكورة اختي الفتاة الذهبية
ماتقصرين

ان شاء الله ارجع بعدين او بكرة واشوف اذا في احد رد علي ولا لاء


يالله مع السلامة

[حنين للماضي]

المشاركة الأصلية كتبت بواسطة دمع الحنين

مشكورة اختي الفتاة الذهبية
ماتقصرين

ان شاء الله ارجع بعدين او بكرة واشوف اذا في احد رد علي ولا لاء


يالله مع السلامة

السلام عليكم
حياش الله اختي بيننا وان شاءالله تواصلين معانه وتبشرينا بالاخبار السارة

للاسف ما عندي اي خبرة بالنسبة لاستفسارش بس اللي اعرفه ومتأكدة منه ان التغذية السليمة والكمية اللي تاكلينها تأثر على نمو وصحة الجنين
اذا كنتي من النوع اللي كلش اكلش قليل المفروض الحين تزيدين كمية اكلش وعدد حصص اليومية يعني مو بس تعتميدن على الوجبات الثلاث

واولاً واخيراً لا تنسين التوكل على الله ثم التوسل بأهل البيت وان شاءالله ربي يحفظ جنينش ويقومش بالاسمة بحق رضيع الحسين (ع)

طمنينا عليش


شموس اغراضش كشوخي ماشاءالله
ان شاءالله في الايام القادمة بنزل لكم صور جم بدلة بعد

مأجورين جميعاً
نسألكم الدعاء

[بنت الأياويد]

السلام عليكم ، رجعنا لكم مع معاناة الام الي مايندرى متى بتنتهي ، دمع الحنين حياج الله بين خواتج ، عليج بالتغذية الزينة وفي حبوب يحتوي على معادن وفيتامينات وكالسيوم كلها في نفس الحبة يعني مايحتاي تاكلين شي غيره اسمه اليفيت وينباع في الصيدلية انا دكتورتي الي في العيادة كتبته لي واحس ماشاء الله زين لي وحق الياهل وينأكل بعد وجبة الافطار واذا قدرتي راجعي عن الدكتورة نفسها منى الشرقي وايد زينة واسعارها رخيصة بعد وربي ايسر امورج واتمنى ان شاء الله اني فدتج ودعواتج لي ان الله ايسر اموري

[شمس الصباح]

المشاركة الأصلية كتبت بواسطة بنت الأياويد

هلا والله طفلي ، فلونة صج للحين ماعرفت شنو فيها وروز من زمان مادخلت ولا ام حماني ، شمس بسألج عن اخر مفرش من مذركير اي فرع؟ لاني شفت ازرق بس

اخذته من فرع المنامة

المشاركة الأصلية كتبت بواسطة دمع الحنين

السلام عليكم يا حوامل البحرين

شخباركم وعساكم بخير واطفالكم الحلوين بخير وياكم

توني مشتركة في المنتدى وقلت اجي اسألكم لأنكم اكيد بتفيدوني


اني حامل في الشهر السادس
ومن يومين كان عندي موعد وقالت لي الدكتورة ان البيبي مو قاعدة تنمو في بطني ومن اخر التراساوند (قبل اسبوعين) ماتغير حجمها ومانمت :(

وغير ان حتى وزني ماتغير من بداية الحمل للحين غير 900 غرام

وتقول خلال اسبوعين اذا ما زاد وزني ولا زاد وزن البيبي وما تغيرت قياساتها بتحولني للسلمانية

اني خايفة وما ادري شنو اللي لازم اسويه والكل قاعد يضغط علي عشان اكل بس ما احس اني حتى لو اكلت واجد بيتغير وزني او نمو البيبي
في احد مر بنفس حالتي؟؟ وتقدرون تفيدوني باي نصيحة؟؟

ما أقدر أفيدش وايد بس اني قالو لي ان وزني من السابع الي الثامن ما زاد وان الجنين وزنه ناقص بس خليت كله على الله ومثل ما قالت ليش حنوون لازم تأكلين عدل علشان يزيد وزنش لان البيبي يحتاج تغديه حتى لو ما تبغين تأكلين حاولي تاكلين فواكة معجنات اشياء خفايف مو لازم تركزين على الوجبات الثلاث وخلي وجباتش مقسمة بين فترة والثانية اخذي تفاحه خيارة وانتي تمشين اكلي فيها وان شاء الله خير وطمنينا عليش

