تجمع حــوامل التوائم

[ديم الوفا]

مرحبا

بنات انا قبل امس رحت سويت سوناري الثاني وشافت الكيسين وقالت واحد سابق الثاني باسبوع وايام
واحد من الكيسين له 10 اسابيع و5 ايام و الثاني 11 اسبوع و3 ايام...

سبحان الله بصراحه استغربت الفرق ...وكان واحد اصغر من الثاني بالحجم

وفجأه وهي تحرك السونار لاحظتها طولت وترجع تشوف وقالها زوجي كأن فيه كيس ثالث...

قالت انا قاعده اشوف ابي اتأكد........ ولكن ماقدرت تتاكد وقالت تعالي بعد يومين نسوي سونار ثاني عشان نتاكد

وامس يابنات تليقفت ورحت السوق وفرفرت حول الساعتين
رجعت البيت احس بثقل اسفل بطني شوي وراح

وظهري بقى يعورني للفجر......ولما صليت الفجر حطيت كوتكس الحماية وطلع لي نقطه صفراء واضحه .....والله خفت وغيرت الكوتكس ونزل بعد افراز اصفر بس اكثر شوي وبعدها الى الحين ماشفت شي....

انا خايفه موت من الاجهاض لان سبق لي اجهاض وحملي الثاني كان ولادة مبكره بالسادس

واساسا موعد عملية الربط اخر هالشهر باذن الله

رجاءاً اللي تقدر تفيدني بشي تقول وياليت تطمنوني )) انا هالحمل آملي بالحياة ربي يحفظ لي ويتمم لي ويقر عيني بشوفتهم سليمين ومعافين.......

[أم ياسمين]

قوه بنات مشكورين حق كل اللي باركولي والله يتمم للحمل بخير و اللي تنطر الحمال الله يرزقها بالذريه الصالحه يا رب العالمين.
بنت الهدى: مشكوره على التهنئه و على المجهود يعطيج العافيه.
نواعم النعومه:سلامات وما تشوفين شر.
أم رضوي القمر:انا عن نفسي كل ما احد يسالني اتوهق وانا نوعي ما اعرف الف و ادور فاقولهم والله الكل درى حتى البعيد اللي ما يعرفني اذا سأل اقول ان فيني توم و الحفظ و التساهيل من الله سبحانه اهو الحافظ والله سترها معاي الحمدالله.
اوكي يا بنات عشانكم مهتمين تعرفون ولادتي وشلون صارت راح اكتبها الحين عشانكم وانشالله ما تزهقون و انتو تقرون عذروني على الاسلوب لأني ما أعرف اكتب ذاك الزود يالله بسم الله:

[أم ياسمين]

من نهاية الثامن وانا كنت متوسعه 3 سم بس الطلق مو راضي اييلي وكان ودي اني اولد في بداية التاسع وما ظل شي ما خذيته شربت دارسين و حلبه و زعفران رحت امشي على البحر كليت تمر وماكو فايده اليهال صامدون في يوم الاربعاء 3/11/2010 ميلادي كان عندي موعد مع الدكتور على اساس ان خلاص لازم يحددلي موعد حق يعطيني طلق صناعي و يولدني لأن التوأم الوقت النهائي حقهم 37 اسبوع و انا عديت الموعد قالي تيين يوم الاحد عشان اولدج قتله لأ ماني ناطره لي يوم الاحد خلاص صبري نفذ كل اسبوع اتوقع اولد و ما يصير جسمي متكسر لا قادره امشي و لا انام و لا اكل و لا اسوي شي اتعرفون انتو الاحاسيس هاذي ماكو داعي اشرحلكم المهم قالي خلاص عيل انا عندي خفاره يوم الجمعه تيين الظاهر اخترع من خزتي خخخخخخخخخ
المهم رحت البيت و زهبت جنطتي و جنطة اليهال و تنظفت طبعا اي شي لاني من كبر الكرشه ما اشوف وين قاعده احط الشيره و يوم الخميس رحت حفيت وانا بالطريج اختي دزتلي مسج قالتلي ان اخت صديقتها بالدوام شربت خروع و ياها الطلق ثاني يوم ما جذبت خبر رحت الصيدليه و شريت خروع و قتله ابي حق اييني الطلق قالي شربيه كله مع عصير و فعلا رحت البيت تغديت و شربت العصير مع الخروع و نمت قعت عل المغربيه احس اني بردانه قاعده اتغطا و ماكو فايده و الجو مو بارد ذاك الزود بس الظاهر عشان اسهال الخروع المهم رحت الحمام 3 مرات تكرمون بعدها ياني عوار في بطني ((الحين راح اكمل الباجي بس بظيف الللي كتبته اخاف ينمسح))

[جومانا]

هلااااااا فيك ام ياسمين
انا بالانتظار احب الاكشن حق الولادة

[محجبه]

وانا ام ياسمين بانتظارك متحمسه حييييييييييل

[جومانا]

محجبة انا وانتي غير متحمسين ندور قصص الولادة
اتخيل شكلك قدام الشاشة مبققة عيونك تنتظرين
متى ان شاء الله يجي اليوم اللي نجي ونكتب قصصنا

[أم ياسمين]

