دردشة حوامل أهل الامارات - دردشة بنات الامارات - تجمع حوامل الامارات

[عذب الجوارح]

عاد صعبة لو صابها بها الوقت عيد وشكلنا ما بنقدر نروح مكان بس قالولي وايد صغار عندهم حمى وترجيع وغيره بس عشان الجو تغير مو شرط جدري الله يسمع منهم

[اقصوصه]

هلا ساره فعلا المشد وايد. زين ويرد البطن لوضعه الطبيعي
وانا عن نفسي حاليا استعمله

عذب الجوارح هيه والله يختي يصيحون وما نعرف شو فيهم
الله يعيني لين يكبرون
سلامة ينتج ماعليها شر ان شا الله

[عذب الجوارح]

الله يسلمج فديتج:)

[اقصوصه]

انزين ونزل مطر عندكم؟

[MALAK2010]

[اقصوصه]

صباح الورد ملاك

أنا ريلي مسافر اليوم

[عذب الجوارح]

مسا الغوالي كلهم
شحالج أقصوصة سألتي إذا في مطر بقولج المناطق حوالينا غرقاااااانة ونحن ولا قطرة سبحاان الله وانتو نزل عندكم

[عذب الجوارح]

أقول الله يحفظ لج ريلج ويرده لج بالسلامة
زين أنا من سنتين تقريبا ما نشتري ثياب الشتاء حق البنوتات إلا من سوريا ملابسهم عجييييبة والله جربتي تشتري من عندهم فيه معارض وأماكن بالدولة يبيعون ملابس سورية صح بس ما أعرف ليش خاماتها وايد تفرق

[اقصوصه]

هلا حبيبتي
إحنا نزل عندنا مطر اول امس بس عشر دقائق
حتى أنا ما حسيت فيه بس ريلي خبرني
والله سوريا أنا تقريبا سنويا أسيرها
بس أحس لبس لبنان احلى
ريلي فالطيااره الحين
الله يسلمج ان شا الله
الله يرده لي بالسلامه

[عذب الجوارح]

حبايبي باقي أسبوع وبدخل التاسع ادعو لي الله يسهل علي مع اني من ازعاج الثنتين اللي عندي أبي الولادة تتأخر بعد شوي كأنننننه على كيفي ""أستغفر الله""