والمداومة على قراءة زيارة الامام الحسين ودعاء علقمه يوميا وايد زين للحامل ولا تتركين القراءن الله يحفظ الجميع من كل شر


حنووون مشكورة وانتظر في الأيام القادمة الصور


احلام ام ما دخلت اليوم ان شاء الله صحتها زينه وراحت الماتم

[شمس الصباح]

اَلسَّلامُ عَلَيْكَ يا اَبا عَبْدِاللهِ، اَلسَّلامُ عَلَيْكَ يَا بْنَ رَسُولِ اللهِ(السَّلامُ عَلَيكَ يا خِيَرَةِ اللهِ وابْنَ خَيرَتِهِ) اَلسَّلامُ عَلَيْكَ يَا بْنَ اَميرِ الْمُؤْمِنينَ وَابْنَ سَيِّدِ الْوَصِيّينَ، اَلسَّلامُ عَلَيْكَ يَا بْنَ فاطِمَةَ سَيِّدَةِ نِساءِ الْعالَمينَ، اَلسَّلامُ عَلَيْكَ يا ثارَ اللهِ وَابْنَ ثارِهِ وَالْوِتْرَ الْمَوْتُورَ، اَلسَّلامُ عَلَيْكَ وَعَلَى الاْرْواحِ الَّتي حَلَّتْ بِفِنائِكَ عَلَيْكُمْ مِنّي جَميعاً سَلامُ اللهِ اَبَداً ما بَقيتُ وَبَقِىَ اللَّيْلُ وَالنَّهارُ، يا اَبا عَبْدِاللهِ لَقَدْ عَظُمَتِ الرَّزِيَّةُ وَجَلَّتْ وَعَظُمَتِ الْمُصيبَةُ بِكَ عَلَيْنا وَعَلى جَميعِ اَهْلِ الاْسْلامِ وَجَلَّتْ وَعَظُمَتْ مُصيبَتُكَ فِي السَّماواتِ عَلى جَميعِ اَهْلِ السَّماواتِ

مأجورين

يمكن بكرة ما اقدر ادخل لاني بكون في الماتم والعصر اذا الله كتب بروح استمع لكلمة الشيخ عيسى قاسم حفظه الله
فلا تحاتوني

[بنت الأياويد]

خبر عااجل : في الجريدة كاتبين ان السلمانيه الطبي مسكرينه من تاريخ 15 - 24 ، يعني بالله عليكم وين اولد انا شالحظ الردي حزة ولادتي سوو صيانه بس انا الي اعرفه ان جناح 410 يديد توه مسويينه والحين كاتبين مابياخذون الا الحالات الحرجة والبقاية يتوجهون حق مستشفى جدحفص او المحرق عشان ماتصير زحمة

[شمس الصباح]

بنت الاياويد لا تخافين مستشفى جدحفص معاملتهم وايد زينه والمستشفى هدوء والوحده ترتاح مو مثل السلمانية تجيب ضيقه النفس الله يسهل عليش

[دمع الحنين]

المشاركة الأصلية كتبت بواسطة حنين للماضي

السلام عليكم
حياش الله اختي بيننا وان شاءالله تواصلين معانه وتبشرينا بالاخبار السارة

للاسف ما عندي اي خبرة بالنسبة لاستفسارش بس اللي اعرفه ومتأكدة منه ان التغذية السليمة والكمية اللي تاكلينها تأثر على نمو وصحة الجنين
اذا كنتي من النوع اللي كلش اكلش قليل المفروض الحين تزيدين كمية اكلش وعدد حصص اليومية يعني مو بس تعتميدن على الوجبات الثلاث

واولاً واخيراً لا تنسين التوكل على الله ثم التوسل بأهل البيت وان شاءالله ربي يحفظ جنينش ويقومش بالاسمة بحق رضيع الحسين (ع)