الجزء الثاني من ولادتي:
لمن ياني العوار شكيت عوار البطن هذا من الخروع والا طلق اللي شككني ان من الخروع ان ياني بس في بطني ما ياني بالظهر واللي شككني ان طلق ان قام اييني منتظم و على الساعه 9 حسبتله قام اييني كل 5 دقايق وانا اقول حق زوجي يقولي هذا مال الخروع اروح الحمام تكرمون مافي شي بطني صار فاضي بعدها قاعده احاول امشي مو قادره اقعد مو قادره اوقف مو قادره زوجي شافني جذي قالي يالله قومي خل اوديج الطبيب شكلج وايد متعوره قتله لحظه اشووي بس بروح الحمام قعدت بالحمام نزل دم وحسيت ان الياهل بيطلع قمت عل طول و قلت حق زوجي يالله بسرعه الطبيب هاذي طلعت ولاده خخخخخخ(( الحمدالله و الشكر عل الاستيعاب المتأخر))
لبست عبايتي على السريع وباخذ الملفع بالدرج الاخير تحت مو قادره احس ان اذا ملت اشوي ان اليهال بيطلعون خليت بنتي اتساعدني و رحنا السياره وانا ذابحني العوار و ماسكه نفسي عشان لا ادفع يوم طلعنا من الفريج زوجي قال نسيت الاوراق و البطايف بالبيت لازم نرجع قتله بعدين انييبهم بس خفت مت يدخلونا قالي دقيقه على السريع ما يدري ان الدقيقه عنده ساعه عندي المهم قتله لازم نمر عل امي لان ممنوع دخول الرجال منو بتابع معاك وانت بره دقيت على امي مسكينه على طول طلعت بره و ناطرتنا بالشارع خذيناها و رحنا المستشفى احس الطريج صار طويييييييييييييل و زوجي دايس بالسياره 170 و امي قاعده تستشهد وتقولي لا تصارخين تخلين زوجج يدعم فينا الحين انا كل ما يت الدفعه ماسكه نفسي عشان لا ادفع هذا اللي زاد العوار علي

[أم ياسمين]

ولادتي الجزء الثالث:
وصلنا بالسلامه وركض يابولي الترولي و بسرعه على غرفه الكشف شافتني السستر حست فيني قالتلي بسرعه دخلي سدحتني واللي ينرفز ان انا في قمه العوار وهاذي تسألني جم سنه متزوجه وجم ياهل عندج ولادتج طبيعيه والا قيصريه و انا مت عندهم 4 ملفات حقي و لي الحين يسألون هالاسئله يت الدكتوره حطت ايدها حق الكشف وإلا ايدها قاعده تسبح داخل اخترعت غلى طول نادت السسترات هاذي مفتوحه على الاخر يالله على غرفة الولاده فصخوني و لبسوني اللبس اللي يطلع كل شي من وره وبسرعه بالترولي على غرفة الولاده و طول ما انا بالطريج و اهم يقولولي لا تدفعين لا تدفعين لمن وصلنا الغرفه نادو دكتور الولاده لان التوم لازم يكون دكتور اهو اللي يولد لو واحد جان السسترات يي الدكتور اول ما شفت وجهه سألته ادفع؟ اول ما قالي اي دفعي عطيتها دفعه اهي وحده بس بكل قوتي وطلعت بنتي على طول ما راووني ياها لانها صغيره وزنها 1800 ركضو فيها على الحضانه على الساعه 12 و 20 دقيقه من فجر يوم الجمعه 5/11/2010 على طول اهني انا ارتحت لان الولد ما كان نازل الماي ماله فما كان في طلق بس هدينا الوضع اشوي يتبع

[محجبه]

ام ياسمين
حلو الاكشن يتربون بعزكم
جومانا يلا عالصيدليه جاري شراء الخروع بسرعه الصاروخ

[أم ياسمين]

ولادتي الجزء الرابع و الاخير:
بعد ما ريحت السستر جيكت على البيبي من فوق البطن نازل و الدكتور حط ايده يفقص كيس البيبي عشان ينزل الماي لمن نزل الماي على طول حيت بالدفعه قلت حق الدكتور ادفع قالي اي وبعد مره ثانيه دفعت دفعه وحده قويه حيل لين طلع ولدي الساعه 12و 25 دقيقه يعني بينهم 5 دقايق وهذا عاد وزنا مناسب كان 2600 فراوتني ياه و لمسته بأيدي حياتي شكله وصخ بس يكسر الخاطر ودوه عشان يغسلونه والدكتور لي الحين يحوس قتله شنو قاعد تسوي قالي ابي اطلع المشيمه اهي وحده و الا ثنتين قتله ثنتين تبي اساعدك قالي اذا تقدرين المهم دفعت معاه لمن طلع المشيمتين و ظل يظغط عل بطني عشان يطلع الوصخ و الدم ولمن خلص استانس قال حق السيستر هاذي خوش وحده وايد ساعدتنا حطيلها بنج قوي عشان ما تحس بالخياط وسألأني ليش ناطره لي حزة الحزه و متحمله العوار بالبيت ليش ما ييتي ابجر قتله عاد عن الخروع مات من الظحك علي المهم ان خيطني و توصا بالخياط زياده احس صكر جميع الفتحات خخخخخخخخ
حطوني بغرفة الافاقه لمدة 1 و نص عشان يطلعون كل الدم اللي في بطني و بعدين خلوني اكلم زوجي يعني ابي ابشره طلعو اللي يشتغلون بالمستشفى سابقيني و قايليله عشان ياخذون الحلاوه المهم يابولي ولدي نظيف و صعدنا مع بعض الغرفه حطوه مع الاطفال ويابولي ياه اليوم الثاني الصبح الحمدالله حسيت ولادتي كانت متيسره و ما كان فيها صعوبات والحين لمن اتذكر ابط من الظحك على شكلي يومها اهم شي اللي على وجه ولاده لا تخترعون ترى التساهيل من رب العالمين والله يقوم الكل بالسلامه اسفه طولت عليكم بس انتو بغيتو السالفه بالتفصيل و انا ما صدقت خخخخخخخخخ