تجمع حوامل ليبيا

أم سعد · 12-13-2010, 12:21 AM

الله يسلمك

والله الفترة هذه نسقد غير في المسافرين

مرت خوي مشت لأهلها في بريطانيا يوم الخميس

ويوم السبت خوي مشي لألمانيا

وغدوة أمي وبوي ماشيين للأردن

ام اسيل · 12-13-2010, 12:49 AM

اقتباس:

المشاركة الأصلية كتبت بواسطة عيون زوجي

حبل الوصل للحكة اغسلي بغسول اسمهla fame
وكريم مهبليcanstine vaginal cream
ولو حسيتيها قويه لازم تمشي لدكتورة باش تعطيك حبوب مضادة للفطريات(انتي فنقيanti fungi
زي الفلاجيل كويسات بس لازم استشارة طبيب

حبل الوصل لاباس عليك وهاتي وذنك راهو عيون مسيبة الصيدلة من زمان ونست الدكترة من زمان اني وقظتك افطني بالك تديري دوا تلقي روحك متحولة شي حاجة افطني

ام اسيل · 12-13-2010, 12:53 AM

ميرنا جديات وحشتينا يانوارتنا
نبي نقولك انا كان عندي هرمون الحليب 144 وخذيت حبة كل اسبوع اسمها دوستيكس مش متاكدة من الاسم المهم الحبة بعشرة جنيه ومن اسبوع حللت لقيته 17 انا فبل ناخذ في الدوا متاع حبة كل يوم باردويل بس هضا الدكتورة قالتلي احسن واجد

عيون زوجي · 12-13-2010, 01:13 AM

اقتباس:

المشاركة الأصلية كتبت بواسطة ام اسيل

حبل الوصل لاباس عليك وهاتي وذنك راهو عيون مسيبة الصيدلة من زمان ونست الدكترة من زمان اني وقظتك افطني بالك تديري دوا تلقي روحك متحولة شي حاجة افطني

ههههههههههههه
واعلاش تفضحي فيا

ليا مده ماجربت في حد حاجه

خلي نجربوا في حبل الوصل

ونديروا اختبار ذاكرة

مشي حالها كويس هادي يلي نبوه

تحولت لمخلوق ثاني

حتى هذا انجاز واكتشاف علمي

ههههههههههههههههههه

عيون زوجي · 12-13-2010, 01:14 AM

سلامتك يا ام اسيل
الحبوب اسمهم دوستنيكس
مع اني مسيبه الخدمه من سنين هههههههههههههه

عيون زوجي · 12-13-2010, 01:16 AM

ام سعد ..انشاءالله
زي ما تودعوا تلاقوا
ويروحوا بالسلامه
مرت خوك ليبيه ولا انكليزيه
وخوك مسافر لالمانيا اي مدينه سهفني
وامك وبوك سلامتهم انشاءالله
////قصقصه اندايركت////

عيون زوجي · 12-13-2010, 01:21 AM

عرفتها الجبنه صحيتوا
جبنه عكاوي (جبنه معمل) منقعه ليله تامة في اميه وتتغير اميتها مرتين وتصفى كويس
وجبنه موزاريلا تتنقع ليله تامة وتتغير اميتها مرة وحدة
ونعجنوهم مع بعض
وعجينه الكنافة
كنافة مفرومه او شعيريه محمصه
عجينه الكنافه تتقطع او تفرم ونسقوها بالسمن او الزبدة
وتتطرح نص او 3/4 كميه الكنافه في طاجين مدهون بالزبده
ونحط اعليها خليط الجبنه
ونضغط على الجبنه بفوطة كوجينه نظيف باش نتاكدوا انها جفت من الميه
ونصب بقيه الكنافه فوق وندخلها الفرن لين تتحمر
نخلوها ترتاح 10 دقايق
ونقلبها ونشربها بالشراب
ونزينها فستق مجروش
وتقدم ساخنه(اهم نقطه)

ام اسيل · 12-13-2010, 01:21 AM

اقتباس:

المشاركة الأصلية كتبت بواسطة عيون زوجي

سلامتك يا ام اسيل
الحبوب اسمهم دوستنيكس
مع اني مسيبه الخدمه من سنين هههههههههههههه

لا ياعيون انا قصدي شريف نسهف فيك عا الخدمة كيفي
بيش تقعدي تعبانة ومرهقة لان الارهاق يوريك قيمة الحياة

ام اسيل · 12-13-2010, 01:31 AM

واو ياعيون سهفتيني انا هذي عندي احلى حاجة
بترقديني وانا جيعانة
تصبحو على كنافة قصدي على خير

ام لقمان · 12-13-2010, 05:11 AM

السلام عليكم
ام سعد انشالله كيف ما ودعتى اتلاقى
وربى يسلمك ويعينك
خودى على روحك بالشوى وما اديريش نفسك فالحه هلبه
كله ايكمل المهم صحتك واعويلك