ديوانية البحرين - دردشة حوامل البحرين - البحرينيات

[طفلي حياتي]

المهم حبيباتي بقوم الحين وادعوا لي من قلب ان مافيني شي وهالرطوبه عاديه وجنيني سليم الله يقضي حوائجكم بحق محمد وآل محمد
في امان الله

[شمس الصباح]

المشاركة الأصلية كتبت بواسطة um amal

ما رديتون عليي عن لبس الأسود ..
وبالنسبة لثياب الأم .. بيجامات شلون شكلهم .. الأفضل للرضاعة ؟؟
وعن صدرية الخاصة للرضاعه .. من يحس إنها مهمة .. ومن عنده إنها مو مهمة ..
أنتظر ردكم ..

بالنسبة للون الأسود أعتقد عادي تلبسين ملون

اما بخصوص الملابس اني اخذت بدلات عادية مخمل لاني بولد في عز البرد

بخصوص حمالات الرضاعه اللي يريحش يعني مو ضروري وهم ما يختلفون عن الحمالات الثانية غير انهم ينفتحون من صوب الحلمة يعني تحافظ على الصدر ثابت مكانه بدل ترفعين وتنزلين تسهل عليش الرضاعه

[Um Amal]

مشكورة شمس الصباح على تعليقش ..
بس اللي فهمته منش ان عادي ما البس الأسود واجد .. حتى وان كان في شهر صفر!!

"طفلي حياتي" .. صلي على النبي , وإن شاء الله كله خير بجاه القاسم (ع)

[حنين للماضي]

السلام عليكم
شخباركم دباديب؟؟؟

شموس عاد قبلش ماتوقع راح اولد
أني دورتي غير منتظمة نهائياً من جدي على حسب السونار يقولون متأخر الحمل اسبوعين والعلم عند الله
بس ان شاءالله نولد سالمين ونجوف عيالنا بين ايدينا
عاد قولي لملوك تتأخر شوي عشان يطلع علاوي مادري ميثمي قبلها يمكن ينعجبون ببعض ماتدرين
تصدقين ملاكي حددده عجيب بالعجمي
دلعيها ملاكي وخلاص

طف طف الرطوبة اذا كانت الكمية قليلة وبس صار رطوبة في الملابس الداخلية الامر حده طبيبعي
اني بعد يصيدني ساعات
على العموم الافرزات تزيد في الاشهر الاخيرة لاتحاتين
وعلى طاري النغزات اني بعد كان يصيدني
توكلي على الله ولا تخافين حبيبتي

بنوتة شخبارش حبيبتي؟؟؟
ان شاءالله صرتي احسن

بنت الاياويد خليني اهاوش شيوخة يمكن تخاف مني وتطلع هالكتكوتة القمر

ام جعفر حبيبتي كلش ماعندي خبرة ولا سمعت احد من قبل نفس حالتش من جدي مارديت عليش

الذهبية شخباارش رفيقة ولادتي ان شاءالله؟؟؟
دخلاتش قلت واااجد هالايام
ترى لاتغيبين هالكثر توحشينا نوعاً ما

احلام ام الله يتقبل منكم ويقومش بالاسمة ياااااااارب
يلا عجل سوي لنا دورة عشان نجي نتعلم منش

باجر عندي موعد في المستشفى خاطري بسرعة اروح واطمن على ولدي
اني بعد احس روحي بستجن كلحين اطلع ثيابه واقعد اتحجه بروحي
جان ما اجن ويتغربل هالولد فيني

[حنين للماضي]

المشاركة الأصلية كتبت بواسطة um amal

مشكورة شمس الصباح على تعليقش ..
بس اللي فهمته منش ان عادي ما البس الأسود واجد .. حتى وان كان في شهر صفر!!

