دردشة حوامل مصر - دردشة بنات مصر - تجمع حوامل مصر

[MALAK2010]

دودى :انتى فين عاوزة اتكلم معاكى انا مش هطول النهاردة لان جوزى تعبان ونايم الوقتى ولما يصحى همشى تعالى بقا اطمن عليكى

[دودى اشرف]

والله يا ملك زهقت من كتر ما بدخل ومش بلاقى حد .. وكتير ببقى موجوده وكل ما اعمل فريش الاقى اخر حاجة مكتوبة ومحدش دخل فا بسكت هكلم نفسى يا اختى يعنى هههههههههههههههههههههههه ... انا كمان والله جوزى شاطر فى الطبيخ يا امل بس مش شيف فا زى ما ملك بتقول مش بيعجبه اكلى لانه بيعرف يطبخ ودى معاناه بالنسبة ههههههههههههههههه وبرضه انا متعلمة كل حاجة بعد الجواز وهو كان بيساعدنى برضه كتير ومازال لو احتاجت مساعدته ربنا يخليهولى يارب ويخليلكم اجوازكم

[بقلظة]

المشاركة الأصلية كتبت بواسطة malak2010

دودى :انتى فين عاوزة اتكلم معاكى انا مش هطول النهاردة لان جوزى تعبان ونايم الوقتى ولما يصحى همشى تعالى بقا اطمن عليكى

سلامة جوزك يا ملك انا كمان زوجي تعبان عنده برد بس هو في الشغل دلوقتي ربنا يشفيهم ان شاء الله

[MALAK2010]

امل:انا الحمد لله بعرف اطبخ من قبل الجواز بس برضة باخد تريقة من اخواتى اللى يشوفهم يقول ان طبيخى وحش بالرغم ان الحمد لله طبيخى حلو
بس سبحان الله اتجوزوا بنات طبيخهم مش اد كدة الاولى مش بتعرف ولا عاوزة تتعلم والتانية بتعمل بس بطرق مختلفة عن اللى اخويا متعود ياكلها فبقولهم شفتوا من كتر التريقة بس والله بيصعبوا عليا فماما بتعوض دة وتاكلهم لما يجيوا عندها

[بقلظة]

ربنا يخليلك جوزك يا دودي انتي وملك

امبارح والله نفسيتي مكنتش تماااام

نكد وعيااط وايه معرفش بحس انه متعلقة بيه اكتر من الازم

لدرجة لما تصل بيا وقالي رايح لابن خالتي قعدت اعييط

اختي واالله بتضحك علي وتقولي عبيطة

بعدها قعدت لوخحدي وقررت اني اتغير معاه في المعاملة ومش احسسه اني مدلوقة عليه كده

اول ما دخل من باب الشقة ضحكت ولا كان في اي حاجة مضايقاني

تفسرو ده بايه

[MALAK2010]

انا جوزى استاذن من الشغل عندة وجع فى الزور وبياخد مضاد حيوى مهبطة ربنا يشفية يااااااااااااااارب

[دودى اشرف]

الف سلامة على اجوازكم يا بنات يارب ... ان شاء الله يكونوا كويسين ... هى فرة فى الازواج ولا ايه ههههههههههههههههههههه .. بس معلش علشان تغيير الجو

انا معاكم اهو والله وقريب المواقف بس علشان بكلمهم فى مصر معلش .. انا كمان اول مرة عملت رز وانا صغيرة اوى كنت لسه فى اعدادى وكانت مامة واحدة صحبتى هى اللى معلمانى لان ماما كانت مدلعانى فا طبقت الطريقة فى البيت اول مرة وطلع معجن خالص وبابا يا حبيبى الله يرحمه هو اللى اكله علشان يجبر بخاطرى ومزعلش يعنى هههههههههههههههههههههههههههههه

بقلظة اسألك على حاجة ... انا من ساعتين كده حسيت بتحجيرة فى بطنى على جنب كده وحطيت ايديى لاقيت حاجة ناشفة ... هو البيبى ولا ايه يا اختى ... انا سألت ماما وقالتلى اه ممكن تبقى راسه ولا كوعه وانا فى نص السادس دلوقتى ان شاء الله .. افدينيى بما انك اقدم ههههههههههههههههههههههه

[بقلظة]

ايوة يا دودي ممكن تكون رآس البيبي اتكوعرله في حطة وهو غالبا بتحسي بالحركة اكتر في الجانب الشمال انا كده ولو نمتي علي جنبك الشمال كمان

وساعات بررضه هتحسي بشد من تحت هو كده بيفرد نفسه ههههههههههه

يا بنتي ده جوا عايش حياته شقلبزات

[MALAK2010]

امل :بلاش تتغيرى من النقيض للنقيض علشان هو مايقلقش منك ويزعل ويقولك ماعتديش بتحبينى لانك عودتية على مستوى معين للحب والاهتمام
اية يعنى لما تحبى جوزك وتهتمى وتتعلقى بية بس مش لدرجة العياط
بالراحة على نفسك مش كلة عياط يا حبيبتى

[دودى اشرف]

ملك الف سلامة عليه يا حبيبتى ربنا يطمنك عليه يا قمر وابقى طمنينا عليه

بقلظة زى ما قلتى من شوية ان دى تغييرات الحمل يا حبيبتى ... تغيير موود ,,, انا اول امبارح كنت برضه بعيط لوحدى وكان عندى زهق فظيع ومش حاسة انى مبسوطة وقلت لجوزى يعنى ... وتانى يوم واحنا بنفطر كنت بتفرج على بوحه بتاع محمد سعد وطالبة معايا ضحك مع انى مش بضحك على اى حاجة وشفته قبل كده هههههههههههههههههههههه لاقيته بيقولى بتضحكى على ايه نفسى افهم قلتله عادى متدقش انا امبارح كنت بعيط لوحدى وانهارده طالبة معايا ضحك ههههههههههههههههههههههههه قالى ليه بتعيطى قلتله متخدش فى بالك ده الطبيعى بتاع الحمل بيغير المود كده فى ثانية هههههههههههههههههههههههههه