دردشة حوامل مصر - دردشة بنات مصر - تجمع حوامل مصر

[MALAK2010]

الف سلامة على اختك يارب تكون بخير الوقتى

انا صليت العيد بس فى البيت وبعدين نمت تانى والصبح عملت الفطار طبعا لازم كبدة ماعرفش لية بس انا ملقتش هنا كبدة جاموسة لقيت خرفان بس مش بحبها عملت لجوزى وانا عملت شاورما
بس بينى وبينك نفسى اكل كبدة ربنا يستر والبيبى مايتاثرش ههههههههه

وبعدها العصر خرجنا اتغدينا برة سمك ههههههههههههه الناس كلها بتاكل لحمة احنا اكلنا سمك وبعدها رحنا مول فى دبى كان زحمة فظيعة ما شاء الله بس كدة

[MALAK2010]

ومخرجتش تانى الا امبارح رحت لوحدة اعرفها هنا جوزها نزل مصر فرحت اقعد معاها شوية

[MALAK2010]

معلش اسيبك الوقتى جوزى صحى ولسة هحضر الفطار انا مبسوطة انى شفتك بس كان نفسى اقعد معاكى اكتر بس معلش قدامنا الاسبوع اللى جاى كله قبل ما تعملى بيات شتوى ومانشوفكيش ههههههههههه

[بقلظة]

سمك ليه كده هههههههههه

انتي مش بتحمي اللحمة والا ايه

انا مش بحب الكبدة لكن في العيد باكلها بالغصب علشان اعرف ان ليها فايدة كبيرة

يعني الكبدة باكلها مرة في السنة والحمد لله لكن اللي بحبها ووممكن اكلها الكبدة المستوردة بس برضه مش بنعملها ولا بنجيبها هههههههه

[MALAK2010]

لا انا بقالى كتيييييييييييييييير ماكلتش كبدة انا بحبها بس هنا دورت كتير مفيش الا خرفان

بس قوليلى هو بجد لما الواحدة تكون عاوزة تاكل حاجة فى الحمل وماتكلهاش بيطلع بعد الشر وحمة للطفل

[بقلظة]

المشاركة الأصلية كتبت بواسطة malak2010

معلش اسيبك الوقتى جوزى صحى ولسة هحضر الفطار انا مبسوطة انى شفتك بس كان نفسى اقعد معاكى اكتر بس معلش قدامنا الاسبوع اللى جاى كله قبل ما تعملى بيات شتوى ومانشوفكيش ههههههههههه

ماااااشي يا قمر

مش انا بس اللي ببيعكوا اهوه هههههههههههههه

انا كمان مبسوطة اكتر اني كلمتك

ان شاء الله انا اكتر ميعاد هتلاقيني فيه الصبح

في رعاية الله

[MALAK2010]

سلااااااااااااااام لحسن لسة هعمل فول بصلصة وبياخد وقت وجوزى عاوز ينزل للصلاة سلااااااااااااااام

[بقلظة]

المشاركة الأصلية كتبت بواسطة malak2010

لا انا بقالى كتيييييييييييييييير ماكلتش كبدة انا بحبها بس هنا دورت كتير مفيش الا خرفان

بس قوليلى هو بجد لما الواحدة تكون عاوزة تاكل حاجة فى الحمل وماتكلهاش بيطلع بعد الشر وحمة للطفل

انا اعرف كده وانا رآيي انها حاجة مفيدة ليه مش تاكليها لكن لو مضرة ليكي ونفسيك فيها اوي تدوقيها بس

انا كنت في اول ثلاث شهور هاموت علي الجبنة القديمة رغم اني مش كنت بحبها بس دوقتها كده بربع رغيف وحطيت عليها طحينة كتير لان الحوادق غلط جدااا عليكي

[بقلظة]

المشاركة الأصلية كتبت بواسطة MALAK2010

سلااااااااااااااام لحسن لسة هعمل فول بصلصة وبياخد وقت وجوزى عاوز ينزل للصلاة سلااااااااااااااام

سلاااااااااااام يا ملك

[Om Rodina]

انا فرحانة اوى بردودكم عليا وفرحانة اكتر انى بقيت اخت لكم انا متجوزة من خمس شهور والحمد لله ربنا كرمنى بالحمل علطول وانا حامل فى الشهر الخامس دلوقتى وزوجى سافر بعد فرحنا بتلات شهور وكان هايبعتلى علطول بس ظروفه لخبطت شوية علشان كده اتاخر سفرى له وده طبعا تاعب نفسيتى اوى بس الحمد لله هاعمل ايه يعنى لازم من الصبر بس الحمد لله طالما انى انضميت لكم اكيد هابقى كويسة لانى حسيت من ردودكم على بعض انكم بتحبوا بعض اوى
شكرا لكم اخواتى الحبيبات (بقلظة وملاك )على اهتمامكم بيا
ربنا يبارك فيكم