"طفلي حياتي" .. صلي على النبي , وإن شاء الله كله خير بجاه القاسم (ع)

حده عادي حبيبتي
اني مالبس سواد اله بس في العشرة واذا بطلع عقب العشرة البس الوان بينة غامقة يعني
المهم الحزن في القلب حبيبتي
اني عندي لو ماتلبسين اسود افضل
يعني احس مو حلوة اجونش الناس اهنونش بالمولود وانتي لابسة اسود

[Um Amal]

مشكووورة على ردش "حنين للماضي" ..
للحين ما كملت أغراض البيبي .. بعد باقي له بساطات ما اشتريت .. ولا السوالف البسيطة مثل القصاصة والمشط ..
ولا لي إشتريت ولاشي .. أنتظر تخلص عشرة محرم وتالي أكمل ..

"أني موعدي بعيد شوي في السلمانية"الفاتح" تاريخ 23-12"

[طفلي حياتي]

السلام عليكم
مــــــــــــــــأجورين
اني الحمدلله اذا ارتاح اصير اوكى لكن هاليومين عندي الم في فخودي قوي وقاعد يزيد حتى القعده تعورني مادري ويش هالسالفه بعد هو من الحركه والقومه والقعده هالايام لو ويش مادري
بلاوي

[طفلي حياتي]

وين النااااااس
مافي الا رفيقة دربي ولا يت للحين اني رجعت من وقت البيت تعبانه حدي لكن مابنام اعرف روحي القعده تتعبني

[بنوتة حلوة]

هلااا خيووو .. أحاجيش واني اسمع صوووت الهوااا برررااا ياعلي واااجد قوووي ويضرب في الاشجار والنخيل والوقعة اللي برااا ,,

اني الحمدلله أحسن بس نوع الا بلاعيمي مو قادرة منهم .. اكتشفت لأني اعتمد في التنفس على الحلق يعني الخشم الريدي مسدود من الزكام من جدي كله فاقة الحلق واتنفس بصعوووبة من جدي بلاعيمي تشلخوووا خاصة احين هواا بارد بعد .. :( ومافي حل شكله ,,

رجلي كله يطالعني ويقول ليي كاسرة خاطري ومادري ويش احس روحي مسكينة لأن على اقل حركة اقوم وانافخ وغفصتن قايمة عندي كأني راكضة كيلومتر ... يالله بقت ليلتين للتسموع والله يبلغنا ونعزي الزهرااا بالحسين عليهم السلام وان شاءالله نوفي .. نسوي اللي نقدر عليه بعد كل شي ولا اهل البيت عليهم السلام ..

طفطف على طاري الرطووبة اني كلللله رطوووبة عادي يعني ثيابي الداخلية ابدلهم واجد لأن كله افرازات صفرة وسااعات فجأة احس شي نزل واطالع الا اشياء بيضااا بس تبقع يعني عادي لا تحاتين شكله شي طبيعي اهم شي اللون مايكون اخضر او شي غامق يعني الله لايقول ..

بنت الاياويد متى بتولدين ترا تمللت,, يالله يمكن بتي تتشجع وتطلع بعد اجوفها واجد ترفس تحت هالايام ناوية نيتن شينه شكلها .. مافيني شدة اولد في السابع لكن ..

كل اللي سالوا عني مشكورين ماتقصرون :(
والله يبلغكم في ولادكم ان شاءالله ,, والله يهدي بتي ان شاءالله .. تحب النقزة هالسعيدة ,,

[بنت الأياويد]

صباح الخير شخباركم كلكم ، حنين يبيلج تهاوشينها مو راضية تطلع ، بنوتة كريهه النطرة انا بعد تمللت بس شكلها تتغلى الاخت ومستانسه على الدفوة في البطن، امس صادني ألم وحسيت انه طلق لان ياني من الساعه تسع وكان بالضبط كل خمس دقايق يروح ويرد يرجع لي الساعه 12 وعقبها رقدت بس كان اييني ألم ومن شوي قعدت عشان اصلي الفجر ريولي ماقدر امشي عليها من الالم الحين مفكرة اني ماداوم اليوم الجامعه احس بييني طلق اهناك لان من امس احس ان فيني طلق احس روحي مو طبيعيه