ديوانية البحرين - دردشة حوامل البحرين - البحرينيات

[اقصوصه]

مسااااء الخير

[فلونة]

شموس،، افا عليج اطرش لج كارتون حلاوة بس دعواتج في هاليوم،، وسألي دكتورتج عن سالفة تشققات الجلد جوفي بشنو تنصحج

و البنات بعد باسألكم اذا وحدة تستخدم كريم حق التشققات الي تطلع في البطن مال تمدد الجلد انا خايفة يطلع لي لانه مبتدي فيني نفس الخطوط الرفيعة،، وقبل الحمال مافيني بطن كلش .. استخدم حاليا زيت زيتوون بس اختي كانت تستخدمه وصار لها في بطنها وما زال لونه كريه اي احد يستخدم كريم لوشن او زيت ونفع معاه يخبرني واهم شي ما يكون من مواد كيمائية ..

[اقصوصه]

فلونه جربي كريمات مذر كير

[بنت الأياويد]

فلونه جربي الكريم الي على زبدة الكاكو بثلاثة دينار من الصيدلية انا لان الحين كله صايدتني حكه في بطني وفيني خطوط وهالكريم يبرد علي واحسه وايد زين حتى الي في االصيدلية وايد امدحه لي عليه رسمة وحدة حامل

[اقصوصه]

ام حماني ما دخلت اليوم

[بنت الأياويد]

لا ام حماني قالت بتروح ويا ريلها

[حبيبة حسوني]

المشاركة الأصلية كتبت بواسطة بنت الأياويد

فلونه جربي الكريم الي على زبدة الكاكو بثلاثة دينار من الصيدلية انا لان الحين كله صايدتني حكه في بطني وفيني خطوط وهالكريم يبرد علي واحسه وايد زين حتى الي في االصيدلية وايد امدحه لي عليه رسمة وحدة حامل

حبيبتي ممكن تكتبين اسم الكريم لاني بدت تطلع ليي تشققات واجد مضايقتني بس في فخودي وصدري والله تعبت ونفسيتي تعبت كلهم يقولون مايروح حتى عقب الولاده
ياليت هالكريم يروحه والله

[بنت الأياويد]

تركيبة زبدة الكاكاو ، كريم التدليك لمعالجة التمدد الجلدي
هذي اسمه وسعره 3 دينار قالولي وايد زين اهو الي اهناك ومن قبل وايد ناس نصحوني فيه

[حنين للماضي]

عدنا من جديد

ايي شموس اني شكله نزل عجل
لأن عن جد هاليومين الثقل زااايد واليوم رحت لي مشوار مارجعت اله ماقدر اوقف على رجولي من الثقل
اييي الكل يقول حمل الولد اخف من البنت
عجل طالع ليش خنافر هااا
يلا كل شيء عشان بنوتة يهون
اني اشوه وجهي ماتغير خير شر بس طلعت لي خدود شوي
هاي لو طالع لي خنافر جان زوجي ذبحني بالطناز
بس اشوه هو في هالفترة واااجد متنان وكله اطنز عليه

[فلونة]

اقصوصة.. عاد شنو اسم كريم زين من مذركير ..

مشكوورة حبيبتي بنت الاياويد ،، باجر باروح اجوفه في الصيدلية .. انا ساعات ادهن جسمي بزيت زيتون بس يضايقني لانه وايد لزج بس اثق فيه لان تركيبته طبيعية ...اختي بتكمل شهر من ولادتها ومسكينة جسمها متروس خطوط وما يندرى تروح او لا وايد

واايد ناس غايبة عن المنتدى فجورة شكلها اولدت .. والفتاة ما لها حس وام خليل نفس الشي.. وام حمني لهت مع الريل