طمنينا عليش


شموس اغراضش كشوخي ماشاءالله
ان شاءالله في الايام القادمة بنزل لكم صور جم بدلة بعد

مأجورين جميعاً
نسألكم الدعاء

مشكورة اختي والله يحييش

ان شاء الله بكون وياكم على طول واكيد اكيد بطمنكم على بنيتي الله يجيبها بالسلامة

والحين صار لي يومين قاعدة ازيد من اكلي واني فعلا مع إني اكل بس بعد يعتبر أكلي قليل وعلى قولة امي مو أكل مرة حامل

وان شاء الله أهل البيت (ع) ما بيردوني خايبة في هالأيام

[أحلام أم]

المشاركة الأصلية كتبت بواسطة شمس الصباح

احلام ام ما دخلت اليوم ان شاء الله صحتها زينه وراحت الماتم

السلام عليك ياسيدي ومولاي ياأبا عبدلله تقبل مني هذا السلام من بعيد أقصى وأني عليلة محرومه من تعزيتك ياسيدي حبيسة لجدران بيتي وشاشة التلفاز اللتي تنقل مراسم العزاء لك يامولاي وإبن مولاي وإبن مولاتي وقد أضعفنتني علتي وتكالبت أوجاعي لتكون سدا قوي يمنعني عن خدمتك ياريحانة الزهراء الحزينه تقبل عذري وإشفعلي عند الله في قضاء حوائجي ياغريب كربلاء بحق إبنك العليل
شمس الصباح
مأجورة خيوو وشكرا لسؤالش عني ،بعدي في حالتي وكأنه عين وصابتني من هلت العشرة كل يوم فيي شي والوجع مو طبيعي ،إتمنيت الليلة أطلع وعالجت روحي بكل شي ينعتونه لي ورحت بيت أبويي وياليهال وأني ماأقدر أفتح وأنافخ من حساسية خشمي والعطاس ووجع حلقي الملتهب والنيران إللي تطلع من جوفي وبس زوجي نزلني متفائله بروحت الماتم إلا زاد حدة ألامي ويرجعني أخويي البيت والدمعه في عيوني ماحسيت بالناس والعشرة بس ليلة سابع بالغصب الله يعودنه بحال أحسن من هالحال أجمعيين

[دمع الحنين]

المشاركة الأصلية كتبت بواسطة بنت الأياويد

السلام عليكم ، رجعنا لكم مع معاناة الام الي مايندرى متى بتنتهي ، دمع الحنين حياج الله بين خواتج ، عليج بالتغذية الزينة وفي حبوب يحتوي على معادن وفيتامينات وكالسيوم كلها في نفس الحبة يعني مايحتاي تاكلين شي غيره اسمه اليفيت وينباع في الصيدلية انا دكتورتي الي في العيادة كتبته لي واحس ماشاء الله زين لي وحق الياهل وينأكل بعد وجبة الافطار واذا قدرتي راجعي عن الدكتورة نفسها منى الشرقي وايد زينة واسعارها رخيصة بعد وربي ايسر امورج واتمنى ان شاء الله اني فدتج ودعواتج لي ان الله ايسر اموري

هلا اختيمشكورة الله يحييش والله يسهل عليش ان شاء الله وتولدين بالسلامة ولادة سهلة ميسرة وتقر عينش بشوفة البيبي يااااا رب

الحبوب هذي نفسها اللي استخدمها وهي فعلا واجد زينة بس الظاهر الخلل في تغذيتي نفسها وبعد اسبوعين اذا ما تغيرت قياسات البيبي بيحولوني عشان يجوفون هل المشيمة تغذي البيبي او لا لأن الخلل يا مني او من المشيمة واني فعلا فعلا اتمنى يكون الخلل فيني ويتعدل بالأكل ولا تكون المشيمة تعبانة

واني حاليا اتابع في مستشفى الكندي عند الدكتورة فضيلة النجار احسها واجد زينة بس اكيد اذا لاسمح الله طلع في شي لازم باخذ راي دكتورة ثانية وبخلي منى الشرقي في بالي