قصتي مع التحاليل

[قمر بنت راشد]

السلام عليكم ورحمة الله وبركاته

يقولون اللي طول الغيبه جاب الغنايم ان شاءالله

بنات انا دورتي موعدها 5- 12 مثل اللي تعرفونه واليوم 7-12 وماشرفت واهيه طبيعتها ماتتاخر ماشاءالله

المهم انا من 10 ايام قبل موعد الدوره الم في ظهري لحد يومها ماشرفت وهيه المفروض تشرف بالليل او الصبح


المهم انا مخططه اروح للعمره الاسبوع الجاي ان شاءالله فقلت لازم احلل

كان يوم موعد دورتي فقلت لزوجي يلا نروح نحلل هههههههههه قال اي يلا قلت لا خل نصبر كم يوم مايبان اليوم

قال لاااا خل نحلل اليوم
المهم رحت المستشفى قالت لي تبين الهرموني اللي يطلع المستوى ولا العادي قلت لها شالفرق قالت اللي يطلع مستوى الهرمون يحتاج ساعتين لين تطلع النتيجه والعادي ربع ساعه قلت لها ابشري العادي انا بروحي متاخره

المهم واهيه تاخذ مني الدم سالتها متى لازم ينعمل هاي التحليل قالت لما تتاخر الدوره اسبوع هههههههه قلت لها انا اليوم موعدها قالت لي اجل اللحين نكمل شغلنا بس عييديه بعدين

كأني ماقلت المهم ههههههههههه

رحت صليت المغرب وانتظرت النتيجه بعدين لما خذتها فتحتا مكتوب weakly postive ( ايجابي ضعيف ) بطلت عيني وقلت لها تعاااالي يعني شنوو قالت لي يعني لازم ينعاد بعد اسبوع عشان نتاكد ان حمل

الحين مادري اصدق ولا اكذب سألت اهل الخبره قالو لي ارتاحي لان توووك اول يوم مايبان عدل وان شاءالله اكيد حامل ماشاءالله

انا مافيني صبر هههههههه ثاني يوم اخذت تحليل منزلي قالي الصيدلي اخذي الماركه الثاني ادق قلت له لا لا ماله داعي هذيك خلنا على العادي وبروح المستشفى خخخخخخ

بس سويته اليوم اول ماقعدت من النوم وطلع لي خط خفيييييييييف مره كنت مو مصدقه قلت يتهئ لي رحت اوري امي اقولها في خخخخ تقولي اي فيي بس خفيف ليش ماصبرتي اقولها ماعرف ههههه

وزوجي بعد يقولي يعني خفيف مثل تحليل الدم ههههههههه

ابي دعواتكم بالثبات بس

وسؤال عادي اروح العمره مع العلم ان الدرب 12 او 14 ساعه بالسياره وبعدين لازم نسوي العمره

وسامحووووووني على الاطاله بس انتوو خواتي ولازم اقولكم اللي صار وياي فديتكم كلكم وياااااااااارب كلكم حوامل يارب ويرزقني واياكم الذريه الصالحه الباره يارب

[منتهى الحب]

اولا الف مبرووووووووووووووووووووك خيتوو

والله يثبت حملك ياااا رب

الله كريم ساوي العمره

الله ىيحميكي

[ام سيد علي]

لاتروحي لان تتعب عليش بصير

ورتاحي لين يثبت الحمل ان شاء حبيبتي

ومبرروك واالله يتمم على خير

[قمر بنت راشد]

تسلمي لي منتهى الحب يعني تعتقدين الدرب بالسياره مايأثر ؟؟؟عادي في الشهر الاول؟؟

الله يبارك في حياتك ويارب يرزقك الذريه الصالحه ويجعله بار لواليده بكامل الصحه ويرزق كل وحده تتمنى يارب عاجل غير آجل يارب

[قمر بنت راشد]

المشاركة الأصلية كتبت بواسطة ام كرار

لاتروحي لان تتعب عليش بصير

ورتاحي لين يثبت الحمل ان شاء حبيبتي

ومبرروك واالله يتمم على خير

ام كرار فديتك الله يبارك فيج يارب

والله يسهلك عليك يارب
بس انا حجزت ودفعت وكل اهلي بيروحون حتى زوجي وش اسوي؟؟؟

[ام سيد علي]

خلي زوجش يجلس معش لان انتي في الشهر الاول مايصلح السفر

[قمر بنت راشد]

ان شاءالله بجوف الدكتوره بعد شتقول ان شاءالله الخميس او الاحد اروح عشان يبان ومايقولون لي بعد مو واظح

مشكوره حبيبتي جزاكي الله خير

[هدوء انثى]

كلللللووووولوووووووش وربي وربي فرحت من قللللللب الحمدلله يارب اللي اكرمك وفرح قلبي فيك وياااارب يتمم عليك ودام طلع لك هيك معناتها حامل يعني حامل
اقول لاتروحين العمره ربي يعلم بك وان شاء الله تروحين بعد الولاده مو ع طول لما تفطمين طفلك
الف الف الف الف الف الف مبرووووووووووووووووووووووووووووووووك
عاااد تعالي جنبي لاجل تصيبني العدوى واحمل هع

[هدوء انثى]

اقول وبلاتحليل عادي بلاهم حللي هرمون وارتاحي لاتجهدين حالك ومبروك مره ثانيه

[فروحه الحلوه]

هلا والله بقمرنا نورتي حبيبتي والله افتقدتك
اول شي حبيبي الف مبروك
ثاني شي ماارضي لوتجي السعوديه لازم تمريني جده اتشرف بيك
انامن رايي لوتأجلي العمره لحتى تعدي 3شهور وبعدين باص مشكله بس انت شوفي الطبيبه واستخيري وربي معك