أحد توحم مثلي ؟ شنو الحل ؟

[كوثرية]

السلام عليكم

أخواتي أنا حامل في آخر الشهر الثاني
وحامي غريب .
كرهت مقومات الحياة .
كرهت الماي لأنه يسبب لي غثيان .
كرهت الكلام لأن طعم ريقي يتغير في الشهور الأولى والكلام يزيد تغيره .
كرهت النوم أحس النوم شعور كريه ومن يجي وقت النوم أحاتي، حتى أحس كرهت غرفتي اللي أنام فيها والسبب انها انربطت في ذهني بالنوم .
الهوا لأني ما كرهته ما تهنيت فيه لأني أحس بخنقة على طول !!!

استفراغ على طول الخط أي شيء آكله أحسه ثقيييييييييل على معدتي ما أرتاح إلين أدخل دورة المياه وأستفرغ بإرادتي لأن المضمة وغسيل الأسنان يخلوني أستفرغ فإذا تعبت من معدتي غسلت أسناني أو تمضمت والباقي يصير الحاله ( أستفرغ ) !!

متى يخلص الوحام ؟
مع أن هذا الطفل الثالث !! بس ما توحمت في اخوانه زيه !!

[بطني صندوق كنز]

سبحان الله

عمري ما سمعت بوحام مثل هذا

أنا في نهاية الشهر الأول و هذا حملي الأول يعني لساتني في أول المشوار

إن شاء الله المجربات يفيدوك

[سها]

اختى الحبيبه لا تقلقى ابدا فانا فى نهايه الشهر الخامس وكنت مثلك تماما وكرهت كل شىء حت المطبخ والثلاجه والعصائر كرهت كل شىء بس كل دة انتى فى الشهر الثالث
واحب انصحك انك اول ما تصحى من النوم كلى اى شىء محمص مثلا قطعه خبز محمصه او قطعه توست محمصه حتى لا تستفرغين وممكن كمان تحطى مكعب ثلج فى فمك او تكلى الايس كريم لانه المثلاجات تعمل على انقباض المعدة وتمنع الاستفراغ
وربنا يكمل حملنا جميعا على خييييييييييييييير

[فتون]

ربي يسعدك يااقلبي وحاااامك صعب ربي يسلمك من كل شر
بس تصير سبحان الوحام هذا نفسية من الله سبحانه

[عزيزة النفس]

اختي هذا الوحم الله يعين عليه وصدقيني انا بطفلي الاول صاري زيك واكثر اقسم بالله اني استفرغ ومعدتي فاضيه واشوف الدم يطلع خفيف من قوة فراغ المعده والعصاره هي اللي تطلع 3 شهور وانا اتنوم واطلع وعايشه على المغذي والله اني ما اكل شي حتا المويه كرهتهاولساني شعور بالمراره احاول اكل قطع حلويات وعلك وكان يخفف على شي بسيط
الله يهون عليك

[كوثرية]

الله يحفظ كل من علقت ومرت بموضوعي

ويسهل على كل حامل ولادتها يارب

الله يصبرنا ويجازي أمهاتنا عنا كل خير

[دلع]

هذا الوحام وش نسوي له
بس صح زي ماقالت سهى لو تحطي مكعب ثلج يخفف الوحم شوي

[راجيه ربها]

الله يعينكـ ان شالله ويقومك بالسلامه والله ان الحمل متعبنااا بس يالله افضل لاجرناا ان شاللهـ

[كوثرية]

اللي يخلينا ما نصبر على الوحام أن احنا نتعب ولا نحس بنتيجة

على الأقل الطلق ألم من وراه نتيجة

لكن سبحان الله ماندري شنو السر في الوحام

[حساوية دلع]

بصراحه وحامك صعب حيل الله يكون في عونك ان شاء الله بس كم شهر ويروح عنك
انتي كذا بس انا مقدر اكل شي من اسناني يالموني حيل تعبانه حيل منهم ياليت اقدر اشيلهم وارتاح